இஸ்லாமியர் இட ஒதுக்கீடு - உணரப்படாத உண்மைகள்

இஸ்லாமியர் இட ஒதுக் கீடு என்பது பல வகையான பரிமா ணங்களைக கடந்து வந்துள் ளது. 1927 முதல் 1947 வரை இஸ்லாமியர்கள் சென்னை மாகாணத்தில் 16 சதவிகிதம் இட ஒதுக்கீட்டை பெற்று வந்தனர்.

1947ம் வருடத்தில் ஓமந்தூர் ராமசாமியால் இந்த சதவிகிதம் 7 ஆக குறைக்கப்பட்டது. இந்த 7 சதவிகித இட ஒதுக்கீடு 1954ம் ஆண்டுவரை முஸ்லிம்களால் பெறப்பட்டது. 1954ம் ஆண்டு காமராஜர் முதல்வராக இருந்த போது இந்த 7 சதவிகித இட ஒதுக் கீட்டையும் தேவை இல்லை என நீக்கினார்.

"மத ரீதியான இட ஒதுக்கீடு இருக்கக்கூடாது'' என்று காமராஜர் முடிவு செய்து, முஸ்லிம் இட ஒதுக் கீட்டை முழுமையாக ரத்து செய்த பிறகு, முஸ்லிம்கள் அரசியல் ரீதி யாக காங்கிரஸ் கட்சியை வெறுக் கத் தொடங்கினார்கள். அந்த நேரத்தில்தான் "காமராஜர் தள்ளு படி செய்த இட ஒதுக்கீட்டை நாங் கள் பெற்றுத் தருவோம்'' என்று கூறிய தி.மு.க.வை முஸ்லிம்கள் ஒட்டுமொத்தமாக ஆதரித்து வெற்றி அடைய வைத்தனர்.

மாநிலக் கட்சியாக முதன் முதலில் உருவெடுத்த தி.மு.க.வால் முஸ்லிம் இட ஒதுக்கீட்டை உட னடியாக செயல்படுத்த முடியாமல் போனது. பின்னர் 1973ல் கருணா நிதி தலைமையிலான திமுக அரசு! இஸ்லாமியர்களை அப்போது இருந்த 31 சதவிகித பிற்படுத்தப் பட்டோர் இட ஒதுக்கீட்டில் இடம் பெற வைத்தது.

அதன் பிறகும் இஸ்லாமியர்கள் தொடர்ந்து கோரிக்கைகள் வைத்து தனி இட ஒதுக்கீட்டிற்காக போராடி வந்தனர்.

"மற்ற இந்து சமுதாயங்களோடு போட்டியிட்டு வாய்ப்புகளைப் பெறுவதில் எங்கள் சமூகம் கஷ் டப்படுவதால் தனி இட ஒதுக் கீடே எங்களுக்கு பயனளிக்கும்" என்ற அவர்களின் வாதம் சரியான முறையில் ஆட்சியாளர்களால் உணரப்படவில்லை.

பின்னர், 2008ஆம் ஆண்டில் தான் கருணாநிதி தலைமையிலான திமுக அரசு இஸ்லாமியர்களுக்கு தனியாக 3.5 சதவிகித இட ஒதுக் கீட்டை அளித்தது!

ஆனாலும், ஒதுக்கப்படும் பணி யிடங்களை நிரப்புவதில் ஏற்படும் குறைகள் பற்றியும், சதவிகித இட ஒதுக்கீடு மிகவும் குறைவாக உள்ளது என்பதைப் பற்றியும் முஸ்லிம்கள் தங்கள் அதிருப்தியைத் தெரிவித்து கோரிக்கைகளைத் தொடர்ந்து எழுப்பியவண்ணம் உள்ளனர்.

நீதிபதி ராஜேந்திர சச்சார், நீதிபதி ரங்கநாத் மிஸ்ரா ஆகியோர் தெளி வாக உரைத்திட்ட பிறகும் முஸ்லிம்களுக்கு சரியான முறையில் மத்திய, மாநில அரசுகளால் இட ஒதுக் கீடு அளிக்கப்படாமல் இருப்பது சமூக நீதிக்கு முற்றும் எதிரானது.

சமீபத்தில், காங்கிரஸ் கட்சியின் மூத்த அமைச்சர் சல்மான் குர்ஷித் ஒன்பது சதவிகித இட ஒதுக்கீடு கொடுக்க முடிவெடுத்து விட்டதா கக் கூறியுள்ளது வரவேற்கத்தக்க ஒன்று.

எதிர் கட்சிகளின் எதிர்ப்புகளை வென்று 9 சதவிகித இடஒதுக் கீட்டை இஸ்லாமியர்களுக்கு கொடுத்துவிட்டால் காங்கிரஸ் கட்சி சமூகநீதி வரலாற்றில் மிகப் பெரிய முக்கியத்துவம் பெரும் என்பது உறுதி!

- தஞ்சை வெங்கட்ராஜ்

source: http://www.keetru.com/index.php?option=com_content&view=article&id=19763:2012-05-15-05-50-27&catid=1472:2012&Itemid=715

ஐ.ஏ.எஸ். தேர்வு முடிவுகள் ஓர் ஆய்வு

இந்திய அரசு நிர்வாகத்தை திறம்பட நிர்வகிக்கும் இந்திய ஆட்சிப் பணி, காவல் பணி, உள்ளிட்ட முக்கியப் பணிகளுக்கு நடைபெற்ற இறுதித் தேர்வில் 910 பேர் தேர்வு செய்யப்பட்டுள்ளனர். ஐ.ஏ.எஸ். தேர்வில் பிரதானமான எழுத்துத் தேர்வு சென்ற ஆண்டு அக்டோபர்&நவம்பர் மாதங்களில் நடைபெற்றது. நேர்முகத் மற்றும் ஆளுமைத் திறன் தேர்வு இவ்வாண்டு மார்ச் மற்றும் ஏப்ரல் மாதத்தில் நடைபெற்றது. வெற்றி பெற்ற 910 பேரில் பொதுப் பிரிவினர் 420 பேரும் (21 பேர் மாற்றுத் திறனாளிகள்), இதர பிற்படுத்தப்பட்ட பிரிவினர் 255 பேரும் (8 பேர் மாற்றுத் திறனாளிகள்), செடியூல்டு பிரிவில் 157 பேரும் (இதில் 4பேர் மாற்றுத் திறனாளிகள்), செட்யூல்டு பழங்குடியினப் பிரிவில் 78 பேரும் தேர்வாகி உள்ளனர்.

ஐ.ஏ.எஸ். அரசு அறிவிப்பின்படி இந்திய ஆட்சிப் பணி என்ற ஐ.ஏ.எஸ். பணியிடத்திற்கு 170 இடங்கள் காலியாக உள்ளன. இதில் 85 பேர் பொதுப் பிரிவிலும், 48 பேர் இதர பிற்படுத்தப்பட்டோர் பிரிவிலும், 28 பேர் ஷெட்யூல்டு பிரிவிலும் ஒதுக்கப்பட்டுள்ளது. பழங்குடியினருக்கு 13 இடம் காலியாக உள்ளது.

ஐ.எஃப்.எஸ். இந்திய வெளியுறவுத்துறை (ஐ.எஃப்.எஸ்) துறையில் 40 இடங்கள் காலியாக உள்ளன. இதில் 23 பொதுப்பிரிவு, 9 பிற்படுத்தப்பட்டோர் பிரிவு, 5 ஷெட்யூல்டு பிரிவு, 3 பழங்குடியினர் பிரிவுக்கானது.

ஐ.பி.எஸ். இந்திய காவல் துறையில் (ஐ.பி.எஸ்.) 78 இடங்கள் பொதுப்பிரிவிலும், 37 இடங்கள் பிற்படுத்தப்பட்டோருக்கும், 21 ஷெட்யூல்டு பிரிவினருக்கும், 14 இடங்கள் ஷெட்யூல்டு பழங்குடியினருக்கும் வழங்கப்பட்டுள்ளது. குரூப் ஏ மத்திய அரசின் குரூப் பிரிவுக்கான இடங்கள் 543 காலியாக உள்ளன. அதில் 273 பொதுப் பிரிவிலும், 148 பிற்படுத்தப்பட்டோர் பிரிவிலும் 81 இடங்கள் ஷெட்யூல்டு பிரிவுக்கும், 41 பழங்குடியினர் பிரிவுக்கும் ஒதுக்கீடு செய்யப்படுகிறது. குரூப் பி மத்தியப் பணிகள் குரூப் பி பிரிவில் காலியாக உள்ள 98 இடங்களில் பொதுப்பிரிவில் 52 இடங்களும், பிற்படுத்தப்பட்டோருக்கான 15 இடங்களும், ஷெட்யூல்டு பிரிவினருக்கு 24 இடங்களும், பழங்குடியினருக்கு 7 இடங்களும் காலியாக இருந்தன. இதற்கான இடங்கள் தற்போதைய ஐ.ஏ.எஸ். தேர்வுகளின் மூலம் நிரப்பப்பட உள்ளன.

சாதனைப் படைக்கும் தமிழகம் அகில இந்திய அளவில் நடைபெற்ற ஐ.ஏ.எஸ். தேர்வில் தமிழகத்தைச் சேர்ந்த 68 பேர் வெற்றி பெற்றுள்ளனர். அதாவது 7.5 சதவீதம் பேர் மத்திய ஆட்சிப் பணிக்கு தமிழகத்தில் இருந்து தேர்வாகி உள்ளனர். குறிப்பாக ராமநாதபுரம் மாவட்டம் கீழக்கரை அருகே உள்ள மாவிலாத்தோப்பு கிராமத்தைச் சேர்ந்த விவசாய கூலித் தொழிலாளி சண்முகவேலுவின் மகன் கோபால் சுந்தர்ராஜன், அகில இந்திய அளவில் 5ஆம் இடம் பெற்றுள்ளார்.

இதில் மகிழ்ச்சிக்கும் வியப்புக்கும் உரிய செய்தி என்னவெனில், தமிழகத்திலிருந்து வென்ற 68 பேரில் 20 பேர் விவசாய பட்டதாரிகள் ஆவர். இதில் பலபேர் எவ்விதப் பயிற்சி வகுப்புகளுக்கும் செல்லாமல் வெற்றி ஈட்டியுள்ளனர் என்பது குறிப்பிடத்தக்கது.

தாய்மொழி போதும் ஐ.ஏ.எஸ். என்பது அடைய முடியாதது; யாருக்கும் அவ்வளவு எளிதில் வாய்க்காது என சோர்வுற்றுக் கிடக்கும் மாணவர் சமூகத்திற்கு ஊக்கமும் உத்வேகமும் ஊட்டும் பல்வேறு செய்திகள் ஆட்சிப் பணி தேர்வில் உண்டு. ஐ.ஏ.எஸ். தேர்வுக்கு ஆங்கிலம் நன்றாக புலமைப் பெற்றிருக்க வேண்டும், தாய்மொழி மட்டும் போதாது என்ற கருத்து இன்றுவரை சிலரால் நம்பப்பட்டு வருகிறது. ஆனால் இந்தியாவில் அவரவர் தாய்மொழியில் ஐ.ஏ.எஸ். தேர்வு எழுதலாம் என்பது பல ஆண்டுகாலமாகவே பின்பற்றப்பட்டு வருகிறது. தமிழில் ஐ.ஏ.எஸ். தேர்வு எழுதி நேர்முகத் தேர்வையும் தன்னம்பிக்கையுடன் எதிர்கொண்ட கரூர் இளைஞர் தினேஷ்குமார் 910 இடங்களில் 359வது இடத்தைப் பிடித்துள்ளார்.

நேர்முகத் தேர்வில் ஐந்து பேர் கொண்ட குழுவினர் கேட்ட பெரும்பாலான ஆங்கிலக் கேள்விகளுக்கு தமிழிலேயே பதில் அளித்துள்ளார். அங்கு மொழிப் பெயர்ப்பாளர்களும் உண்டு. கடந்த ஆண்டு தமிழகத்தைச் சேர்ந்த திவ்யதர்ஷினி, ஐ.ஏ.எஸ். தேர்வில் இந்தியாவிலேயே முதலிடத்தைப் பெற்றார். சட்டம் படித்த அவர் முதலிடம் பெற்றார் எனில் அதற்கு முந்தைய ஆண்டு (2010ல்) ஜம்மு காஷ்மீரைச் சேர்ந்த மருத்துவர் ஷா பைசல் இந்தியாவிலேயே ஐ.ஏ.எஸ். தேர்வில் முதலிடம் பெற்றார்.

இந்த ஆண்டு 30 முஸ்லிம்கள் இவ்வாண்டு முஸ்லிம் சமூகத்தைச் சேர்ந்த 30 பேர் ஐ.ஏ.எஸ். தேர்வில் வெற்றி பெற்றுள்ளனர். குறிப்பாக முதல் 50 இடத்திற்குள் மூன்று முஸ்லிம்கள் தேர்வாகியுள்ளனர்.

கடந்த ஆண்டு 50 இடங்களுக்குள் தாரிக் என்பவர் மட்டுமே 35வது ரேங்க்கைப் பிடித்திருந்தார். இவ்வாண்டு சையத் ஆபித் ரஷீத்ஷா (எண் 218226) 35வது ரேங்க்கும், நூஹ் (136206) 45வது ரேங்க்கும், முஹம்மது ஷரீக் பத்ரு (051236) 48வது இடமும் பெற்றுள்ளனர். எனினும் கடந்த ஆண்டு 31 முஸ்லிம்கள் தேர்ச்சி பெற்றிருந்தனர். இவ்வாண்டு 30 பேர் தேர்ச்சி பெற்றுள்ளனர்.

முஸ்லிம் தேர்ச்சி விகிதம் கடந்த 10 ஆண்டுகளில் முஸ்லிம் சமூகத்தின் ஐ.ஏ.எஸ். தேர்ச்சி விகிதத்தை கொஞ்சம் பார்ப்போம்.

இந்திய ஆட்சிப் பணி, காவல் பணி உள்ளிட்ட அதிகாரமிக்க பதவிகள் வழியாக நாட்டுக்கும் மக்களுக்கும் அரும் தொண்டாற்ற ஐ.ஏ.எஸ். தேர்வுகளுக்கு இளைய தலைமுறையினர் தயாராக வேண்டும்.



---அபுசாலிஹ்

கூத்தாநல்லூர் குலுங்கியது. புதிய சரித்திரத்தை தொடங்கியது மாணவர் இந்தியா!!

திருவாரூர் மாவட்டம் கூத்தாநல்லூரில் மே 17 அன்று மனிதநேய மக்கள் கட்சியின் சார்பு அமைப்பான மாணவர் இந்தியாவின் முதல் மாவட்ட மாநாடு வெற்றிகரமாக நடைபெற்று முடிந்திருக்கிறது
மாலை 4 மணி முதலே மாநாட்டு நிகழ்ச்சிகள் தொடங்கின. கல்வி வழிகாட்டி கருத்தரங்கம், மருத்துவ பரிசோதனை அரங்கம், இனப்படுகொலைக்கு எதிரான புகைப்பட கண்காட்சி, கல்வி நிறுவனங்களின் அரங்குகள், புத்தக அரங்குகள் என பன்முக தன்மையோடு மாநாடு களைகட்டியது. ஆரம்பத்தில் உள்ளூர் மக்களும், மாணவ மாணவிகளும் அரங்குகளை நிறைத்தனர். 6 மணி நெருங்கியதும் அந்த மாநாட்டு விதி மக்கள் நெருக்கடியால் திணறியது. மக்ரிப் தொழுகைக்குப்பிறகு மாவட்டத்தின் பல்வேறு ஊர்களிலிருந்து எழுச்சி மிகு முழக்கங்களோடு வாகனங்களில் அமர்ந்தபடியே மாணவர் பட்டாளம் கூத்தாநல்லூரை முற்றுகையிட்டது.
7 மணிக்கெல்லாம் மாநாட்டின் 2 ஆம் நிகழ்வு தொடங்கியது. மாநாட்டிற்கு மமக மாவட்ட தலைவர் நூர்தீன் தலைமை தாங்கினார். மாவட்ட நிர்வாகிகள் முன்னிலை வகிக்க மாணவர் இந்தியாவின் மாவட்ட ஒருங்கிணைப்பாளர் டாக்டர். சர்வத் கான் நிகழ்ச்சிகளை ஒருங்கிணைத்தார்.
மூத்த தலைவர் பேரா. எம்.ஹெச். ஜவாஹிருல்லாஹ், தமுமுக-மமக தலைவர் மௌலவி J.S. ரிபாயி, மமக பொதுச்செயலாளர் M. தமிமுன் அன்சாரி, இணை பொதுச்செயலாளர் S.S. ஹாரூன் ரஷீது, வழக்கறிகர் சரவண பாண்டியன், பேரா. J. ஹாஜா கனி, மதுக்கூர் ராவுத்தர், தர்மபுரி சாதிக், நாசிகுலம் தாஜுதீன், வழக்கறிஞர் பிரபுதாஸ் உள்ளிட்டோர் சிறப்புரையாற்றினார்கள்.
பெண்கள் பகுதியில் 500 க்கும் மேற்பட்ட மாணவிகள் தங்களின் பெற்றோரோடு வருகை தந்து கல்வி குறித்த தங்கள் ஐயங்களை கேட்டறிந்ததோடு மாநாட்டு நிகழ்ச்சிகளிலும் அமர்ந்து தங்கள் பங்களிப்பை உறுதிபடுத்தினர். மேலும் மாணவர் இந்தியாவின் சார்பில் மாணவிகளுக்கென தனியாக கல்வி வழிகாட்டி கருத்தரங்குகளை இனிவரும் காலங்களில் நடத்த வேண்டுமென கோரிக்கை விடுத்தனர்.
மாணவர்கள் மருத்துவ ஆய்வரங்கிற்கு சென்று இரத்த தானம் செய்தனர். ஒரு கட்டத்தில் இரத்தத்தை சேமிக்க வசதி இல்லை என்று கூறி டாக்டர்கள் மறுத்ததால் ஏராளமான மாணவர்கள் இரத்தம் கொடுக்காமலேயே திரும்பினர்.
கல்வி நிறுவனங்களின் அரங்குகளில் +2 மாணவர்கள் தங்கள் விண்ணப்பங்களை பூர்த்தி செய்து கொடுத்து பரபரப்பாக இருந்தனர். புத்தக அரங்குகளில் பல ஆயிரக்கணக்கான ரூபாய் மதிப்புள்ள புத்தகங்கள் சில மணி நேரங்களில் விற்று தீர்ந்தன. இது அங்கு வருகை தந்திருந்த பொது அறிவு தாகத்தை வெளிப்படுத்துவதாக இருந்தது.
இரவு 11.30 அளவில் மாநாடு நிறைவு பெற்றது. சரியான மாணவர் இயக்கம் தங்களுக்கு கிடைத்த மகிழ்ச்சியில் மாணவ மாணவிகளும்,பெற்றோர்களும் உற்சாக வெள்ளத்தில் திரும்பினர்.
மாநாட்டு மேடைக்கு ஷஹீது கூத்தாநல்லூர் நூர்முஹம்மது அவர்களின் பெயர் சூட்டப்பட்டது. கொடிகள், தோரணங்கள், ஊரங்கு மின் விளக்குகள், திப்பு சுல்தான், வி.பி.சிங், அம்பேத்கர், மாவீரன் ஹேமந்த் கர்கரே ஆகியோரின் பெயரால் வரவேற்பு வளைவுகள் என மாணவர் இந்தியாவின் முதல் அத்தியாயம் வெற்றிகரமாக தொடங்கியுள்ளது.
இனி மாவட்டம்தோறும் மாநாடுகள், கல்லூரிகள் தோறும் அமைப்புகள் என புயல்போல புறப்பட இருக்கிறது மாணவர் இந்தியா..

மாணவர் இந்தியா – முதல் மாவட்ட மாநாடு

இறைவனின் திருப்பெயரால்..

கூத்தாநல்லூர் – நகராட்சி அலுவலகம் முன்பாக 17.5.12 மாலை 4 மணியளவில், மாணவர் இந்தியா அமைப்பின் முதல் மாவட்ட மாநாடு மிகச்சிறப்பாக நடைபெற்றது.
இந்நிகழ்ச்சியில் ஆப்கானிஸ்தானில் அமெரிக்க நடத்திய வன்முறை, பற்றியெறியும் பாலஸ்தீன விடுதலை களம், ஈராக்கில் அமெரிக்காவின் அட்டூழியம், காஷ்மீர் கண்ணீர் காட்சிகள், குஜராத் கலவரம் ஆகியவற்றின் புகைப்பட கண்காட்சியும், மருத்துவ பரிசோதனை முகாம் மற்றும் மருத்துவ முகாம், கல்வி நிறுவனங்களின் அரங்கம், சட்ட ஆலோசனை அரங்கம் போன்றவைகளும் இடம் பெற்று இருந்தன.
மாவட்ட தலைவர் K.H. நூர்தீன் அவர்கள் தலைமையெற்க, நீதிபோதனை உரையினை S.P யூசுப் அவர்கள் நிகழ்த்த, நிகழ்ச்சி தொகுப்பு உரையினை டாக்டர். முஹம்மது சர்வத்கான் M.B.B.S அவர்களும், சிறப்புரையினை R. பிரபு தாஸ் – மாவட்ட வக்கீல்கள் அணி செயலாளர் அவர்கள் நிகழ்த்தினார்கள். இம்மாநாட்டில், மாநில பொறுப்பு செயலாளர் மதுக்கூர் ராவுத்தர்ஷா, மனித நேய மக்கள் கட்சி மாவட்ட செயலாளர் S. முஹம்மது மாலிக், செயற்குழு உறுப்பினர் A. நாச்சிக்குளம் தாஜ்தீன் மற்றும் தமுமுக மமக நகர, கிளை நிர்வாகிகளும் கலந்துக்கொண்டனர்.
பேராசிரியர் ஜெ. ஹாஜாகனி அவர்களின் உரையின் சில பகுதிகள்..
”தமுமுகவின் வளர்ச்சிப்பாதையினை மாணவர் இந்தியா நன்றாக கவனிக்க வேண்டும். மாணவர் இந்தியாவின் அமைப்பு 2000 ம் ஆண்டில் திட்டமிடப்பட்டது தான். சில தவிர்க்க முடியாத காரணத்தினால் அன்று செயல் படுத்த முடியவில்லை. ஆனால் இன்று மாணவர் இந்தியா அமைப்பு நன்றாக செயல்படும் அமைப்பாக உள்ளது.”
மமக மாநில பொது செயலாளர் M. தமீமுன் அன்சாரி உரையின் சாராம்சம்..
”இழந்த உரிமைகளை மீட்க பிறந்தது தான் தமுமுக, அதனை பின்தொடர்ந்து வந்தது மமக. 18 ஆண்டுகள் கடும் உழைப்பு, பல போராட்டங்கள், கடந்த காலத்தில் நாம் ஆற்றிய தியாகங்கள் அடுத்த தலைமுறையினருக்கு நாம் மனதில் பதிவு செய்ய வேண்டும். வரலாற்று சுவடுகளை எடுத்து பார்த்தால் மாணவர்களும், இளைஞர்களும் தான் மாற்றத்தினை ஏற்படுத்தி உள்ளார்கள்”.
தமுமுக மமக மாநில தலைவர் J.S. ரிபாயி அவர்களின் உரையின் சாராம்சம்..
”செல்போன் கலாச்சாரம் நம் சமுதாயத்தை சீரழித்து விட்டது. நம் சமுதாயத்தில் செல்போனால் வேலி தாண்டிய வெள்ளாடாக பல இளைஞர்கள் மற்றும் இளைஞிகள் மாறி விட்டார்கள்.”
தமுமுகவின் மூத்த தலைவரும், இராமநாதபுரம் சட்ட மன்ற உறுப்பினருமாகிய M.H ஜவாஹிருல்லா M.B.A. M.Phil., Ph.D., அவர்களின் உரையிலிருந்து சில பகுதிகள்..
”இருண்ட காலத்தில் இருந்த சமூகத்தில் அனைத்து துறைகளிலும் தனித்தன்மையினை உருவாக்கியவர் நபி (ஸல்) அவர்கள் என்றால் மிகையாகாது. இஸ்லாம் வரலாற்றில் இளம் வயதில் தன்னுயிரினை தந்தவர் அன்னை சுமைய்யா. ஹிஜ்ரத் பயணம் மேற்கொண்டதில் பலர் இளைஞர்கள் என்பதும் வரலாற்று குறிப்பு தான். இளைய சமுதாயம் நினைத்தால் பலவற்றை சாதிக்கலாம்.
மதுவினால் பல இளைஞர்கள் சீரழிந்து போய் கொண்டு இருக்கிறார்கள். ஓராண்டு கால சாதனையை சிறப்பிக்கும் அதிமுக அரசு வளமான தமிழகமாக மாறுவதற்கு பூரண மதுவிலக்கு அவசியம் என்பதினை பற்றி சட்டமன்றத்தில் 16.5.12 அன்று பேசி இருக்கிறேன்.
இம்மாநாட்டில் முத்துப்பேட்டையை தனித்தாலுக்காகவும், கூத்தாநல்லூரை தனித்தாலுக்காக மாற்றவும் தீர்மானம் நிறைவேற்றப்பட்டது. 3000 த்துக்கும் மேற்பட்ட கலந்துக்கொண்ட இம்மாநாடு இரவு 11.30 மணிக்கு முடிவடைந்தது.

கூத்தாநல்லூரில் மாணவர் இந்தியா மாநாடு

மனிதநேய மக்கள் கட்சியின் சார்பு அமைப்பான மாணவர் இந்தியாவின் சார்பில் திருவாரூர் மாவட்டம் கூத்தாநல்லூரில் முதல் மாவட்ட மாநாடு மே 17 அன்று நடைபெற உள்ளது. ம.ம.க. மாவட்ட தலைவர் நூர்தீன் தலைமையில் மாவட்ட நிர்வாகிகளும், மாணவர் இந்தியாவின் மாவட்ட ஒருங்கிணைப்பாளர் டாக்டர் சர்வத் கான் தலைமையில் மாணவர் படையும் மாவட்டமெங்கும் தீவிரமாக களப்பணியாற்றி வருகிறது.

இந்த மாநாட்டையொட்டி மதியம் 4 மணி முதல் கல்வி வழிகாட்டும் நிகழ்ச்சி நடைபெற உள்ளது. இதில் புகழ்பெற்ற கல்வியாளர்கள், கல்வி குறித்த மாணவர்கள் மற்றும் பெற்றோர்களின் கேள்விகளுக்கு பதில் அளிக்க உள்ளார்கள். மற்றொரு அரங்கில் இனப்படுகொலைக்கு எதிரான புகைப்பட கண்காட்சி நடைபெற உள்ளது. மேலும் சட்ட ஆலோசனை அரங்கம், மருத்துவ பரிசோதனை ஆய்வு அரங்கம், புத்தக கடைகளின் கண்காட்சி ஆகியவற்றுடன் பல்வேறு கல்வி நிறுவனங்களின் அரங்குகளும் அமைக்கப்பட்டு வருகிறது.

இந்த நிகழ்ச்சி மதியம் 4 மணி முதல் mmklive.com மூலம் நேரடி ஒளிபரப்பு செய்யப்பட உள்ளது.

கோடை விடுமுறையில் இருக்கும் மாணவர்கள் அணி, அணியாக திரண்டு வரும் வகையில் பணிகள் நடைபெற்று வருகின்றன. மாநாட்டுப் பணிகள் குறித்து மமக பொதுச் செயலாளர் எம். தமிமுன் அன்சாரி, தமுமுக மாநிலச் செயலாளர் ஜெ. ஹாஜாகனி, மமக மாநில அமைப்புச் செயலாளர் ராவுத்தர்ஷா ஆகியோர் மாவட்ட நிர்வாகிகளுடன் அவ்வப்போது கலந்தாலோசித்து வருகின்றனர். தமிழகம் மற்றும் புதுச்சேரி மாநிலமெங்கும் மாணவர் இந்தியாவை கட்டியமைக்கும் பணிகளில் ஒரு பகுதியாக இம்மாணவர் மாநாடு முக்கிய திருப்புமுனையை ஏற்படுத்தும் என எதிர்பார்க்கப்படுகிறது.

யா அல்லாஹ் இந்த தாயின் நிலை உலகில் யாருக்கும் வராமல் இருக்க உன்னிடம் துவா செய்கிறேன்

அஸ்ஸலாமு அலைக்கும் ,

எனது பெயர் ஜீனத் வயது 60 / 2008 , எனது கணவர் பெயர் ஜான் பாட்சா , எனது மூத்த மகனும் , மகளும் திருமணமாகி தனிக்குடித்தனம் சென்று விட்டனர் , எங்களின் கடைக்குட்டி இளைய மகன் ஆஜம் தனது 19 ஆவது வயதில் 1998 ஆம் ஆண்டில் நடந்த கோவை குண்டு வெடிப்பு வழக்கில் கைது செய்யப்பட்டு தொடர்ந்து இன்று வரை விடுதலை கிடைத்திடாமல் சிறையில் இருந்து வருகிறான் .
அவனது நீண்டகால சிறைவாசத்தால் மனம் நொந்து போன எனது கணவர் ஜான் பாட்சா 2004 ஆம் ஆண்டில் இறந்து போனார் (இன்னா லில்லாஹி ) எனது துன்பகளுக்கு துணையாய் அறுதல் அளித்து வந்த கணவரும் இறந்து விட்டதால் , சிறையில் உள்ள எனது மகனின் பிரிவு என்னை அதிகம் வாட்ட தொடங்கியது அதனால் சிறைக்கு சென்று அடிக்கடி மகனை தூரத்தில் நின்றாவது பார்த்து வருவேன் , இது எனக்கும் எனது மகனுக்கும் சற்று ஆறுதலை தந்தது , அதுவும் சில காலம் தான் எனது பார்வை குறைபாடலும் உடல் நோய்களாலும் படுத்த படுக்கை ஆனேன் உடல் நிலைமை மிகவும் மோசமாகி 2008 ஆம் ஆண்டு செப்டம்பர் மாதம் கோவை அரசு மருத்தவ கல்லுரி மருத்துவமனையில் சேர்க்கப்பட்டேன் , இந்த படுக்கை தான் இவ்வுலகில் இறுதி படுக்கையாகிறது என்பதை உணர தொடங்கினேன் மன்னரை செல்லும் முன் சிறையில் உள்ள மகனை ஒரு முறையாவது காண்பேனோ என்று தவித்து கொண்டிருந்தேன் என் மகனோடு சில மணி நேரம் கூட இவ்வுலகில் வாழ முடியாமல் எனக்குரிய மரணத்தின் நேரம் என்னை பற்றி கொண்டது (இன்னா லில்லாஹி ) ...........
14 வருடங்களை அடிமை சிறையில் வாழும் எனது மகன் தந்தையையும் , தாயையும் இழந்து அநாதையாய் சிறையில் எப்படி தவிப்பானோ !?

யா அல்லாஹ் ! எனது மகனோடு நாளை மறுமையில் சுவனத்தில் ஒன்று சேர்பாயாக , இந்த நிலை தமிழக சிறையில் உள்ள எவருக்கும் ஏற்படாமல் காப்பாயாக!

மேல் உள்ள படத்தில் உள்ளவர் தான் ஜீனத்(ஜனாஸாவாக ) அருகில் உள்ளவர் தான் சிறைவாசி ஆஜம் ........

 சகோதரா ! சகோதிரிகளே ! நீங்களும் இவர்களுக்கு வேண்டி துஆ செய்வீர்களாக ....

source & thanks to :  Thamilagamuslim Siraivasigal

மதுரையில் காவல்துறையை கண்டித்து தமுமுக கண்டன ஆர்ப்பாட்டம்.

பாரதீய ஜனதா கட்சியின் மாநாட்டிற்காக, அத்வானி மதுரை வருகையை முன்னிட்டு, அப்பாவி முஸ்லிம் இளைஞர்களை, மிரட்டி, துன்புறுத்தும் மதுரை மாநகர காவல் துறையை கண்டித்து, தமுமுக சார்பில் நெல்பேட்டை அருகில் ஆர்ப்பாட்டம் 9.5.2012 இல் நடைபெற ஏற்பாடு செய்யப்பட்டிருந்தது. இந்த ஆர்ப்பாட்டத்திற்கு, காவல்துறை அனுமதி மறுத்து தடை விதித்தால், தடையை மீறி கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு மாவட்ட தலைவர் M.H. சிக்கந்தர் தலைமை தாங்கினார். மாவட்ட பொருளாளர் V.M. அப்துல் ரஃபி, மாநகர தலைவர் S. ஷேக் இப்ராஹீம், மாநகர செயலாளர் PM ஷேக் அஹமத் அப்துல்லாஹ், மாநகர பொருளாளர் A. முஹம்மது ஸாலிஹ், மாவட்ட துணை செயலாளர் K. அப்பாஸ் ஆகியோர் முன்னிலை வகித்தனர். இந்த ஆர்ப்பாட்டத்தில் 120 க்கும் அதிகமானோர் கைது செய்யப்பட்டனர்.