தி.மு.க.,வை முஸ்லிம்கள் ஆதரிப்பது ஒரு மாயை-தமுமுக தலைவர் தினமலர் பேட்டி

மற்ற முஸ்லிம் கட்சிகள் தி.மு.க.,வை ஆதரிக்கும் போது நீங்கள் மட்டும் இதில் மாறுபட்டது ஏன்?

இது தவறான கருத்து. மக்கள் ஆதரவு உள்ள பல முஸ்லிம் அமைப்புகள், ஜமாத்துக்கள், அ.தி.மு.க.,வை தான் ஆதரிக்கின்றன. சிறுபான்மை அணியை சேர்ந்த சில, "லெட்டர் பேடு' அமைப்புக்களை அறிவாலயத்திற்கு அழைத்து, துணை முதல்வருக்கு மாலை, சால்வை அணிவித்து, போட்டோ எடுத்துக் கொண்டு, முஸ்லிம்கள் தி.மு.க.,வை ஆதரிப்பதாக ஒரு மாயையை உருவாக்கியுள்ளனர். முஸ்லிம் சமூகத்தினரின் கோரிக்கையை தி.மு.க., நிறைவேற்றியதில்லை. தி.மு.க., அரசில் முஸ்லிம்களுக்கு எதிரான போக்குகளை அடுக்கிக்கொண்டே போகலாம்.

கூடுதல் "சீட்'டுக்காக தான் நீங்கள் அ.தி.மு.க., அணிக்கு வந்ததாக கூறுகிறார்களே?

அப்படி இல்லை. கடந்த லோக்சபா தேர்தலில் தி.மு.க., எங்களுக்கு ஒரு "சீட்' தர முன்வந்தது. ஆனால், உதயசூரியன் சின்னத்தில் தான் போட்டியிட சொன்னார்கள். நாங்கள், சொந்த சின்னத்தில் நிற்க விரும்பினோம். மேலும், நாங்கள் கேட்ட தொகுதியும் கிடைக்கவில்லை. இதனால் தான் தி.மு.க., கூட்டணியில் இருந்து விலகினோம்.


அ.தி.மு.க., கூட்டணியில் உங்கள் கோரிக்கை நிறைவேறியதா?

முஸ்லிம்களின் அரசியல் தனித்தன்மையை அ.தி.மு.க., எப்போதும் பறித்தது கிடையாது. 2001ம் ஆண்டு தேர்தலில் அ.தி.மு.க., கூட்டணியில் போட்டியிட்ட அப்துல் லத்தீப், பஸ் சின்னத்திலும், கடந்த தேர்தலில் கருணாநிதியை எதிர்த்து போட்டியிட்ட தாவூத் மியாகான், வாழைப்பழம் சின்னத்திலும் போட்டியிட அ.தி.மு.க., ஒப்புக்கொண்டது. தற்போதும், எங்களுக்கு ஒதுக்கியுள்ள மூன்று தொகுதிகளிலும் சொந்த சின்னத்தில் போட்டியிடவும் ஒப்புக்கொண்டுள்ளது.

தி.மு.க., குறித்து உங்கள் நிலைப்பாடு தான் என்ன?

தி.மு.க., ஓர் இமாலய ஊழல் கட்சி. அங்கு மேல்மட்டம் முதல் கீழ்மட்டம் வரை அதிகார துஷ்பிரயோகம் உள்ளது. இஸ்லாமியர்களுக்கு அரசியலில் முக்கியத்துவம் தர வேண்டும் என்ற எண்ணம் அவர்களுக்கு இல்லை. தற்போது கூட இந்திய யூனியன் முஸ்லிம் லீக் கட்சிக்கு மூன்று தொகுதிகள் ஒதுக்கினர். உதயசூரியன் சின்னத்தில் போட்டியிட உள்ள அவர்கள் மூவருமே, தி.மு.க., உறுப்பினர்களாக தான் இருப்பர். இந்நிலையில், காங்கிரசுக்காக, முஸ்லிம் லீக்கில் இருந்து ஒரு தொகுதியைப் பிடுங்கிக் கொடுத்து விட்டார் கருணாநிதி.

அ.தி.மு.க., ஆட்சிக்கு வந்தால், நீங்கள் வைக்கும் கோரிக்கைகள் என்ன?

முஸ்லிம்களுக்கு தற்போதுள்ள 3.5 சதவீதம் இட ஒதுக்கீட்டை 5 சதவீதமாக உயர்த்த வேண்டும். 3.5 சதவீதம் ஒதுக்கீட்டிலும் சில சிக்கல்கள் உள்ளன. இந்த ஒதுக்கீடு அடிப்படையிலும் உரிய எண்ணிக்கையில் முஸ்லிம்கள் அரசு பணியில் சேர முடியவில்லை. 1991ம் ஆண்டு முதல் நிறுத்தப்பட்டுள்ள சிறுபான்மை கல்வி நிறுவனங்களுக்கான மானியத்தை மீண்டும் வழங்கவும், தமிழகத்தில் துவக்கப்படும் பன்னாட்டு நிறுவனங்களில், எங்களது உரிமையை, வேலை உத்தரவாதத்தைப் பெற்றுத் தர வேண்டும் என்றும் கோரிக்கை வைப்போம்.

ஐந்து ஆண்டு கால தி.மு.க., அரசின் செயல்பாடுகள் குறித்து?


இவ்வளவு காலமாக குறைக்காத பெட்ரோல் விற்பனை வரியை தேர்தலுக்காக குறைந்த அளவில் குறைந்துள்ளார். விலைவாசியால் மக்கள் வெறுப்பைப் பெற்றுள்ள ஓர் ஆட்சியாகவே தி.மு.க., ஆட்சி விளங்குகிறது. இந்த அரசின் கலைஞர் காப்பீட்டு திட்டத்தால், "கார்ப்பரேட்' மருத்துவமனைகள் தான் அதிகம் பயனடைந்துள்ளன. இன்னமும் மின்வெட்டு உள்ளது.

உங்களின் பிரசார வியூகம் என்ன?

மனிதநேய மக்கள் கட்சி சந்திக்கும் முதல் சட்டசபை தேர்தல் இது. தேர்தலில் பணத்தை முதலீடு செய்து வெற்றியை அறுவடை செய்யும் அரசியலுக்கு, ஒரு மாற்று அரசியல் வேண்டும் என்பதற்காக துவக்கப்பட்ட கட்சி இது. தி.மு.க., கூட்டணி பணத்தை கொடுத்து வெற்றி பெற நினைக்கிறது. கடந்த ஆண்டுகளில் நடந்த இடைத்தேர்தல்களில் 55 சதவீதம் மக்கள் தி.மு.க.,வுக்கு எதிராக தான் ஓட்டு போட்டனர். எதிர்க்கட்சி ஓட்டுகள் சிதறலால் தி.மு.க., வெற்றி பெற்றது. தமிழக மக்கள் ஆட்சி மாற்றத்திற்காக ஏங்கிக்கொண்டிருக்கின்றனர். அது நடக்கும்.முஸ்லிம்களின் அரசியல் தனித் தன்மையை அ.தி.மு.க., எப்போதும் பறித்தது கிடையாது.

நன்றி: தினமலர்

தி.மு.க. ஆட்சியில் உருவான புதிய கல்வித் தந்தைகள்!

''தி.மு.க. இம்முறை ஆட்சிக்கு வருவதற்கு முன்பு கல்லூரி நடத்தியது எ.வ.வேலு மட்டும்தான். ஆனால், இன்று பெரும்பாலான அமைச்சர்கள் கல்லூரிகள் ஆரம்பித்துவிட்டார்கள். இது கட்சிக்கு நல்லதல்ல. அனைவரும் அதைக் கட்சிக்கு எழுதிவைத்துவிடுங்கள்!'' என்று ஒரு நாள் அமைச்சரவைக் கூட்டத்தில் முதல்வர் கருணாநிதி சீறினார். அவரே அதிர்ச்சியடையும் அளவுக்கு தமிழக அமைச்சரவையில் இப்போது கல்வித் தந்தைகள் அதிகம்!

ஜெகத்ரட்சகன், ஜேப்பியார், ஏ.சி.சண்முகம், வேலூர் விஸ்வநாதன் போன்றவர்கள் எம்.ஜி.ஆரின் கடைக்கண் பார்வையால் கல்வி நிறுவனங்களை அமைத்து வளர்ந்தவர்கள் என்றால், கருணாநிதியின் ஆசீர்வாதம் காரணமாக... வீரபாண்டி ஆறுமுகம், துரைமுருகன், பொன்முடி, கே.என்.நேரு, எம்.ஆர்.கே.பன்னீர்செல்வம், பொங்கலூர் பழனிச்சாமி ஆகியோர் பரிணமித்து இருக்கிறார்கள். சேலம், திருச்சி, விழுப்புரம், வேலூர், கடலூர், கோவை நகர்ப் பகுதியில் வலம் வந்தால், இவர்களது பிரமாண்டமான கல்லூரிக் கட்டடங்களைத் தரிசிக்கலாம்.

மதுரை மாவட்டம் திருமங்கலத்தை அடுத்துள்ள சிவரக்கோட்டையில் பிரமாண்டமாக உருவாகிறது தயா இன்ஜினீயரிங் கல்லூரி. மத்திய அமைச்சர் மு.க.அழகிரிக்கு சொந்தமான இந்த கல்லூரி அடுத்த கல்வி ஆண்டில் இருந்து செயல்படத் துவங்குமாம்.

''அமைச்சர் நேருவின் தம்பி ரவிச்சந்திரன் மற்றும் நேருவின் மனைவி சாந்தா ஆகியோர் இணைந்து நாராயணா அறக்கட்டளை வைத்துள்ளனர். அதன் சார்பாக ஒரு கல்லூரி நடத்துகின்றனர். அந்தக் கல்லூரிக்காக ஏழை, எளிய விவசாயிகளிடம் இருந்து அடிமாட்டு விலைக்கு 100 ஏக்கர் நிலத்தை அபகரித்து உள்ளனர். தேசிய நெடுஞ்சாலைக்காக இந்த நிலங்கள் முன்பு தேர்வு செய்யப்பட்டது. ஆனால், அந்த நிலங்களுக்கு பாதிப்பு வரக் கூடாது என்பதற்காக, இப்போது புங்கனூரில் இருக்கும் ஏரியை வளைத்து தேசிய நெடுஞ்சாலைக்குப் பாதை அமைத்து வருகின்றனர். இது என்ன தர்மம்?'' என்று கடந்த ஆகஸ்ட் 14-ம் தேதி திருச்சியில் நடத்திய கண்டன ஆர்ப்பாட்டப் பொதுக் கூட்டத்தில் ஜெயலலிதா முழங்கினார்.

ஜெயலலிதா குறிப்பட்டது திருச்சி - திண்டுக்கல் தேசிய நெடுஞ்சாலையில் தாயனூர் கிராமத்தில் இயங்கி வரும் கேர் இன்ஜினீயரிங் கல்லூரி பற்றித்தான். அந்தக் கல்லூரியின் சேர்மனாக இருப்பவர் நேருவின் தம்பி ராமஜெயம். நேருவின் அக்காள் மகனும், மாப்பிள்ளையுமான செந்தில் இதன் நிர்வாக அதிகாரி. இரண்டு வருடங்களுக்கு முன்னர் ஆரம்பிக்கப்பட்ட இந்த இன்ஜினீயரிங் கல்லூரி, நேருவின் தந்தை பெயரில் இயங்கி வரும் நாராயணா எஜுகேஷனல் டிரஸ்ட் கட்டுப்பாட்டில் இருக்கிறது. ஜெயலலிதா குறிப்பிட்டதுபோல, நேருவின் மனைவி சாந்தாவும் சகோதரர் ரவிச்சந்திரனும் டிரஸ்ட்டை நடத்த, குடும்ப உறுப்பினர்கள் பலரும் உறுப்பினர்களாக இருக்கிறார்கள்.

ஊரகத் தொழில் மற்றும் கால்நடைத் துறை அமைச்சரான பொங்கலூர் பழனிச்சாமிக்கு சொந்தமான கலைஞர் கருணாநிதி இன்ஸ்டிட்யூட் ஆஃப் டெக்னாலஜி கல்லூரி, கோவை அருகே பாப்பம்பட்டி பிரிவு பகுதியில் இருக்கிறது. மூன்று ஆண்டுகளுக்கு முன்பு ஆரம்பிக்கப்பட்ட இந்தக் கல்லூரி, விஜயலட்சுமி பழனிச்சாமி சாரிடபிள் டிரஸ்ட் மூலமாக நடத்தப்படுகிறது. தங்களுக்கு சொந்தமான நிலத்தில் இந்தக் கல்லூரியைக் கட்டி இருக்கிறாராம் பழனிச்சாமி. இந்தக் கல்லூரியின் நிர்வாகத்தை அமைச்சரின் மகளும், நிர்வாக அறங்காவலருமான வித்யா கோகுல் கவனித்து வருகிறார்.

''கருணாநிதிக்கு மிக நெருங்கிய வட்டத்தில் இருந்துகொண்டு, அந்த செல்வாக்கைப் பயன்படுத்தி வரும் அமைச்சர்கள் யாரும், நன்றிக் கடனாகக்கூட கருணாநிதியின் பெயரை வைக்கவில்லை. ஆனால், பொங்கலூரார்தான் தலை​வரின் பெயரைச் சூட்டி தன்னுடைய நன்றி உணர்ச்சி​யைக் காட்டி இருக்கிறார்...'' என்று பொங்கலூராரின் கோஷ்டி பெருமை அடித்துக்கொள்கிறது.

'கனிமொழிக்கு சொந்தமானது இந்தக் கல்லூரி. பொங்கலூர் பழனிச்சாமியின் பெயரை இதற்குப் பயன்படுத்திக்கொண்டார்கள்!’ என்று சொல்பவர்களும் உண்டு. நீலகிரி தொகுதியின் எம்.பி-யாக ஆ.ராசா வந்து உட்கார்ந்த சில காலங்களிலே, இந்தக் கல்லூரி அவரது பெயருக்கு மாற்றப்பட்டுவிட்டது என்ற லெவலுக்குக்கூட லோக்கல் தி.மு.க-வுக்குள் புகைந்தது. ஆனால், பொங்கலூரார் தரப்போ... எல்லாவற்றையும் அடியோடு மறுத்துச் சிரிக்கிறது.

வேளாண் துறை அமைச்சரான வீரபாண்டி ஆறுமுகத்துக்கு சொந்தமாக உத்தம சோழபுரத்தில் வி.எஸ்.ஏ. குரூப் ஆஃப் இன்ஸ்டிடியூஷன் (இன்ஜினீயரிங் மற்றும் எம்.பி.ஏ.) இருக்கிறது. வி.எஸ்.ஏ. என்றால் வீரபாண்டி எஸ்.ஆறுமுகம் என்று அர்த்தம். அமைச்சரின் மகனான எம்.எல்.ஏ.ராஜா இதன் சேர்மன். இந்தக் கல்லூரியைக் கட்டுவதற்காக அருகில் இருந்த கஞ்ச மலையை சேதம் செய்தார்கள் என்றொரு புகார் எழுந்து அடங்கியது. இந்தக் கல்லூரி தவிர ஆட்டையாம்பட்டியில் பழைய ஸ்கூல் ஒன்றை சில மாதங்களுக்கு முன் விலைக்கு வாங்கி, வி.எஸ்.ஏ. மெட்ரிக் ஹையர் செகண்டரி ஸ்கூல் என்ற பெயரில் நடத்தி வருகிறார்கள்.

தி.மு.க-வின் கடலூர் மாவட்டச் செயலாளராகவும் சுகாதாரத்துறை அமைச்சராகவும் இருக்கிறார் எம்.ஆர்.கே பன்னீர்செல்வம். அவருடைய சித்தப்பா தெய்வ​சிகாமணி, நெய்வேலி நிலக்கரி சுரங்கத்தில் ஸ்டோர் கீப்பராகப் பணியாற்றி ஓய்வு பெற்றவர். அவர் இரண்டு ஆண்டுகளுக்கு முன், அதாவது 2008-ல் காட்டுமன்னார்கோவிலில், சந்திரவதனம் ஆசிரியர் பயிற்சி நிறுவனம், மற்றும் சந்திரவதனம் ஆசிரியர் கல்வியியல் கல்வி நிறுவனம் என்ற பெயரில் கல்வி நிறுவனங்கள் நடத்தி வருகிறார். அவரே சேர்மனாகவும் பொறுப்பு வகித்து வருகிறார்.

2008-ம் ஆண்டு மேல​பழஞ்சநல்லூர் என்ற இடத்தில் எம்.ஆர்.கே கலை மற்றும் அறிவியல் கல்லூரி சுமார் மூன்று ஏக்கரிலும், 2009-ம் ஆண்டு வீராணம் நல்லூர் என்ற இடத்தில் எம்.ஆர்.கே இன்ஜினீயரிங் கல்லூரி ஒன்றை சுமார் 20 ஏக்கரிலும் நடத்தி வருகிறார். இதை பன்னீர்செல்வத்தின் மகன் கதிரவன் நிர்வகித்து வருகிறார். கதிரவன்தான் சேர்மன். நாட்டார்மங்கலம் கிராமத்தில் கல்வி நிறுவனத்துக்காக கட்டடம் கட்டிக்கொண்டு இருக்கிறார்கள். எம்.ஆர்.கே. கல்வி அறக்கட்டளைக்கு பன்னீர்செல்வத்தின் சித்தப்பா தெய்வசிகாமணி சேர்மனாக இருக்கிறார்.

சட்டம் மற்றும் சிறைத் துறை அமைச்சர் துரைமுருகன், தனது மகன் கதிர்ஆனந்த் பெயரில் கிங்ஸ்டன் கலை மற்றும் பொறியியல் கல்லூரியை நடத்தி வருகிறார். காட்பாடியில் இருந்து சித்தூர் போகும் வழியில் சுமார் 6 கி.மீ தொலைவில், கடந்த நான்கு ஆண்டுகளாக இந்தக் கல்வி நிறுவனம் நடந்து வருகிறது. இந்தக் கல்லூரிக்கு அருகில்தான் அரசின் வெடி மருந்துத் தொழிற்சாலை நடந்து வருகிறது. இதன் அருகில் எந்தவொரு அரசு மற்றும் தனியார் நிறுவனங்கள் நடத்தக் கூடாது என்பது அரசு விதி. அதையும் மீறி இந்தக் கல்லூரி செயல்பட்டு வருகிறது. அதனால், 'அரசு வெடி மருந்துத் தொழிற்சாலையை வேறு இடத்துக்கு மாற்றலாமா...’ என்ற அளவுக்கு ஆலோசனைகள் நடக்கிறது.

விழுப்புரம் மாவட்ட தி.மு.க. செயலா​ளரும், அமைச்சருமான பொன்முடி, சிகா என்ற பெயரில் அறக்கட்டளை தொடங்கி இருக்கிறார். அதன் மூலம், சிகா மேலாண்​மைக் கல்லூரி, மற்றும் சிகா டீச்சர் டிரெயினிங் கல்லூரி ஆகிய​வற்றை கப்பியாம்புலியூர் என்ற இடத்தில் நான்கு ஆண்டு காலமாக நடத்தி வருகிறார். மேலும் விக்கிரவாண்டி அருகே சூர்யா பொறியியல் கல்லூரி ஒன்றையும் மூன்று ஆண்டுகளாக நடத்தி வருகிறார். சூர்யா பொறியியல் கல்லூரி பொன்முடியின் மகன்களான பொன்.கௌதமசிகாமணி, அசோக் சிகாமணி ஆகியோர் பெயரில் நடத்தப்படுகிறது.

முன்னரே சொன்னது மாதிரி, திருவண்ணாமலை மாவட்டத்தில் எ.வ.வேலுவின் கல்வி நிறுவனங்கள் பல ஆண்டுகளாக நடந்து வருகின்றன. அருணை பொறியியல் கல்லூரி, கம்பன் பொறியியல் கல்லூரி, கம்பன் கலை மற்றும் அறிவியல் பெண்கள் கல்லூரி, குமரன் பாலிடெக்னிக், கம்பன் ஐ.டி.ஐ., ஜீவா வேலு உறைவிடப் பள்ளி ஆகியவற்றை வேலு நடத்தி வருகிறார்.

ஆக மொத்தம், தமிழக அமைச்சரையில் நான்கில் ஒரு பங்கு மந்திரிகள் கல்வித் தந்தையராக வளர்ந்திருக்​கிறார்கள்.

''இது பொற்கால ஆட்சி!'' என்று சமீபத்தில் நடந்த ஒரு பரிசளிப்பு விழாவில் எழுத்தாளர் ஜெயகாந்தன் சொன்னார். அதற்கு பதில் அளித்த கருணாநிதி, ''பொற்காலம் என்பது கலைஞர்களுக்கு, நடிகர்களுக்கு என்று மாத்திரம் இல்லாமல், ஏழை எளியவர்களுக்கு என்றைக்கு நற்காலம் பிறக்கிறதோ, என்றைக்கும் அந்த நற்காலம் நீடிக்கிற நிலைமை ஏற்படுகிறதோ, அதுதான் பொற்காலமாகும்!'' என்று சொன்னார்.

இந்தக் கட்டடங்களை எல்லாம் பார்த்தால் யாருக்குப் பொற்காலம் என்பது சொல்லாமலே புரிகிறது!

- நன்றி : ஜூனியர்விகடன் - 27-02-2011

நன்றி : உண்மைத்தமிழன்

தி.மு.கவுக்கு எதிராக மாநிலம் தழுவிய போராட்டம் (குமுதம் ரிப்போர்டர்)

குமுதம் ரிப்போர்டரில் வெளியான செய்தி

அதிரும் தி.மு.க-காங்கிரஸ் உறவு?

சமீபகாலமாக தி.மு.க&காங் கிரஸ் கட்சிகளுக்கிடை யேயான அரசியல் உறவு சுமூகமாக இல்லை. முந்தைய ஐந்தாண்டு கூட்டணி ஆட்சியில் இருந்தது போன்ற நெருக்கம் இந்த மத்திய ஆட்சியில் இல்லை என்பது எல்லோ ருக்கும் தெரிந்த விஷயம்.
முதல் நெருடல்:

தேர்தல் முடிந்து ஆட்சி அமைக் கும் நேரத்தில் அமைச்சரவை தேர்வு செய்யும் போது ‘வருமானம்’ மிகும் இலாகாக்கள் கிடைக்கவில்லை என்பதாலும், கிடைத்த இலாகாக் கனில் கட்டுப்பாடும், கண்கா ணிப்பும் இருக்கும் வகையில் காங்கிரசை சேர்ந்த துணை, இணை அமைச்சர்களை நியமித் ததாலும், அதிருப்தியான கலைஞர் பிரதமர் பதவியேற்பு நிகழ்ச் சியை புறக்கணித்து விட்டு கோபத்தோடு (?) சென்னை திரும்பினார்.

அது சோனியாவையும், ராகுலையும் சீண்டிவிட்ட நிகழ்வாகி விட்டது. கலைஞர் மகன் அழகிரி ரசாயனம் மற்றும் உரதுறை அமைச்சராக திறம்பட பணியாற்ற முடியாமல் திணறியது பிரதமர் மன்மோகன்சிங்கிற்கு அதிருப்தியை தர, அது உறவை மேலும் சிக்க லாக்கி விட்டது.

மிரட்டும் ராகுல்:

காங்கிரஸ் கட்சியின் நிகழ்ச்சி களுக்காக ராகுல் வெவ்வேறு நாட்களில் தமிழகம் வந்தார். ஆனால், கலைஞரை சந்திக்க வில்லை. சென்னையில் இருந்த போதும் ராகுல் காந்தி திட்டமிட்டே கலைஞர் சந்திப்பை தவிர்த்ததாகவும் மீடியாக்கள் செய்தி வெளியிட்டன.

துரோகம்: கோபம்

அந்த உற்சாகத்தில் இளங் கோவன் சரவெடிகளை தொ டர்ந்து தி.மு.க&வுக்கு எதிராக கொளுத்தி போட்டார். தமிழக அரசியல் சூடுபிடித்தது. அவரும் சரி, தங்கபாலுவும் சரி, தங்களை ஆட்சியில் பங்கு கேட்டதற்காக கூட்டணியில் வைத்தே தி.மு.க. வினர் நாடாளுமன்றத் தேர்தலில் தோற்கடித்து விட்டதாக உள்ளூர குமுறுகிறார்கள். ப.சிதம்பரத்தை ‘காப்பாற்றியது போல்’ அல்லா மல் தங்கள் வெற்றியையே கெடுத் துவிட்ட கோபம் இன்னும் தீர வில்லை.

நெருங்கும் ஜெயலலிதா:

இப்படி மறைமுகப் பனிப்போர் தொடர்ந்து கொண்டிருக்கிறது. மறுபுறம் சோனியாவுடன் நெருங்க ஜெயலலிதா எல்லா முயற்சிக ளையும் செய்துக் கொண்டிருக் கிறார் என்பது தான் கவனிக்க வேண்டிய ஒன்று.

தேர்தல் ஆணைய நிகழ்ச்சியில் பங்கேற்க அவசரம் அவசரமாக அவர் டெல்லி போனதும், மரியா தை நிமித்தமாக சோனியாவுடன் சந்திப்பு நடத்தியதும் அறிவால யத்தை ஆட்டம் காணச் செய்து விட்டது.

அதை உறுதிப்படுத்தும் விதமாக ரயில்வேபட்ஜெட்டை தி.மு.க வரவேற்பதைப் போல அ.தி.மு.க. வும் வரவேற்றது பலரையும் புருவம் உயர்த்தச் செய்தது. பொது பட்ஜெட்டை பற்றி எதிர்ப்பு தெரிவிக்காத அளவில் சங்கதிகள் உண்டு சாராம்சங்கள் இல்லை; என ஜெயலலிதா அறிக்கை வெளியிட்டார்.

இதுவெல்லாம் ஏதோ ஒரு அரசியல் மாற்றங்களுக்கான அறிகுறி என கூறப்பட்டது.

ஏப்ரல் 24 அன்று ஜெயலலி தாவின் பிறந்த நாளுக்கு ராகுல் காந்தி தொலைபேசி மூலம் வாழ்த்து தெரிவித்ததாக அ.தி.மு.க. வட்டாரம் அகமகிழ்ந்தது.

தொடரும் அதிருப்தி:

முந்தைய காங்கிரஸ் கூட்டணி ஆட்சியில் ஸ்பெக்ட்ரம் ஊழல், நெடுஞ்சாலை மற்றும் கப்பல் போக்குவரத்தில் ஊழல் என ராஜா மற்றும் பாலு மீது காங்கிரஸ் மேலிடம் வெறுப்பை உமிழ்ந்ததாக அரசியல் வட்டாரத்தில் ஒரு பேச்சு வலுவாக உலவியது. இப்போதும் மத்திய அமைச்சர் ராஜா மீது காங்கிரஸின் அதிருப்தியும், கோபமும் கூடிக் கொண்டே போவதாக டெல்லி தகவல்கள் கூறுகின்றன. அவரது ஊழல் மன்மோகன் சிங்கின் “மிஸ்டர் கிளின்” இமேஜூக்கு பங்கம் விளைவிப்பதாக சோனியாவும், ராகுலும் கருதுகிறார்கள். அவரை மாற்றி அவருக்கு பதிலாக வேறொருவரை அமைச்சர் ஆக்க லாம் வோம் என காங்கிரஸ் மேலி டம் கூறுகிறது. ஆனால் கலைஞர் கோடி கோடியாக கொட்டிக் கொடுக்கும் ராஜாவை விட்டுக் கொடுப்பதாக இல்லை. அது தான் இருதரப்பையும் உரசிக் கொள்ள வைக்கிறது.

மதுரையில் ஒற்றுமை

சமீபகாலமாக திமுக, காங்கிரஸ் உறவு இறுதி கட்டத்திற்கு வந்து இருப்பதாகவே அரசியல் நோக்கர்கள் கூறுகிறார்கள். கடந்த ஆகஸ்ட் 1 அன்று தமிழக காங்கிரஸ் சார்பில் மதுரை மருத்துவக் கல்லூரி மைதானத்தில் நடைபெற்ற கக்கன் நூற்றாண்டு நிறைவு விழா காட்சிகள் பலரையும் புருவம் உயர்த்தச் செய்திருக்கிறது. திராவிடக் கட்சிகளுக்கு சவால் விடும் வகையில் காங்கிரஸ் சார்பில் ஃபிளக்ஸ் பேனர்களும், சுவர் விளம்பரங்களும் அமைக்கப்பட்டு இருந்தன.

விழா மேடையில் தங்கபாலு, ப,சிதம்பரம், வாசன், இளங் கோவன் என நான்கு கோஷ்டி தலைவர்களும் ஒன்றாக அமர்ந் திருந்தது காங்கிரஸ் தொண் டர்களுக்கு மிகுந்த உற்சாகத்தை அளித்தது. அங்கு பேசிய தேனி மக்களவை உறுப்பினர் ஹாரூண் திமுக&காங்கிரஸ் கூட்டணி தொடரும் என்று பேசினார். அப்போது கூட்டத் தில் முக்கால்வாசி பேர் ஹாரூ னுக்கு எதிராக கோஷமிட்ட னர். வாழ்நாளில் இப்படி ஒரு அவமானத்தை ஹாரூண் சந்தி த்து இருக்க மாட்டார் என காங்கிரஸ்காரர்கள் கூறுகிறார் கள். இதன்மூலம் காங்கிரஸ் தொண்டர்கள் திமுக உறவை எதிர்க்கிறார்கள் என்பது எல் லோருக்கும் புரிந்தது. அடுத்து வந்த இளங்கோவனுக்கு தொண் டர்களுக்கு மத்தியில் எழுந்த கரகோஷம் அவரது நிலை பாடுதான் எங்களின் நிலைபாடு என்பது போல் இருந்தது. ஹாரூண் பேச்சுக்கு எதிரான கோஷங்களை சுட்டிக் காட்டிய இளங்கோவன் தொண்டர்களின் உணர்வுகளை தமிழக காங்கிரஸ் தலைவர்கள் புரிந்து கொண்டு மேலிடத்திடம் தெரிவிக்க வேண்டும் என்றார்.

இளங்கோவன் பேச்சை மறை முகமாக ஆதரிக்கும் வகையில் பேசிய வாசன் காங்கிரஸ் தமிழ கத்தில் முதன்மை கட்சியாக வளர வேண்டும் என வலியுறுத்தி பேசினார்.

அடுத்து பேசிய ப.சிதம்பரமும் சிறுபான்மையினர், தலித்துகள், காங்கிரஸ் இணைந்தாலே சாதி க்க முடியும் என பேசியதும் அனைவராலும் கூர்ந்து கவனி க்கப்பட்டது. மொத்தத்தில் திமுக&வை உதறும் மனநிலைக்கு காங்கிரஸ் கட்சி வந்துவிட்டது. இனி முடிவு எடுக்கும் அதிகாரம் சோனியாவிடமா--? அல்லது ராகுல் காந்தியிடமா? என அடுத்த விவாதம் தொடங்கி இருக்கிறது-.

பதிலடி?

இதனிடையே தென்மாவட்டத் தில் ஒரு பொது மேடையில் அழகிரி முன்னிலையில் ராகுல்காந்தியை திட்டி திமுகவினர் பேசியதும், அதற்கு இளங்கோவன் கண்டனம் தெரிவித்திருப்பதும் அழகிரி, காங் கிரஸ் உறவை விரும்பவில்லை என்பதை வெளிக்காட்டுவதாக தெரிகிறது.
சமீபத்தில் ஜூனியர் விகடனுக்கு பேட்டியளித்த கார்த்தி சிதம்பரம் எங்களுக்கு 78 தொகுதிகளும், ஆட்சியில் பங்கும் வேண்டுமென வலியுறுத்தி இருக்கிறார்.

புதிய சிந்தனை

தி.மு.க.வை விட, அ.தி.மு.க. தேவலாம் என்ற சிந்தனை ராகுல் காந்திக்கு வந்து இருப்பதாக கூறுபவர்களும் உண்டு. அ.தி.மு.க. வுக்கு கோவையில் கூடிய கூட்டம் அதன் செல்வாக்கு அப்படியே இருக்கிறது என்பது மத்திய உளவுத்துறை மூலம் காங்கிரஸ் தலைமைக்கு எடுத்துச் சொல்லப்பட்டு இருக்கிறது.

தேர்தல்களில், ஊழல்பணம் “திருமங்கலம் ஃபார்முலா” என்ற பெயரில் இறைக்கப்படுவதால் அடுத்து திமுக ஆட்சிக்கு வந் தால் எல்லா கட்சிகளையும் பலகீனப்படுத்தி, ஜனநாயகத்தின் மீது நம்பிக்கை இழக்கச் செய்து ஒரு கட்சி ஆட்சியே நீடிக்கும் ஆபத்து உருவாகிவிடும் என்ற அச்சம் அனைவருக்கும் உள்ளது . இது ஒரு கட்டத்தில் தங்களையே பாதிக்கும் என காங்கிரஸ் கட்சியி னரும் அஞ்சுகிறார்கள். எனவே தே.மு.திக உடன் மூன்றாவது அணி அமைப்பது அல்லது அ.தி.மு.க உடன் கூடுதல் தொகுதிகளை பெற்று கூட்டணி அமைத்து ஆட்சியை பிடிப்பது. இவற்றில் இரண்டில் ஒன்றை செய்ய வேண்டுமென காங்கிரஸ் தொண்டர்கள் விரும்புகிறார்கள். இப்போதைய நிலையில் இலவச திட்டங்கள் எல்லாம் பின்னுக்கு தள்ளப்பட்டு விலைவாசி உயர்வு திமுக ஆட்சிக்கு எதிராக அலையாக வீசும் நிலையில் திமுக உடன் இருப்பது தங்களுக்கு நல்லது அல்ல என்பதும் அவர்களது எண்ணம்.

மனமாற்றம்

தி.மு.க-காங்கிரஸ் உறவு உடைந்தால்தான் ஆளும் தி.மு.க .வின் தேர்தல் அராஜகங்களை தேர்தல் ஆணையம் மூலம் நசுக்க முடியும் என ஜெயலலிதா கருதுகிறார்.

அவருக்கு காங்கிரஸ் உறவு வாழ்வா? சாவா? என்ற அடிப் படையில் இருப்பதால் 2011 சட்டமன்றத் தேர்தலின் போது காங்கிரசுக்கு 70 தொகுதிகள் வரை கொடுக்கவும் தயங்க மாட்டார்.

காங்கிரஸார், ஆட்சியில் பங்கு அல்லது ஆளுக்கு தலா இரண்டரை வருடம் முதல்வர் பதவி என்ற ஃபார்முலாவை வைக்கக் கூடும்.

இக்கூட்டணியில் தே.மு.திகவும் இணைய வாய்ப்புள்ளதால் தொ குதிப் பங்கீட்டில் கடைசி நேர பரபரப்பு உருவாகக் கூடும்.

அணி மாறுமா?

இத்தருணத்தில் சி.பி.ஐ., சி.பி.ஐ. (எம்) கொங்கு முன்னேற்றக் கழகம் போன்ற கட்சிகள் எந்தக் கூட்டணியில் இடம் பெறும் என்பது தான் இவ்வருட அரசியல் திருப்பு முனையாக இருக்கும். மனிதநேய மக்கள் கட்சி அதிமுக கூட்டணியில் இடம்பெறும் சூழல் உருவாகியுள்ளதால் அந்த அணி கூடுதல் பலத்தில் இருக்கிறது. காங்கிரஸ் வந்தாலும் எங்களுக்கு ஆட்சேபனை இல்லை என வைகோ கருதுவதாக கூறப்படுகிறது.

நடப்பு நிகழ்வுகளை உற்று நோக்கும் போது தி.மு.க.வும், காங்கிரசை உதறும் மனநிலைக்கு வரக்கூடும்.இதற்கான அதிர்வேட்டு அழகிரி தரப்பிலிருந்து தான் வரும் என்பதை சொல்லித் தெரிய வேண்டியதில்லை.

நேரம் நெருங்குகிறது

மத்தியில் எங்களிடம் 7 அமைச்சர்களைப் பெற்ற தி.மு.க. தமிழகத்தில் மட்டும் எங்களை ஆட்சியில் சேர்க்காமல் மைனா ரிட்டி பலத்துடன் எங்கள் முதுகைப் பற்றிக் கொண்டு நடப்பது என்ன நியாயம்? என கடந்த நான்கு ஆண்டுகளாக கேட்கும் காங்கிரஸாரின் கேள்விகளுக்கு விடை தெரியும் நாட்கள் நெருங்கிக் கொண்டிருக்கிறன.