அமெரிக்கா – கலிபோர்னியாவில் உள்ள சிமி வேலி (Simi Valley) நகரிலுள்ள ஒரு கிறித்தவ புத்தகக் கடையில், வாடிக்கையாளர்கள் அனுமதிக்கப்படும் கழிவறையினுள்ளே ஒரு கேமரா மறைத்து வைக்கப்பட்டுள்ளது கண்டுபிடிக்கப்பட்டது. இதனைத் தொடர்ந்து அங்கு பணிபுரியும் 28 வயது ஊழியர் ஒருவர் கைது செய்யப்பட்டார்.
40 வயது பெண் ஒருவர் அந்தக் கடையிலுள்ள கழிவறைக்குள் சென்ற போது, அங்கு ஓரமாய் அடுக்கி வைப்பட்டிருந்த பெட்டிகளின் இடையே கேமரா மறைத்து வைக்கப்பட்டிருந்ததை பார்த்து அதிர்ச்சியுற்றார். அவரும் அவரது கணவரும் சந்தேகத்திற்கிடமான வகையில் அங்கு இருந்த கேமரா பற்றி போலீஸில் தகவல் தெரிவித்தனர்.
விரைந்து வந்து கேமராவைக் கைப்பற்றிய போலீஸார், அதனை சோதனையிட்ட போது, அந்தக் கடையில் ஊழியர் அதனை அங்கு நிறுவுவது பதிவாகியிருந்தது தெரிந்தது. கேமரா பதிவு செய்வதை அறியாமல் அவர் அதனை நிறுவியதால் கையும் களவுமாய் மாட்டிக் கொண்டார்.
செய்தி : இந்நேரம்.காம்
கருத்துகள் இல்லை:
கருத்துரையிடுக