உவைசியின் 11.06.2014 அன்றைய பாராளுமன்ற உரை கவனிக்கப்படவேண்டியவை:

 

உவைசியின் 11.06.2014 அன்றைய பாராளுமன்ற உரை கவனிக்கப்படவேண்டியவை:

ஓட்டு மொத்த பாராளுமன்றமே பேசவிடாமல் கூச்சல் இடும் போதும், தனி மனிதனாக, நிதானமாக, சொல்ல வந்ததை தெளிவாக சொல்லி விட்டார்.. முஸ்லிம் தலைவர்கள், பேச்சாளர்கள் இதில் இருந்து படிப்பினை பெற வேண்டும். குறிப்பிட்ட மாநிலத்தின், தொகுதியின் உறுப்பினராக இருந்தாலும், ஆந்திர, குஜராத், புனே, காஷ்மீர் பண்டிட், முஸ்லிம்கள் போன்ற அனைவரின் பிரச்சனைகளையும் கொடுத்த நேரத்தில் பேசிவிட்டார். BJPயினர் கூச்சலிட்டபோது, கோபப்படாமல் மோடியை வாழ்த்தினார். அவர் கூறிய சில விஷயங்கள்:
 1) இங்கே முஸ்லிம் வோட் பங்க் என்ற குற்றச்சாட்டை வைத்த நீங்கள், அதை உடைத்து ஹிந்து வோட் பங்க் என்ற ஒன்று இருப்பதை இந்த தேர்தலில் நிருபித்து உள்ளீர். அதற்காக மோடியை பாராட்டி கொள்கிறேன்.
2) பஸ்வான் குஜராத் கரை மறக்க படவேண்டும் என்று கூறினார். இந்த நாட்டை உலுக்கிய 4 துயர சம்பவம்: காந்தி படுகொலை, சீக்கியர் படுகொலை, பாப்ரி மஸ்ஜித் உடைப்பு, குஜராத் சம்பவம்.
3) இதை செய்தவர்கள் இந்த நாட்டில் ஆட்சிக்கு வரும் போது, விரைவில் கோட்சேக்கு பாரத ரத்னா கொடுக்க படலாம்.
 4) இந்த நாட்டின் சிறப்பு மத சார்பின்மை.. அதற்கு குந்தகம் விளைவிக்கும் விதமாக புனே போன்ற நகரங்களில் கலவரம் துவக்க பட்டுள்ளது. (காஷ்மீர் பண்டிட்டுகள் பற்றி கூச்சல் வந்த போது) அவர்களும் வெளியேறிய காஷ்மீர் முஸ்லிம்களும் நாட்டுக்கு திரும்பி அனுப்ப பட வேண்டும்.
5) தெலுங்கானாவில் உள்ள சில பொது பிரச்சனைகளுக்கு குரல் கொடுத்த போது அவையில் உள்ள சிலர் கை தட்டினார்.
 6) INCLUSIVE POLITICS பற்றி அரசு பேசிவருகிறது.. அது உண்மை என்றால் ஏன் 21 முஸ்லிம் MP மட்டுமே இருக்க வேண்டும்... சிறுபான்மயினருக்கான 4.5 சதவித இட ஒதிக்கீடு என்ன ஆச்சு.. நான் முஸ்லிம்களை பற்றி பேச வில்லை.. சிறுபான்மையனர் என்பது கிறிஸ்தவர்கள், முஸ்லிம்கள், சீக்கியர்கள், புத்த மத மக்கள்.
8) குஜராத் அக்ஷர்தாம் கைதிகளை உச்ச நீதிமன்றம் விடுதலை செய்து உள்ளது. 11 வருடம் வாழ்க்கையை துளைத்து விட்ட தனது ஆட்சியில் கைது செய்யப்பட்ட இந்த அப்பாவிகளை பார்த்து மோடி மணிப்பு கேட்பாரா?
 9) இறுதியாக நான் ஜாஃப்ரியின் மகனாக நிற்கிறேன், இஷ்ரத் ஜஹானின் அண்ணனாக நிற்கிறேன், எனக்கு குஜராத் படுகொலைக்கு நீதி வேண்டும்.
----------------------------------------------------------------------------------------


“#Pyrrhic_victory அப்படின்னா என்னன்னா.
கிரேக்க மன்னர் பிர்ரஸ், ரோமானியப் பேரரசின்மீது போர் தொடுக்க நினைத்து, மதியூகம் மிக்க ஒருவரிடம் ஆலோசனை கேட்டார். அதற்கவர், “இப்போரில், உன்னால் பெரும் வீழ்ச்சி ஏற்படுத்திவிட முடியும்” என்றார். மகிழ்ந்துபோன மன்னன், ரோம் மீது படையெடுத்து வெற்றியும் கண்டான். ஆனால் வீழ்ச்சியோ அவனுக்குத்தான்!!

ஆம், அந்த அளவு இழப்பு அந்த போரில் பிர்ரசுக்கு. தலைசிறந்த தளபதிகளும், வீரர்களும் மடிந்துவிட்டனர். தோல்வியடைந்த ரோமப் பேரரசிலோ, தோல்வியே பெரும் எழுச்சியைத் தந்ததில், மீண்டும் வலிமையான படையைத் திரட்ட முடிந்தது.

இதுதான், “பிர்ரிக் வெற்றி” என்று குறிப்பிடப்படுகிறது. அதாவது இப்படியும் சொல்லலாம்: “ஆபரேஷன் சக்ஸஸ்; பேஷண்ட் டெட்!”
_______

பார்லிமெண்டில் அசாதுத்தீன் உவைஸி “#Pyrrhic_victory" என்று மோடியின் வெற்றியை வர்ணித்தார்
___________________________________________________________________
Pyrrhic_victory பதிவுக்கு நன்றி .Hussain Amma

பாலைவனமாகும் காவேரி டெல்டா:மீத்தேன் ஆவணப்படம் வெளியீடு.

பாலைவனமாகும் காவேரி டெல்டா:மீத்தேன் ஆவணப்படம் வெளியீடு.

இப்படம்மே பதினேழு இயக்கத்தின் ”நிமிர்” வெளியீடாக தோழர்களின் பல மாத கால உழைப்பில் உருவாக்கப்பட்டுள்ளது. எதிர்வரும் (ஜீன் 15 ம் தேதி) திருப்பூர் ஹோட்டல் அரோமா வில் மாலை 5.30க்கு இன அழிப்புக்கு எதிரான இசுலாமிய இளைஞர் இயக்கம் சார்பில் திரையிடலும், அறிமுக நிகழ்வும் நடைபெற உள்ளது..

மீத்தேன் பேரழிவுத் திட்டத்திற்கு எதிரான போராட்டக் களத்தில் இப்படமும் ஒரு ஆயுதமாகப் பயன்படும் என்று நம்புகிறோம்.

இந்த அறிமுக நிகழ்வில் நிகழ்வில் கலந்துகொள்ள அனைவரையும் அழைக்கிறோம்.

மக்களின் வாழ்வையும், வாழ்வாதாரத்தையும் அழிக்கும் அயோக்கியத் திட்டத்தினை அம்பலப்படுத்துவோம்.

புனே முஸ்லிம் இளைஞர் படுகொலை இந்துக் குடும்பங்கள் தாக்கப்படாத வண்ணம் ரோந்து சுற்றிய முஸ்லீம் சகோதரர்கள்

கடந்த வாரம் புனே தொழில்நுட்ப பணியாளரான சோலாப்பூரை சேர்ந்த மொசின் ஷேக் (24) என்ற வாலிபர் மாலை தொழுகைக்குச் சென்று திரும்பியபோது, மர்மநபர்களால் ஹாக்கி மட்டையால் தாக்கப்பட்டார். இதில் பலத்த காயமடைந்த அந்த வாலிபர் சிகிச்சைப் பலனின்றி பரிதாபமாகப் பலியானார்.
இந்நிலையில் புனேயில் முஸ்லீம்கள் அதிகம் வசிக்கும் பகுதியான ஹடாப்சர் பகுதியிலுள்ள சைய்யது நகரில் கலவரம் வெடிக்கலாம் என அச்சம் எழுந்தது. ஆனால், மாறாக அங்குள்ள முஸ்லீம்கள் மற்றும் இந்துக்கள் ஒருவருக்கொருவர் பாதுகாப்பு அரணாக செயல்பட்டு வருவது தெரிய வந்துள்ளது.

மேலும், முஸ்லீம் வாலிபர் மொசைன் அடித்துக் கொல்லப்பட்ட நாளன்று மர்மநபர்களால் தங்கள் பகுதி இந்துக் குடும்பங்கள் தாக்கப்படலாம் என கருதிய சைய்யது நகர் முஸ்லீம் குடும்பத்தார், அவர்களைப் பாதுகாக்கும் விதமாக கண்காணிப்பு நடவடிக்கைகளை மேற்கொண்டதாக அப்பகுதியில் குடியிருக்கும் அக்பர் ஷேக் என்பவர் கூறியுள்ளார்.
கலவரம் உண்டான அன்று முஸ்லீம் சகோதரர்களின் நடவடிக்கையால் தாங்கள் மிகவும் பாதுகாப்பாக உணர்ந்ததாக அப்பகுதியைச் சேர்ந்த கந்தாரே என்பவர் தெரிவித்துள்ளார்.
காவிக்கயவர்கள் நம் தாய் திரு நாட்டில் இந்து முஸ்லிம் மக்கள் இடையே குழப்பங்களை விளைவித்து கலவரங்களை ஏற்ப்படுத்தி,பல உயிர்களை அதற்க்கு இரையாக்கி அதன் மூலம் குளிர்க் காய நினைக்கின்றனர்.ஆனால் இது போன்ற சமபவங்கள் மூலம் நாட்டில் உள்ள பெரும்பான்மையான மக்கள் சகோதரத்துவத்தையும்,அமைதியையும்,சந்தோசத்தையும் ஒருவருக்கொருவர் இணக்கத்தையும் விரும்புவதையே நமக்கு உறுதிப் படுத்துகிறது.
மேலும் நம் இரு சமூகம்திர்க்கு இடையே ஒரு மிகப் பெரிய புரிந்துணர்வை இது போன்ற சம்பவங்கள் ஏற்ப்படுதுவிடுகின்றனர்
வாழ்க சகோதரத்துவம்!! வளர்க இந்தியா !!

மோடி ஆட்சியில் கருத்துச் சுதந்திரத்திற்கு ஆபத்துவரும் என எச்சரிக்கிறார் நடிகை நந்திதா தாஸ்...!!

நரேந்திரமோடி ஆட்சியின் கீழ் கருத்துச் சுதந்திரத்தின் மீது தாக்குதல் நடத்தப்படும் என்று அஞ்சுவதாக பிரபல நடிகையும் இயக்குநரும் எழுத்தாளருமான நந்திதா தாஸ் கூறினார். தனக்கு ஏற்பட்ட அனுபவங்களின் அடிப்படையில் தான் இதை கூறுவதாகவும் நந்திதா தாஸ்“அவுட் லுக்’’ பத்திரிகையில் எழுதியுள்ள கட்டுரையில் தெரிவித்துள்ளார். “நான் உடனே எதிர்பார்ப்பதும் மிகவும் பயப்படுவதும் கருத்து சுதந்திரத்துக்கு எதிரான தாக்குதல் தான். மக்களின் மனதைமாற்றவும் அரசுகளை மாற்றவும் முடிகின்ற வகையில் மாறுபட்ட கருத்துகளை தெரிவிக்கவும் ஜனநாயக ரீதியிலும் கண்ணியத்துடனும் குரல் எழுப்பவும் வாய்ப்புஇருப்பதால் தான் ஜனநாயகம் நிலைபெற்றுள்ளது.

அருவெறுக்க தக்க தணிக்கைமூலமும் விஷமத் தனமான நடவடிக்கைகளின் மூலமும் விமர்சகர்களின் வாயை அடைக்கவே பாஜகவும் அவர்களை ஆதரிக்கின்றவர்களும் எப்போது முயன்று வந்துள்ளனர்’’. என்றும் நந்திதா தாஸ் சுட்டிக் காட்டுகிறார்.ஃபயர் திரைப்பட வெளியீட்டு விழாவின் போதும் வாட்டர் திரைப்பட படப்பிடிப்பின் போதும் இத்தகைய பிரச்சனைகளை நானே சந்திக்க வேண்டியதாயிற்று என்று அவர் தனது கட்டுரையில் நினைவு கூர்கிறார்.மதச்சார்பற்ற கட்சிகளை வெற்றி பெறச் செய்ய வேண்டும் என்று தான் தெரிவித்த கருத்துகூட மோடி ஆதரவாளர்களுக்கு ஆத்திரத்தை ஏற்படுத்தியது. “குழந்தையை தூக்கிக் கொண்டு பாகிஸ்தானுக்கு செல்’’ என்று அவர்கள் டுவிட்டர் மூலம் தன்னை மிரட்டினார்கள் என்றும் நத்திதா தாஸ் கூறுகிறார்.குஜராத் கலவரத்தை அடிப்படையாக வைத்து தான் தயாரித்த ஃபிராக் என்ற திரைப்பட விஷயத்திலும் இத்தகைய மிரட்டல்கள் வந்தன.

“ ஒரு கலைஞர் என்ற முறையில் முன்னெப்போதும் இல்லாத வகையில் தாக்கப்படலாம் அச்சுறுத்தப்படலாம், என்ற நிலைமை தான் இப்போது எனக்கு உள்ளது என்றுதோன்றுகிறது. ஊடகங்கள் தங்களுக்கு தாங்களே தணிக்கையை ஆரம்பித்து விட்டதாகவும் தோன்றுகிறது. பிரச்சனை எதுவும் வந்துவிட க் கூடாது என்ற முன்னெச்சரிக்கை நடவடிக்கையில் அவர்கள் இறங்கியுள்ளனர்.

இது என்ன நேரப்போகிறது என்பதற்கான அறிகுறியாகும். கூடாது என்று சொல்கின்றவர்கள் குறைந்து வருகிறார்கள்’’. என்றும் நந்திதா தாஸ் தனது கட்டுரையில் கூறியுள்ளார்.குஜராத் மாடல் வளர்ச்சி குறித்த பிரச்சாரத்தின் போலித்தனத்தையும் நந்திதா தாஸ் சுட்டிக் காட்டுகிறார். சாதாரண பொருளாதார வளர்ச்சியின் அளவுகோலின் படி கூட மகாராஷ்டிராவும், பீகாரும், தமிழ்நாடும், குஜராத்தை மிஞ்சி நிற்கின்றன. வெற்றியின் அடிப்படையில் பொருளாதார வளர்ச்சி மட்டுமல்ல “வளர்ச்சி’’ முழக்கத்தின் பின்னணியில் பிளவுவாத அரசியல் மறைந்திருப்பதை வெளிப்படுத்துவதாக இருந்தது பாஜக வின் தேர்தல் பிரச்சாரம்.அமித்ஷா, பிரவீன் தொகாடியா போன்றவர்களின் பேச்சுக்களும் தேர்தல் பிரச்சாரத்தின் போது மற்ற எல்லா தலைப்பாகைகளையும் அணிந்து கொண்ட மோடி, முஸ்லிம் தொப்பியை அணிய மறுத்ததும் இதைத் தெளிவாக்குகிறது என்றும் நந்திதா தாஸ் கூறுகிறார்.

நன்றி :Theekkathir Tamil Daily

புனே கலவரம் திட்டமிட்டு செய்யப்பட்டதாக தகவல் வெளியாகியுள்ளது

கடந்த வாரம் புனேயில் சாஃப்ட்வேர் நிறுவனத்தில் பணிபுரியும் முஸ்லிம் இளைஞர் முஃஸின் ஷேக் 30 க்கும் மேற்பட்ட சங்பரிவார கும்பலால் அடித்தே படுகொலை செய்யப்பட்டார். அந்த சம்பவத்தில் இன்னும் 2 முஸ்லிம்கள் கொடூரமாக தாக்கப்பட்டுள்ளனர். இன்னும் ஏராளமான கடைகள் அடித்து நொறுக்கப்பட்டது. வேன் மற்றும் இரு சக்கர வாகனங்கள் தீக்கீரையாக்கப்பட்டது. காலையில் தொடங்கிய இந்த வன்முறை மறுநாள் நள்ளிரவு வரை தொடர்ந்தது.
தற்போது அந்த கலவரத்தை ஆராய்ந்த குழு அறிக்கை ஒன்றை சமர்பித்துள்ளது, அதில் சம்பவம் நடந்த மே 31 மற்றும் ஜூன் 1 ம் தேதிகளில் குறிப்பிட்ட சில பேக்கரி மற்றும் முடி திருத்தும் கடைகள் சரியாக கலவரம் நடக்கும் நேரத்தில் மூடி இருந்தது, அவர்களுக்கு எப்படி தெரியும் அது மட்டுமல்லாது மராத்தி மற்றும் ஆங்கிலத்தில் அந்த கடைகளின் பெயர்கள் உள்ளன, அதன் உரிமையாளர்கள் முஸ்லிம்கள் இல்லை.
ஆனால் தாக்குதலுக்கு உள்ளான அனைத்து கடைகளும் உருது மொழியில் எழுதப்பட்ட முஸ்லிம்கள் கடைகளாகும், ஆகவே, முன் கூட்டியே இந்துக்களுக்கு தகவல் தெரிவித்து விட்டு முஸ்லிம்களை மட்டும் குறிவைத்து தாக்கியதாக, திட்டமிட்ட செயலாகவே உள்ளது எனவும் தகவல் வெளியாகியுள்ளது
Sources:- 

http://timesofindia.indiatimes.com/india/Violence-that-killed-Pune-techie-planned/articleshow/36268460.cms

http://epaperbeta.timesofindia.com/Article.aspx?eid=31805&articlexml=Violence-against-Pune-Muslims-appears-planned-09062014007028

சிறுபான்மை சகோதர்கள் மீது அக்கறை கொண்டு என் அருமை நண்பர்களே..சகோதர்களே ஒரு முக்கிய செய்தி ஒரு நிமிடம் இங்கு வாருங்கள் சகோ

சிறுபான்மை சகோதர்கள் மீது அக்கறை கொண்டு என் அருமை நண்பர்களே..சகோதர்களே.. கீழே கொடுக்கப்பட்ட அறிக்கையை காப்பி செய்து அதன் இறுதியில் உங்கள் பெயர் குறிப்பிட்டு CM Cellக்கு மெயில் அனுப்புமாறு அன்புடன் கேட்டுகொள்கிறேன்.. மெயில் முகவரி கீழே உள்ளது.

--------------------------------------------
மாண்புமிகு தமிழக முதல் அமைச்சர் அவர்களே , மரியாதையை குரிய உள்துறை செயலாளர் அவர்களே,நடந்து முடிந்த பாராளுமன்ற தேர்தலை முன்னிட்டு தஞ்சை மாவட்டம் மல்லிபட்டினம் என்ற கிராமத்தில் பாரதிய ஜனதா கட்சி வேட்பாளர் கருப்பு முருகானந்தம் வாக்கு சேகரிக்க வந்ததும் அங்கு ஜனநாயக முறைப்படி கருப்புக்கொடி காண்பித்ததும் அங்கு உள்ள ஊர்மக்கள் எதிர்ப்பு தெரிவித்தனர்...

அதற்க்கு காரணம் அவரது கடந்த காலத்தில் மதமோதல் பேசும் அதன் மூலம் அவர்மீது வழக்கு 18க்கு மேல் இருப்பதினாலும் தான்...மேலும் கருப்பு முருகானந்தம் வாக்கு சேகரிக்க ஊருக்குள் வந்தால் மதமோதல்கள் மற்றும் மல்லிபட்டினம் இந்து முஸ்லிம் நல்ல ஒழுக்கமுள்ள நட்பு கெட்டுவிடும் என்று முன் எச்சரிக்கை கொண்டு ஊர் மக்கள் அனைவரும் ஜனநாயக முறைப்படி கருப்புக்கொடி காட்டி எதிர்ப்பு தெரிவித்தனர்.

இதை பொறுத்து கொள்ள முடியாத தஞ்சை பாரதிய ஜனதா வேட்பாளர் கருப்பு முருகானந்தம் மற்றும் அவர்கள் கட்சிசார்ந்த தொண்டர்கள் பொதுமக்கள் மீது கடுமையான தாக்குதலில் ஈடுபட்டனர்.... பின்னர் இது வழக்காக்க காவல்துறை மூலம் பதிவு செய்யப்பட்டுள்ளது....

தற்போது இதற்காக சமாதான கூட்டமைப்பு ஒன்று நடந்துள்ளது... நாளையும் ஆர் டி ஒ அலுவலகத்தில் சமாதான கூட்டம் இருதரப்பில் நடை பெற உள்ளது....

தமிழகம் அமைதி பூங்காவாக இருந்துவரும் நேரத்தில் இந்த சம்பவத்தின் தொடர்ச்சியாக மல்லிபட்டினம் ஊர் பொதுமக்கள் கருப்புக்கொடி காட்டியமைக்கு பழிவாங்கும் எண்ணம் கொண்டு மல்லிபட்டினத்தில் மத மோதல்கள் நிகழ்த்தி அமைதியை சீர்குலைக்க வேண்டும் என்று தீய எண்ணத்தில் இருசக்கர வாகனத்தில் வந்த ஒரு சில பயங்கரவாதிகள் மல்லிபட்டினம் கடைவீதிகளில் வந்து நான்கு நபர்களை வெட்டிவிட்டு சென்று உள்ளனர். .. இதில் வெட்டப்பட்டதில் ஒருவர் ஊனமுற்றவர்.இதை தாங்கள் நன்கு அறிந்திருப்பீர்கள்....

மற்றும் சில நாட்கள் கழித்து அடையாளம் தெரியாத சில நபர்களால் ரங்கசாமி என்ற நபர் புதுபட்டினத்தில் வெட்டபட்டார்... அவர் தான் வெட்டப்பட்ட காரணம் தன குடும்ப சொத்து தகராறு என்று தெளிவாக கூறியும் இருக்கிறார்....

ஆனால் காவல்துறை திட்டமிட்டு இதை திசை திருப்பும் வகையில் மல்லிபட்டினத்தில் நடந்த சம்பவத்திற்கு இஸ்லாமியர்கள் பழிவாங்கி உள்ளதாக ஊகத்தின் அடிப்படைகளில் எந்தவித ஆதாரம் இல்லாமல் அப்பாவிகளை கைது செய்தவண்ணம் உள்ளனர்...இதை யாரோ தூண்டுதலில் மூலம்தான் காவல்துறை அப்பாவிகளை கைது செய்து சித்தரவதை செய்கின்றனர்....

இது சம்மந்தமாக 10 அப்பாவி இஸ்லாமியர்கள் மீது எப் ஐ ஆர் போட்டும் உள்ளனர். சம்மந்தப்பட்ட நபரோ சொத்து தகராறு என்று தெளிவாக கூறியபின்பும் கூட காவல்துறை அப்பாவிகள் கைது செய்யும் நடவடிக்கை தொடர்ந்த வண்ணம் உள்ளது.

தமிழகத்தில் நிலவுக்கூடிய அமைதி சீர்குலைக்க நோக்கம் மற்றும் மத மோதல்கள் வழிவகுக்கும் விதமாக காவல்துறை போக்கும் மிகுந்த கவலையையும் தருகிறது... உங்களிடம் நீதி வேண்டி இது சம்மந்தமாக சரியான அணுகுமுறைக்கு உத்தரவு விடும்படி கேட்டுகொள்கிறோம்.

பொய் வழக்கு போட்டு கைது செய்யப்பட்ட அப்பாவிகள் அனைவரும் விடுவிக்க தாங்கள் உத்தரவு விடவேண்டும். இது குறித்து தாங்கள் விரைந்து நடவடிக்க எடுக்கவேண்டும்.

இது சம்மந்தமாக அதிராம்பட்டினம் - மல்லிபட்டினம், உள்ளிட்ட கடற்கரை கிராமங்களில் அமைதி திரும்ப தாங்கள் விரைந்து நடவடிக்கை எடுக்க கேட்டுகொள்கிறோம்.

இந்த பகுதி காவல்துறையினர் வேண்டும் என்றே சில சமூகவிரோதிகள் தூண்டுதலினால் இன்னமும் ஊருக்குள்ளேயே இருந்துகொண்டு மக்களை அச்சுறுத்தி வருகின்றனர்....இது குறித்து தாங்கள் விரைந்து செயல்பட்டு அமைதி நிலவ செய்யும்படி வேண்டிகேட்டுகொள்கிறோம் .

இப்படி தமிழக குடிமகன்.

--- பெயர் ---

Contact us : Chief Minister's Special Cell ,
Secretariat,
Chennai - 600 009.
Phone Number : 044 - 2567 1764
Fax Number : 044 - 2567 6929
E-Mail : cmcell@tn.gov.in

---------------------------------------------------------------------------------------

நம் சமுதாய சகோதர்களே...வெட்டு குத்து கூச்சல் என்று இல்லாமல் இதை காப்பி செய்து தாங்களும் தாங்களுடிய கடமை செய்யுமாறு கேட்டுகொள்கிறேன்......

திட்டமிடப்பட்ட வன்முறை இசுலாமியர்கள் மீது நடத்தப்படுகிறது.

பூனா நகரில் 24 வயது இசுலாமிய பணியாளர் ஒருவர் அடித்து கொலை செய்யப்பட்டிருக்கிறார். இவர் கொலை செய்யப்பட்ட செய்தியை இந்து ராஸ்ட்ர சேனா என்கிற அமைப்பினர் “ முதல் விக்கெட் விழுந்திருக்கிறது” என்று குறுஞ்செய்தியை பகிர்ந்திருக்கிறார்கள். கொலை செய்யப்பட்ட மோசினின் தந்தை,” கொலை செய்யப்பட்ட தினத்தின் மதியத்தில் கூட அவனிடம் பேசினேன். எங்களுக்கு மதக்கலவரம் பற்றிய அச்சம் இல்லை. ஏனெனில் பூனா பாதுகாப்பானது என்றே நாங்கள் நம்பினோம். அவன் ஒருவன் மட்டுமே எங்கள் குடும்பத்தினருக்கான வருமானத்தினை ஈட்டுபவன்” என்று சொல்லுகிறார். முகநூலில் ஏற்றப்பட்ட படங்களுக்கு எந்தவகையிலும் சம்பந்தப்படாத மோசின் கொலை செய்யப்பட்டது , மதவெறியின் உக்கிரத்தினை காட்டுகிறது.

பூனாவில் 500க்கும் அதிகமானோர் இசுலாமிய வீடுகளை தாக்கி அழித்திருக்கிறார்கள். பல வணிக கடைகள் சேதமாக்கப்பட்டுள்ளது. பல மசூதிகளின் மீது தாக்குதல் நடத்தப்பட்டிருக்கிறது. இசுலாமிய மத குருமார் மீதும், மாணவர்கள் மீதும் தாக்குதல் நடத்தபட்டிருக்கிறது. இசுலாமியருக்கு சொந்தமான பெட்ரோல் பங்கு எரியூட்டப்பட்டு அழிக்கப்பட்டிருக்கிறது. 20க்கும் மேற்பட்ட பேக்கரிகள் அழிக்கப்பட்டிருக்கிறது. இன்னும் அதிகமான அழிவுகள் நிகழ்த்தப்பட்டிருக்கிறது. இசுலாமியர் குடியிருப்புப் பகுதியில் 500க்கும் மேற்பட்டவர்கள் ஆயுதங்களுடன் நுழைந்து தாக்கி இருக்கிறார்கள். இப்படியாக வன்முறை கட்டவிழ்த்து விடப்பட்டிருக்கிறது. இதைப்பற்றிய பெரிய விவரங்களை, விவாதங்களை ஊடகங்களில் காணமுடிவதில்லை. மோடியின் வெற்றியின் கொண்டாட்ட மனநிலையை கலைத்துவிட விருப்பமில்லாமல் ஊடகங்கள் செயல்படுகின்றனவோ என அய்யம் எழுகிறது.

பூனே நகரில் இசுலாமியர்கள் மீது நிகழ்த்தப்படும் திட்டமிட்ட வன்முறையை கண்டிப்போம். மனிதநேயமற்ற மதவெறிபிடித்த அரசியல் உடனடியாக எதிர்க்கப்படவேண்டியது. அப்பாவிகளை பலியிட்டு வளர்த்தப்படும் மதவெறி அரசியல் தடுத்து நிறுத்த ஒன்றாக குரல் கொடுப்போம்.

எக்காலத்திலும், மதவெறி மனிதர்களை வேட்டையாட அனுமதிக்கக் கூடாது.

http://caravandaily.com/portal/muslim-homes-mosques-madrassas-vandalized-in-pune-by-hindu-radicals/

(via) Thirumurugan Gandhi
நன்றி: https://www.facebook.com/palani.periaswamy