தன் உயிரை பணைய வைத்து 15 நாள்களாக பாலஸ்தீன் ஷிபா ஹாஸ்பிடலில் காயமுற்றோருக்கு அயராமல் ட்ரீட்மென்ட் கொடுத்த நார்வே டாக்டர்

தன் உயிரை பணைய வைத்து 15 நாள்களாக பாலஸ்தீன் ஷிபா ஹாஸ்பிடலில் காயமுற்றோருக்கு அயராமல் ட்ரீட்மென்ட் கொடுத்த நார்வே டாக்டர் நேற்று முன்தினம் தன் தாய்நாட்டிற்கு திரும்பினார் ...விமான நிலையத்தில் பெரும்திரளாக மக்கள் அவரை வரவேற்றனர்

2009 பாலஸ்தீன தாக்கபட்ட போதும் இவர் அங்கே சென்று சேவை செய்துள்ளார் ..அவர் குறிப்பிடும் பொழுது இந்த தடவை இஸ்ரேல் மனுசத்தன்மை அற்று மிகவும் வெறிபிடித்தவர்களாக பச்சிளங்களையாக குறி வைக்கின்றனர் ...பல ஹாச்பிடல்களில் மருத்துவம் செய்ய முடியாபடி அடிப்படை வசதிகளை தகர்த்தும் ..ஈவு இரக்கம் இன்றி அகதி முகாம்கள் , மருத்துவமனைகள் என எல்லா இடத்தையும் அழிக்கிறார்கள் என்றார்.

நன்றி  : நாகூர் மீரான்

பாலஸ்தீன சிறுவன் மீதான பாலியல் தாக்குதல் - விசாரணைக்கு இஸ்ரேல் தடை

பாலஸ்தீன் சிறுவனை தாக்கி, பாலியல் ரீதியாக துன்புறுத்தவும் செய்த இஸ்ரேலிய ஆய்வாளர் மீது அச்சிறுவன் கொடுத்த புகாரின் பெயரில் விசாரணை செய்ய இஸ்ரேல் பெரும் தடைகற்களை உருவாகுவதாக சர்வதேச குழந்தைகள் பாதுகாப்பு அமைப்பு (The Defense For Children International (DCI) இஸ்ரேல் மீது குற்றம் சுமத்தியுள்ளது.

ஆகஸ்ட் மாதம் அச்சிறுவன் அளித்த புகாரில் கற்களை வீசியதற்காக தன்னை கைதுசெய்த இஸ்ரேலிய இராணுவத்தினர் மேற்கு கரையிலுள்ள இஸ்தியன் காவல் நிலையத்தில் வைத்து விசாரிக்கும் போது அவர்கள் தன்னை அடித்ததாகவும் பாலியல் ரீதியாக துன்புறுத்தியதாகவும் கூறியிருந்தான். மேலும் சிறுவனின் கைவிலங்கிலும் பிறப்புறுப்பிலும் மின்சார கிளிப்புகளை மாட்டி மின்சாரம் பாய்ச்சப்போவதாகவும்(Electric Shock) அவனை மிரட்டி பயமுறுத்தியுள்ளனர்.

ஆகஸ்ட் 15 ல் சிறுவன் புகார் செய்ததை தொடர்ந்து அவனை வழக்கு சம்பந்தமாக விசரிக்கவேண்டுமென்று இஸ்தியன் விசாரணை நிலையத்திற்கு அவனது வழக்கறிஞர் இல்லாமல் தனியாக வருமாறு கூறியுள்ளனர். மேலும் அவனது வழக்கறிஞர் வழக்கு தொடர்ந்தால் விசாரணை நடத்த மாட்டோம் என்றும் மிரட்டியுள்ளனர் என DCI அமைப்பு தெரிவித்துள்ளது.

இஸ்ரேலிய ஆய்வாளர் மீதான இவ்வழக்கிற்கு பெரும் தடையை இஸ்ரேல் ஏற்படுத்துகின்றது. இஸ்ரேலிய சட்டப்படி வழக்கறிஞர் வைத்துதான் எந்த வழக்கையும் நடத்த வேண்டும் வழக்கறிஞர் இல்லாமல் நடத்தச்சொல்லுவது வழக்கின் விசாரணையை மிகவும் பாதிக்கும் என்றும் DCI அமைப்பு கூறியுள்ளது.

விக்கிபிடியாவில் யூதர்கள் பொய் பிராச்சாரம்

பாலஸ்தீனை ஆக்கிரமித்துள்ள இஸ்ரேலிய யூதர்கள், தங்கள் ஆக்கிரமிப்பை நியாப்படுத்தும் விதமாக புகழ்பெற்ற இணையதளமான விக்கிபீடியாவில் தவறான வரலாற்று குறிப்புகளை பதிவு செய்து வருகிறார்கள் என்று பாலஸ்தீன இதழியலாளர்கள் குற்றம் சுமத்தியுள்ளனர்.

இப்பணிக்காக இஸ்ரேலிய யூதர்கள் ஒரு சிறப்பு குழுமத்தை அமைத்து அதன் மூலம் பாலஸ்தீனம், இஸ்ரேல், மற்றும் சமய பக்கங்களில் தங்களுக்கு சாதகமான செய்திகல் மற்றும் தவறான ஆவணக்குறிப்புகளை பதிவு செய்து வருகிறார்கள். இதற்கான ஒரு சிறப்பு கூட்டம் ஒன்றில் தன்னார்வல யூதர்களுக்கு சிறப்பு பயிற்சி அளிக்கப்பட்டது.

இதற்கு எதிர்ப்பு தெரிவித்துள்ள பாலஸ்தீன இதழியாளர்கள் தலைவர் அப்துல் நாசர் அன்-நஜார் பெத்தலஹாமை மைய்யமாக கொண்ட மான் என்ற பத்திரிகையில் பாலஸ்தீனியர்களும் தங்கள் பங்குக்கு குழுமத்தை அமைத்து அதன் மூலம் யூதர்கள் பரப்பி வரும் தவறான செய்திகளை தாங்கள் செப்பனிட திட்டமிட்டுயிருப்பதாக தெரிவித்துள்ளார். மேலும் அடுத்த கட்ட இஸ்ரேல்-பாலஸ்தீன மோதல் ஒரு "ஊடக வாயிலான போராக" இருக்கும் என்றும் தெரிவித்துள்ளார்.

இஸ்ரேலுடனான பேச்சுவார்த்தையை நிராகரித்தது ஹமாஸ்

ஆக2:இஸ்ரேலுடன் எவ்விதத்திலும் பேச்சுவார்த்தை நடத்த முடியாது என்று ஹமாஸ் கூறியுள்ளது.

"பாலஸ்தீன்- இஸ்ரேலுக்கிடையேயான பேச்சுவார்த்தையை நேரடியாகவோ மறைமுகமாகவோ நியாயப்படுத்த முடியாது." என்று ஹமாஸ் அரசியல் தலைவர் காலித் மிஷால் கூறியுள்ளார். இந்த பேச்சுவார்த்தை அமெரிக்க மற்றும் இஸ்ரேலின் வற்புறுத்துதலின் பேரிலேயே நடத்தப்படுகிறது என்றும் கூறினார்.

மூத்த ஃபலஸ்தீன தலைவர்,அரபுக்கள் சங்கத்தின் நேரடி அமைதி பேச்சுக்கான மறு அழைப்பை நிராகரித்து,இந்த பேச்சுவார்த்தையை முறைப்படுத்த முடியாது ஏனெனில் இதை அரபுக்கள் விரும்பி செய்யவில்லை மாறாக அவர்களின் மீது நிர்பந்தப் படுத்தப்பட்டுள்ளது என்றார்.

இஸ்ரேலை தொடர்ந்து எதிர்த்து நிற்பதும்,போராடுவதுமே ஃபலஸ்தீன தேசத்துக்கு ஒரே வழி, இதுவே நமக்கு பெருமை மற்றும் கண்ணியத்திற்கு வழி என்று மிஷால் இஸ்லாமிய அமைப்புகளுக்கு மீண்டும் மீண்டும் கூறினார்.

கடந்த வியாழனன்று,அரபுக்கள் சங்கத்தின் அமைதி நடவடிக்கை கமிட்டி, பாலஸ்தீன்-இஸ்ரேலுக்கிடையேயான நேரடி அமைதி பேச்சுவார்த்தைக்கு ஆதரவு தெரிவித்துள்ளது.

டிசம்பர் 2008-ஜனவரி 2009 வரை ஹமாஸ் இயங்கும் காஸ்ஸா பகுதியில் இஸ்ரேல் நடத்திய தாக்குதலில் 1400க்கும் மேற்பட்டோர் பலியாயினர், இதனால் மத்திய கிழக்கு அமைதி பேச்சு முறிவடைந்தது.

பலத்த உட்கட்சி எதிர்ப்பையும் மீறி மே மாதத்தில் அமெரிக்கா ஏற்பாடு செய்த இஸ்ரேலுடன் சமீப பேச்சு வார்த்தையில் ஃபலஸ்தீன அதிகாரிகள் கலந்து கொண்டனர் என்பது குறிப்பிடத்தக்கது.

கடுமையான தண்ணீர் நெருக்கடியில் பாலஸ்தீன்

பாலஸ்தீனியர்களுக்கு சுத்தமான தண்ணீர் கிடைப்பது கனவாகிக் கொண்டிருக்கிறது. "பாலஸ்தீனின் பெரும்பகுதியை மக்களுக்கு குடிப்பதற்கு கூட சுத்தமான தண்ணீர் இல்லாமல் செய்த அதே வேளையில், இஸ்ரேல் ஆக்கிரமிப்பாளர்களுக்கு தடையில்லாத தண்ணீர் விநியோகம் செய்து வருகிறது இஸ்ரேல்.

மேலும் இஸ்ரேலின் ஆக்கிரமிப்பாளர்களுக்கு நீச்சல் குளம், நன்றாக தண்ணீர் விடப்பட்ட புல் தரைகள், மேலும் விவசாய நிலங்கள் என்று தண்ணீர் கணக்கில்லாமல் செலவிடப்படும் நிலையில் பாலஸ்தீனியர்களுக்கு தங்கள் அடிப்படை தேவைகளை பூர்த்தி செய்வதற்கு கூட சுத்தமான தண்ணீர் கிடைப்பதில்லை" என்று அம்னெஸ்டி இண்டர்நேஷனல் என்ற மனித உரிமை அமைப்பு கூறுகின்றது.

"மேற்குக் கரையிலுள்ள 180,000 - 200,000 பாலஸ்தீனியர்கள் சுத்தமான தண்ணீர் கிடைக்காமல் கஷ்டப்படுகிறார்கள் என்றும் அந்த பகுதியில் உள்ள குழாய்களும் காய்ந்து கிடக்கின்றன" என்றும் அந்த மனித உரிமை அமைப்பு கூறுகின்றது.

மேற்கு கரை மற்றும் காசா பகுதியில் உள்ள ஒரு பாலஸ்தீனிய குடிமகன் ஒரு நாளைக்கு பயன் படுத்தும் 70 லிட்டர் தண்ணீரை விட ஒரு இஸ்ரேலிய குடிமகன் ஒரு நாளைக்கு பயன்படுத்தும் தண்ணீரின் அளவு நான்கு மடங்கு அதிகம்.



மேலும் மேற்குக்கரையின் பிரதான தண்ணீர் ஆதாரத்திலிருந்து இஸ்ரேல், தான் ஆக்கிரமித்த இடத்தில் குடியமர்த்திய யூதர்களுக்கு 80% தண்ணீரை உறிஞ்சி எடுக்கின்றது. இஸ்ரேலிற்கு இதை தவிர வேறு தண்ணீர் ஆதாரங்கள் இருந்த போதும் மேற்குக் கரையின் இந்த தண்ணீர் ஆதாரத்தை பயன்படுத்துவது அப்பகுதி மக்களுக்கு தண்ணீர் கிடைப்பதில் மிகுந்த சிரமத்தை ஏற்படுத்தியுள்ளது.

காசா பகுதியின் தண்ணீர் சுத்திகரிப்பை சீர்செய்யும் பணி 2007 இல் இஸ்ரேல் விதித்த தடையினால் பாதிக்கப்பட்டது. மேலும் இஸ்ரேல் அந்த சுத்திகரிப்பு பணியை சரி செய்வதற்கு தேவையான பொருட்களை காசாவிற்குள் அனுமதிக்காமல் தடை செய்து வருவது இந்த தண்ணீர் பிரச்னையை இன்னும் அதிகப்படுத்தியுள்ளது.

மேலும் காசா மீது இஸ்ரேல், இந்த வருட தொடக்கத்தில் தொடுத்த போரினால் கிணறுகள், குளங்கள், மற்றும் நீர் ஆதாரங்கள் பழுதடைந்துவிட்டன.

அம்னெஸ்டி இண்டர்நேஷனல் இது பற்றி கூறுகையில், "காசா பகுதியின் நீர் ஆதாரங்கள் 90 - 95 % தூய்மையற்ற நிலையில் உள்ளன" என்று கூறியுள்ளது.

இஸ்ரேல் இந்த குற்றச்சாட்டை வழக்கம் போல் மறுத்துள்ளது.

நன்றி,
அல்ஜசீரா.

உயிருடன் புதைக்கப்பட்ட பாலஸ்தீனியர்கள்

கடந்த டிசம்பரில் இஸ்ரேல் பாலஸ்தீன் மீது அநியாயமாக நடத்திய ஆக்கிரமிப்பு போரில் பல பாலஸ்தீன அப்பாவி பொது மக்களை வேண்டுமென்றே கொன்றுள்ளனர் என்றும் பலரை உயிருடன் புதைத்துள்ளனர் என்றும் பாலஸ்தீன மனித உரிமை ஆர்வலர் நஷாத் அல் வாஹிதி தெரிவித்தார்.

வாஹிதி அவருடைய அறிக்கையில், "பாலஸ்தீனிய பொதுமக்களை இஸ்ரேலிய ஆக்கிரமிப்பு படைகள் கைதிகளாக பிடித்து அவர்களை கொன்று குவித்துள்ளனர்" என்று கூறினார்.

அவர் மேலும் கூறியதாவது, "காசாவின் கிழக்கு பகுதியில் உள்ள அல் ஜைத்தூன் பகுதியை ஆக்கிரமித்த இஸ்ரேலிய படைகள் காயம் பட்ட பல பாலஸ்தீன பொதுமக்களை உயிருடன் புதைத்துள்ளனர்.

மேலும் , காசா மீதான இஸ்ரேலின் இந்த தாக்குதலிற்கு பிறகு பல பாலஸ்தீன பொதுமக்கள் காணாமல் போயுள்ளனர். இவர்களின் நிலை என்ன என்பது இன்று வரை தெரியாமல் உள்ளது என்று கூறினார்.

இவர்கள் கொல்லப்பட்டுவிட்டனரா இல்லை இஸ்ரேலிய ரகசிய சிறைகளில் அடைக்கப்பட்டு சித்திரவதை செய்யப்படுகின்றனரா என்று தெரியவில்லை.

நன்றி
Palestine Info.

19 பாலஸ்தீன பெண் கைதிகள் விடுதலை

ஹமாஸால் கைது செய்யப்பட்ட இஸ்ரேலிய ஆக்கிரமிப்பு படை வீரன் ஒருவன் உயிரோடு உள்ளான் என்பதற்கு ஆதாரமான வீடியோ டேப்பிற்கு பதிலாக 19 பாலஸ்தீன பெண் கைதிகளை விடுதலை செய்தது இஸ்ரேல். மற்றும் ஒரு பெண் இன்று (ஞாயிறு) விடுதலை செய்யப்படுவார் என்று எதிர்பார்க்கப்படுகிறது.

இதில் 18 பெண்கள் மேற்குக்கரை பகுதியை ரெட் கிராஸின் வாகனத்தில் சென்று அடைந்தனர். மற்றுமொரு பெண் ரெட் கிராஸ் வாகனத்தில் காசா பகுதியை வந்து அடைந்தார். அந்த பெண்களின் உறவினர்கள் மகிழ்ச்சி பொங்கிய உற்சாகத்தில் அவர்களை வரவேற்றனர்.

இஸ்ரேலியர்கள் இதற்கு பதிலாக ஜிலாட் சாலித் என்ற ஹமாஸால் கைது செய்யப்பட்ட இஸ்ரேலிய வீரனின் வீடியோ ஒன்றை பெற்றுக்கொண்டது. இவனை ஹமாஸ் கடந்த 2006 ஆம் ஆண்டு கைது செய்தது.

ஒரு தகவலின் படி இஸ்ரேல் ஏறத்தாழ 10000 பாலஸ்தீனியர்களை கைதிகளாக பிடித்து வைத்துள்ளது.

ஹமாஸ் ஷாலிதின் விடுதலைக்கு பதிலாக 100 க்கும் மேற்பட்ட அப்பாவி பாலஸ்தீனிய கைதிகளின் விடுதலைக்காக பேச்சு வார்த்தை நடத்திவருகின்றது.

இதனை குறித்து பாலஸ்தீன கைதிகளின் அமைச்சகம் கூறுகையில், "விடுதலை செய்யப்பட்ட 19 பெண்கள் தவிர்த்து இன்னும் 40 பெண்கள் இஸ்ரேலின் சிறையில் வாடி வருகின்றனர்" என்று கூறியுள்ளது.

மேலும், "19 பாலஸ்தீனிய பெண்கள் விடுதலை செய்யப்பட்ட சந்தோஷம், இஸ்ரேலிய ஆக்கிரமிப்பு படைகளால் கண்ணியம் குறைக்கப்பட்டு சிறையில் அவர்களுடைய அத்துமீறல்களால் வாடிக்கொண்டிருக்கும் நம் மற்ற சகோதரிகளை மறக்கடித்து விட வேண்டாம்" என்று அமைச்சகத்தின் தகவல் இயக்குனர் ரியாத் அல் அஸ்கர் கூறினார்.

அஸ்கர் மேலும் கூறுகையில், "ஸமாஹ் சமதாஹ் என்ற சிறுமியை தவிர பெரும்பாலான சிறுமிகள் இந்த பரிமாற்றத்தில் விடுதலை செய்யப்பட்டனர். இவர் இஸ்ரேலிய ஆக்ரமிப்பு படைகளால் கடந்த 2008 ல் கடத்திச்செல்லப்பட்டவர். இவருக்கு இஸ்ரேல் ஓராண்டு காலம் சிறை தண்டனை விதித்தது.

இன்னும் சில பெண்களுக்கு ஆயுள் தண்டனை விதிக்கப் பட்டுள்ளது. அதில் அஹ்லம் அல் தமிமி என்ற பெண்ணிற்கு 16 ஆயுள் தண்டனைகள் விதிக்கப்பட்டுள்ளன.

இன்னும் சிறையிலிருக்கும் பெண் கைதிகளில் 12 பேர் நோயாளிகள் என்றும், அமல் சுமா என்ற பெண் சிறுநீரக புற்று நோயினால் பாதிக்கப்பட்டவர் மற்றும், வாஃபா என்ற பெண் இஸ்ரேலிய இராணுவத்தினால் கடத்திச்செல்லபடும்பொது கடுமையான தீக்காயங்களுக்கு உள்ளாக்கப் பட்டிருந்தார் என்று அந்த அமைச்சகம் கூறியுள்ளது.

படம்:விடுதலை செய்யப்பட்ட பலஸ்தீன பெண்
ஒருவரை உறவினர் கட்டி தழுவும்காட்சி

இஸ்ரேலிய வீரன் சாலித்

நன்றி
ABNA, Palestine Info

--------------------------------------------------------------------------------------------------

2007 - 2008 ல் இஸ்ரேலால் கைது செய்யப்பட்ட பலஸ்தீனிய பெண்களில் 13% பேர் 18 வயதிற்கு கீழானவர்கள் என்றும் 56% பேர் 20 - 30 வயதிற்கு உட்பட்டவர்கள் என்றும் ஒரு செய்தி கூறுகின்றது. இவர்கள் கைது செய்யப்படும் போது, அடிக்கப்படுதல், அவமானப்படுத்தப்படுதல், பயமுறுத்துதல், பாலியல் வன்முறை, அவமதிப்பு உக்திகள் ஆகியவைக்கு இஸ்ரேலிய ஆக்கிரமிப்பு படைகளால் உள்ளாக்கப்படுகிறார்கள்.