வாக்குப்பதிவு இயந்திரத்தில் தில்லுமுல்லு செய்யலாம்: மிச்சிகன் பல்கலைக்கழக ஆய்வுக்குழு தகவல்

இந்தியாவில் பயன்படுத்தப்படும் வாக்குப்பதிவு இயந்திரங்களில் முடிவு களை மாற்றும் வகையிலான தொழில் நுட்பத்தை கண்டுபிடித்துள்ளதாகவும், எனவே, அந்த இயந்திரங்கள் பாதுகாப் பானவை என்று கூறுவது தவறு என்றும் அமெரிக்கப் பல்கலைக் கழக ஆய்வாளர்கள் தெரிவித்துள்ளனர்.

இது தொடர்பாக ஆய்வுப் பணி களை மேற்கொண்ட பேராசிரியர் ஜே.அலெக்ஸ் ஹால்டர்மேன் தலைமை யிலான மிச்சிகன் பல்கலைக்கழக ஆய்வாளர்கள், முடிவுகளை மாற்ற உதவும் சிறிய கருவி ஒன்றை கண்டு பிடித்துள்ளனர்.

இந்த கருவியை, வாக்குப்பதிவு இயந்திரத்துடன் பொருத்தி, செல் போன் மூலம் தகவல்களை அனுப்பி, ஏற்கெனவே பதிவாகியுள்ள தகவல் களில் மாற்றம் செய்ய முடியும் என்று அவர்கள் கூறியுள்ளனர்.

“வாக்குப்பதிவு இயந்திரத்தில் உள்ளதைப் போன்ற டிஸ்ப்ளே போர்டை உருவாக்கியுள்ளதாகவும், அதன்மூலம், பதிவாகியுள்ள வாக்கு களின் விவரத்தை அறிந்து நாம் விரும்பும் மாற்றத்தைச் செய்ய முடியும். இதற்காக பிரத்யேகமாக மைக்ரோபிராசஸர்களை தயாரித்து அக்கருவியில் பொருத்தியுள்ளோம்” என்று அலெக்ஸ் ஹால்டர்மேன் கூறியுள்ளார்.

இதன்படி வாக்குப்பதிவுக்கும், வாக்கு எண்ணிக்கைக்கும் இடையே இயந்திரத்தில் பதிவான தகவல்களில் தேவையான மாற்றங்களை செய்ய முடியும் என்று அவர் கூறியுள்ளார். இது தொடர்பான செயல்விளக்கத்தை இணையதளத்தில் வெளியிட்டுள்ளதாக ‘பிபிசி நியூஸ்’ ்கூறியுள்ளது.

இந்திய வாக்குப்பதிவு இயந்திரங்கள் பாதுகாப்பானவை என்ற தகவல் வெளியாகியுள்ளது குறிப்பிடத் தக்கது.

இந்திய தேர்தல் ஆணையத்தின் துணை ஆணையர் அலோக் சுக்லா கூறுகையில், “வாக்குப்பதிவு இயந்திரத் தில் மாற்றம் எதையும் செய்ய முடியாது. அது வெறும் இயந்திரம் மாத்திரமல்ல. நிர்வாக ரீதியாகவும் சில பாதுகாப்பு ஏற்பாடுகளை செய்துள்ளோம். அதை யாராலும் அவ்வளவு எளிதாக திறக்க முடியாது.

வாக்குப்பதிவு நடைபெற்ற பின்பு, சீலிடப்படுகிறது. இந்த சீலை சேதப்படுத்தாமல் இயந்திரத்தில் கைவைக்க முடியாது. எனவே, முறைகேடு நடப்பதற்கு வாய்ப்பில்லை” என்றார்

முஸ்லிம்களை பயங்கரவாதிகளாக சித்தரிக்கும் காவல்துறை

இந்தியாவில் காவல்துறையும், உளவுப்பிரிவும் முஸ்லிம்களைக் கிள்ளுக்கீரையாக நினைத்து செயல்பட்டு வருகிறது. எந்தப் பகுதியில் குண்டுவெடித்தாலும், விசாரணை துவங்குவதற்கு முன்பே முஸ்லிம்கள் மீது குற்றம் சுமத்தி ஊடகங்களின் மூலமாக செய்திகளைப் பரப்பும் நிலையை காவல்துறை அதிகாரவர்க்கம் செய்து வருகிறது.

இதன்மூலம் பொதுமக்கள் மத்தியில் முஸ்லிம்கள் என்றாலே பயங்கரவாதிகள் என்ற நிலையைக் காவல்துறையும், ஊடகங்களும் உருவாக்குகின்றன. பின்னர் எவ்வித ஆதாரமுமின்றி அப்பாவி முஸ்லிம்களைக் காவல்துறையினர் கைது செய்கின்றனர். 2011 டிசம்பர் 6ம் தேதியன்று அனைத்து பத்திரிக்கைகளும், ‘‘பாகிஸ்தான் நாட்டைச் சேர்ந்த ஐ.எஸ்.ஐ. உளவாளிகள் இரண்டு பேர் டெல்லியில் கைது, தற்கொலைப் படை பெண் தீவிரவாதியும் கைது என்றும், குஜராத் முதலமைச்சர் நரேந்திர மோடியைக் கொல்ல சதித்திட்டம்’’ என்றும் முதல் பக்கத்தில் செய்தி வெளியிட்டன. முந்தைய நாட்களில் 24 மணிநேர செய்திச் சேனல்களும் பரபரப்பு செய்திகளாக இதனை ஒளிபரப்பின.

இதைப்பற்றி டெல்லி குற்றப்பிரிவு காவல்துறை துணைக் கண்காணிப்பாளர் (டிசிபி) அசோக் சாந்த் பத்திரிக்கையாளரிடம் கூறுகையில், ‘பாகிஸ்தான் நாட்டைச் சேர்ந்த இரண்டு ஐ.எஸ்.ஐ. உளவாளிகள் இம்ரான் (40), சூஃபியா கன்வான் (38) ஆகியோர் நேபாளம் வழியாக டெல்லிக்கு வந்துள்ளனர். இவர்களை டெல்லி ரயில் நிலையத்தில் வைத்து கைது செய்துள்ளோம். இவர்களின் சொந்த ஊர் பாகிஸ்தானிலுள்ள சரீபாபாத். இவர்களை ஐ.எஸ்.ஐ. நன்கு பயிற்சி கொடுத்து இந்தியாவிற்கு அனுப்பியுள்ளனர். இவர்கள் இருவரும் கணவன், மனைவி போன்று போலியான திருமணப் பதிவு நகல் வைத்துள்ளனர்’ என்று குறிப்பிட்டார். மேலும், முதலமைச்சர் நரேந்திர மோடியைக் கொலை செய்ய திட்டமிட்டுள்ளனர் என்றும் டி.சி.பி. அசோக் குறிப்பிட்டார். அதன்பிறகு அவர்கள் சிறையில் அடைக்கப்பட்டனர்.

நான்கு மாதமாக சிறையில் அடைபட்டு பின்னர் 2012 மார்ச் 27ம் தேதி அன்று கடுமையான காயத்தோடு டெல்லி மாவட்ட நீதிமன்றத்தில் இர்பான் மற்றும் சூஃபியா ஆகியோர் ஆஜர்படுத்தப்பட்டனர். இதை டெல்லி மாவட்ட தலைமை நீதிபதி விநோத் யாதவ் விசாரித்தார். அந்த விசாரணையில் குற்றஞ்சாட்டப்பட்ட இர்பான், தனக்கு நேர்ந்த அவலத்தை நீதிபதியிடம் கதறினார். அவர் கூறியதாவது:

‘‘என்னுடைய சொந்த ஊர் இந்தியாவின் மாநிலமான குஜராத்தில் உள்ள அஹமதாபாத். என்னுடைய தந்தையும், தாயும் வயது முதிர்ந்த நிலையிலும் அஹமதாபாத்திலுள்ள டெல்லி நீதிமன்றத்திற்கு வந்துள்ளனர். என்னுடைய தந்தை பெயர் யூசுப். என்னுடைய குடும்பம் கடுமையான பொருளாதார கஷ்டத்தில் இருந்த நிலையில் நான் 15 வயதிலேயே பாகிஸ்தானுக்குச் சென்று, துணி வியாபாரம் செய்து வந்தேன். அங்கேயே திருமணமும் முடித்துக் கொண்டேன். என்னுடைய மனைவிதான் சூஃபியா. நான் துணி வியாபாரம் மூலம் செல்வந்தர் ஆனேன். நான் பலமுறை வியாபார நிமித்தமாக ஐரோப்பிய நாடுகளுக்குச் சென்றுள்ளேன். நான் பாகிஸ்தான் பாஸ்போர்ட் வைத்துள்ளேன்.

உலகளாவிய அளவில் பொருளாதார சரிவு ஏற்பட்ட போது எனக்கு கடுமையான நஷ்டம் ஏற்பட்டது. அந்த நேரத்தில் ஐரோப்பாவிலுள்ள என்னுடைய நண்பர்கள் இந்தியாவிலுள்ள குஜராத் தான் துணிக்கு பிரபலமான இடம், அதனால் இந்தியாவிலிருந்து ஏற்றுமதி செய்து நல்ல லாபம் சம்பாதிக்கலாம் என்று கூறினார்கள். இதனால் 2009 ஆகஸ்ட் 3ம் தேதியிலிருந்து 2010 அக்டோபர் 2ம் தேதி வரை இந்தியாவில் தான் விசா எடுத்து தங்கியிருந்தேன். இங்கு தங்கியிருந்த நாட்களில் இந்தியக் குடியுரிமை கோரி குஜராத் அரசு மூலமாக விண்ணப்பித்தேன். மும்பை தாக்குதலைத் தொடர்ந்து எனக்கு விசா மறுக்கப்பட்டது. இதனால் நான் நேபாளில் இருந்து துணி வியாபாரம் செய்ய திட்டமிட்டேன். அதனால், பாகிஸ்தானிலிருந்து நேபாளம் சென்றேன்.

நேபாளுக்கு வந்தவுடன் குஜராத்தில் உள்ள எனது வீட்டுக்கு தொலைபேசியில் பேசினேன். அந்த தொலைபேசி உரையாடலை ஒட்டுக்கேட்டு, நான் ஐ.எஸ்.ஐ. ஏஜென்ட் என குற்றஞ்சாட்டி நவம்பர் மாதம் நேபாளத்தில் இருந்து என்னையும் எனது மனைவியையும் டெல்லிக்கு அழைத்து வந்தார்கள். பின்னர் ஒரு மாதம் கழித்து டிசம்பர் 5ம் தேதி நரேந்திர மோடியைக் கொல்ல வந்த பயங்கரவாதி என்று குற்றம்சாட்டி கைது செய்தனர். எங்களை சட்டவிரோத காவலில் வைத்திருந்த நேரத்தில், கடுமையான சித்ரவதை செய்தார்கள்’’ - என்று கண்ணீர்மல்க இம்ரான் கூறினார். நாங்கள் மிகப்பெரிய பணக்காரர்களாக இருந்தோம். இன்றைய நிலையோ சமைக்க மண்ணெண்ணெய் கூட வாங்க முடியாமல் கஷ்டத்தில் உள்ளோம் என இர்பானின் தந்தை யூசுப் நீதிமன்றத்தில் கண்ணீர் வடித்தார்.

காவல்துறையின் மனிதாபிமானமற்ற செயலைக் கண்டு பொங்கியெழுந்த நீதிபதி வினோத் யாதவ், சொந்த நாட்டில் குடியுரிமை கேட்டு விண்ணப்பித்திருப்பவரையே பயங்க ரவாதிகளாக சித்தரிக்கும் காவல்துறையின் செயலைக் கடுமையாகக் கண்டித்ததோடு, நீதிமன்றம் கண்ணை மூடிக்கொண்டு செயல்படாது என்று குறிப்பிட்டார்.

இம்ரானின் வழக்கை எடுத்து நடத்த மனிதநேயத்தின் அடிப்படையில் வாதாட வழக்கறிஞர்கள் தயாரா? என வழக்கறிஞர்களைப் பார்த்து கேட்டார். உடனே, வழக்கறிஞர் சுனில் திவாரி இம்ரானுக்காக வாதாட தன்னார்வத்தோடு முன்வந்தார். பின்னர், இந்தியக் குடியுரிமை ஆவணங்களை சமர்ப்பிக்க, இம்ரானுக்கு ஜாமீன் வழங்கி நீதிபதி உத்தரவிட்டார்.

இதன்மூலம் காவல்துறையின் முஸ்லிம் விரோதப் போக்கு எந்த அளவிற்கு உள்ளது என்பதை நம்மால் விளங்கிக்கொள்ள முடியும். இதுபோன்ற காவல்துறை ஓநாய்களின் மீது எந்த நடவடிக் கையும் எடுக்கப்படுவதில்லை. இதனால் முஸ்லிம்களுக்கு எதிரான காவல்துறையின் கொடுமைகள் தொடர்கதையாகி உள்ளது. ஜம்மு காஷ்மீரில் துப்பாக்கி குண்டுகளுக்கு பயந்து டெல்லிக்கு வந்து வேலையோ, வியாபாரமோ செய்துவரும் அப்பாவி முஸ்லிம் இளைஞர்களையும் தீவிரவாதிகளாக சித்தரித்து பொய் வழக்குப் போட்டு, சித்ரவதை செய்து காவல்துறையினர் கைது செய்து நிரந்தரமாக சிறைச்சாலைகளில் தள்ளுகின்றனர்.

இப்போது நடைபெற்று வருகிற ஐ.நா. மனித உரிமைக் கவுன்சிலின் செயலாளர் கூறுகையில், இந்தியாவில் சிறுபான்மை முஸ்லிம்களுக்கு எதிராகப் பல்வேறு கொடுமைகள் நடைபெற்று வருகிறது. இந்தியாவில் சிறுபான்மை முஸ்லிம்களுக்குப் பாதுகாப்பில்லை என்று குறிப்பிட்டுள்ளார்.

முஸ்லிம்களுக்கு எதிரான கொடுமைகளைக் களைய எந்தவொரு முன்முயற்சியையும் காங்கிரஸ் அரசு எடுக்க முன்வருவதில்லை. மத்திய அரசிலும், கேரள மாநிலத்திலும் காங்கிரஸோடு கூட்டணி வைத்திருக்கும் கேரளா முஸ்லிம் லீக், முஸ்லிம்களுக்கு இழைக்கப்படும் கொடுமைகளைப் பற்றி கேரள முஸ்லிம் லீக்கின் மத்திய அமைச்சர் இ.அஹமது, சமுதாய உரிமைகளுக்காக பாராளுமன்றத்தில் ஒருமுறை கூட பேசியதாக தகவல் இல்லை.

முஸ்லிம் லீக்கின் தலைவராக இருந்த பனாத்வாலா சாஹிப் அவர்கள் பலமுறை சமுதாய உரிமைக்காக பாராளுமன்றத்தில் கர்ஜித்துள்ளார். இப்படிப்பட்ட கண்ணியம் மிகுந்த தலைவரான பனாத்வாலா சாஹிப் அவர்க ளையே பாராளுமன்றத்திற்கு செல்லவிடாமல் தடுத்தவர்தான் இன்றைய தலைவர் இ.அஹமது என்பது குறிப்பிடத்தக்கது.

இந்த அநீதியை பாரபட்சமின்றி மத்திய அரசு தடுத்து நிறுத்த வேண்டும். முஸ்லிம் களின் மக்கள் தொகைக்கு ஏற்றவாறு பாதுகாப்புத் துறைகளின் அனைத்து உயர்மட்ட பொறுப்புகளில் முஸ்லிம்களை இடம்பெறச் செய்தால் மட்டுமே ஒரு சமூகத்திற்கு எதிரான கொடுமைகள் குறையும்.

மதத் துவேசத்தோடு நடந்துகொள்கிற காவல்துறை அதிகாரிகளைக் கைது செய்து சிறையில் தள்ளினால் மட்டுமே இதைத் தடுக்க முடியும்.

--என்.ஏ.தைமிய்யா

நன்றி : http://tmmk.in/index.php?option=com_content&view=article&id=1912:2012-04-10-12-52-08&catid=82:indiia&Itemid=199

ஜனவரி 30 - காந்தி படுகொலை பரப்பரப்பான அந்த நிமிடங்கள்...

நன்றி : Thamimun Ansari

இந்தியாவில் முக்கியத் தலைவர்களின் பிறந்த நாட்களும், இறந்த நாட்களும் முக்கியத்துவத்துடன் நினைவுகூரப்படுகின்றன. அரசு விளம்பரங்களுடன் ஆடம்பர நிகழ்வுகளாக அவை வரலாறுகளைக் கூறுகின்றன.

ஆனால் காந்தியின் நினைவுநாள் மட்டும் முக்கியத்துவமின்றி பெயரளவுக்கு நினைவு கூரப்படுகிறது. இதற்குக் காரணம் என்ன? காந்தியின் நினைவு தினத்தை முதன்மைப்படுத்தினால், காந்தியின் படுகொலைக்கான பின்னணி வருடந்தோறும் நினைவுபடுத்த வேண்டிவரும்.

காந்தியைக் கொன்ற கோட்சே, அவனது சமூகமான சித்பவன் பிராமணர்கள், அவனை இயக்கிய ஆர்.எஸ்.எஸ். பயங்கரவாத இயக்கம், அதன் முக்கியத் தலைவர்கள் உள்ளிட்டோரின் சதிகள் வருடந்தோறும் விவாதிக்கப்படுவதை ஆதிக்க சக்திகள் விரும்புவதில்லை.

இன்றுவரை கடந்த 64 வருடங்களாக காந்தியைக் கொன்ற பயங்கரவாதியான கோட்சேயின் சாம்பலை பத்திரப்படுத்தி வைத்திருக்கிறது ஆர்.எஸ்.எஸ். பயங்கரவவத அமைப்பு.

காந்தியைக் கொன்ற கோட்சே, அப்பழி முஸ்லிம்கள் மீது விழவேண்டும் என்ற சதித்திட்டத்தோடு செயல்பட்டான். முஸ்லிம்களைப் போல பிறப்புறுப்பில் சுன்னத் செய்துகொண்டு, கையில் இஸ்மாயில் என்று பச்சைக் குத்திக்கொண்டு இப்படுகொலையைச் செய்தான்.

காந்தி கொலையானதும் அவன் பிடிக்கப்பட்டான். அப்போது ஆர்.எஸ்.எஸ். கும்பல் காந்தியைக் கொன்றவர் ஒரு முஸ்லிம் என்று நாடெங்கும் பரப்பியது. முஸ்லிம்களும், அவர்களது சொத்துக்களும் தாக்கப்பட்டன. உடனே பிரதமர் நேரு, அகில இந்திய வானொலி வழியாக, வதந்தியை மறுத்து, காந்தியைக் கொன்றது ஆர்.எஸ்.எஸ். அமைப்பைச் சேர்ந்த நாதுராம் கோட்சே என்பதைத் தெரிவித்ததும் நிலைமை மாறியது. காந்தியின் படுகொலைக்கு அன்றைய உள்துறை அமைச்சரும், தீவிர மதவெறியருமான சர்தார் வல்லபாய் படேலும் மறைமுகக் காரணம் என்ற குற்றச்சாட்டு எழுந்தது.

இதுபோன்ற ஏராளமான உண்மைகள் மூடி மறைக்கப்பட்டுள்ளன. இச்சூழலில் ஆர்.எஸ்.எஸ். பயங்கரவாத இயக்கம், புதிய தலைமுறை இந்தியர்களிடம் அம்பலப்படுத்தப்பட வேண்டும்.

காந்தி படுகொலைக்கான பின்னணியைத் தோலுரிக்கும் வகையில் ‘1948 ஜனவரி 30’ என்ற நூலை பிரபல திராவிட இயக்கவாதியான திருவாரூர் அர.திருவிடம் எழுதியுள்ளார். இந்நூலை நீங்களும் படித்து, உங்களது இந்து நண்பர்களிடமும் அறிமுகப்படுத்த வேண்டும். பள்ளிக்கூட மாணவர்களிடமும், ஆசிரியர்களிடம் இந்நூல் பரப்பப்படுவது அவசியமாகும்.

நூல்: 1948 ஜனவரி 30

கிடைக்குமிடம்: நக்கீரன் பதிப்பகம்

105, ஜானிஜகான்சாலை,

இராயப்பேட்டை, சென்னை&14

தொடர்புக்கு: 044&43993029

விலை: ரூ.125

1948 ஜனவரி 30, வெள்ளிக்கிழமை, குளிரிலும், பனியிலும் மரம், செடிகள்கூட நடுங்கிக் கொண்டிருக்கும் டெல்லிக் குளிரில் வழக்கம்போல் இருளுக்கு முன்பாகவே எழுந்திருந்தார் காந்தி.

விழுந்தது போக மீதி இருந்த சில பற்களை, முனை நசுக்கி நாராக்கப்பட்ட குச்சி ஒன்றினால் துலக்கி, காலைக் கடன்களை முடித்து, பகவத் கீதையின் சில பக்கங்களைப் படித்து கடவுளை வணங்கியபின், தரையில் உட்கார்ந்து எழுதுவதற்காகவே தயாரிக்கப்பட்ட ஒரு அடி உயரமுள்ள சாய்வான மேசை ஒன்றின்முன் அமர்ந்து காங்கிரஸ் கட்சிக்கான சில புதிய சட்டதிட்ட விதிகளை எழுதிக் கொண்டிருந்தார்.

காலை மணி 8. தேநீர் அருந்தியவாறு மாலையில் நடத்தப் போகும் கொலையை எப்படிச் செய்யலாம் என்ற ஆலோசனையில் ஈடுபட்டிருந்தார்கள் சதிகாரர்கள் மூவரும். முதல்நாள் மாலை அவர்கள் பிர்லா மாளிகை சென்றபோது போலீசார் உடல்ரீதியான ஆயுதப் பரிசோதனைகள் எதுவும் செய்யவில்லை என்றாலும், இன்றும் அதேநிலை இருக்கும் என்று நம்பமுடியாது. பாதுகாப்பு ஏற்பாடுகளில் தீவிரமாக இருக்கும் போலீசார் திட்டத்தை மாற்றி & வருபவர்களிடம் ஆயுதங்கள் இருக்கின்றனவா என்று பரிசோதனை செய்தால் பிடிபட்டுவிடுவோம். எனவே கருப்புப் போர்வை ஒன்றினால் முகத்தையும், கேமராவையும் மூடி படம் எடுக்கும் ஒரு அடி சதுரமும் மூன்று கால்களும் கொண்ட கேமரா ஒன்றை வாங்கி அதற்குள் துப்பாக்கியைப் போட்டுக் கொண்டு உள்ளே நுழையலாம். மிக அருகில் இருந்து சுடுவதற்கு வசதியாக படம் எடுக்கப் போகும் சாக்கில் காந்தியின் வழிபாட்டு மேடைக்கு மிக அருகிலேயே கேமராவைப் பொருத்திக் காத்திருந்து, சரியான நேரம் வரும்போது சுட்டுவிடலாம் என்ற நாதுராம் கோட்சேயின் ஆலோசனையை ஆப்தே மறுத்துவிட்டான்.

அதுபோன்ற கேமராக்களை இப்போது யாரும் பொது இடங்களிலும், செய்தி சேகரிக்கப் போகும் இடங்களிலும் பயன்படுத்துவதில்லை. கைக்கு அடக்கமான வெளிநாட்டு கேமராக் களைத் தான் பயன்படுத்துகிறார்கள். அதற்கும் மேலாக & இதற்குமுன் காந்தியைக் கொலை செய்ய முயற்சித்த போதும், படம் பிடிக்கப் போவதாக சொல்லித்தான் உள்ளே நுழைந்தோம். எனவே படப்பிடிப்பாளர்களிடம் போலீசார் மிகுந்த எச்சரிக்கையுடன் இருப்பார் கள் என்ற ஆப்தேயின் கருத்தை மற்றவர்களும் ஏற்றுக்கொண்டனர்.

மாற்றுத் திட்டமாக முஸ்லிம் பெண்கள் அணியும் பர்தாவை அணிந்து செல்லலாம் என்றான் ஆப்தே. முஸ்லிம் பெண்களின் காவலராகிவிட்ட காந்தியைப் பார்க்க, வழிபாட்டுக் கூட்டத்திற்கு ஏராளமான முஸ்லிம் பெண்கள் வந்து கொண்டிருந்தனர். அதற்கு வழிபாட்டு மேடையின் அருகிலும் செல்ல முடியும் என்று முடிவு செய்த அவர்கள் பர்தா வாங்குவதற்காக கடைத்தெருவிற்கு வந்தார்கள். முஸ்லிம்கள் அதிகம் வாழும் பழைய டில்லியில் பர்தா வாங்குவது ஒன்றும் சிரமமாக இல்லை.

ரயில் நிலையம் அருகிலேயே உள்ள கடை ஒன்றில் பெரிய அளவிலான பர்தா ஒன்றை வாங்கிக் கொண்டு அறைக்குத் திரும்பினார்கள்.

பர்தாவைப் போட்டுப் பார்த்த நாதுராம் கோட்சே இதுவும் வராது என்று அதைக் கழற்றித் தூர எறிந்தான். ஏராளமான சுருக்கங்களும் மடிப்புகளும் இருப்பது மட்டுமல்லாமல், கண்களையும் மறைக்கும் இதைப் போட்டுக் கொண்டு குறி பார்த்து சுட முடியாது. அப்படி ஒருநிலை ஏற்பட்டு காந்தியையும் சுட முடியாமல் பிடிபட்டால் பெண் வேடமணிந்து சென்ற கேவலத்திற்கும் ஆளாக நேரிடும் என்றான் கோட்சே. வேறு என்ன செய்யலாம் என்று மூவரும் ஆளுக்கு ஒரு கருத்தைச் சொல்வதும், இன்னொருவர் மறுப்பதுமாக நேரம் ஓடிக்கொண்டிருந்தது.

இறுதியாக ஒரு திட்டம் எல்லோராலும் ஒப்புக் கொள்ளப்பட்டது. டெல்லியின் குளிரைத் தாங்குவதற்காக முழங்கால் வரை நீண்ட, மழைக்கோட்டு போன்ற தொளதொளப்பான மேலாடை அப்போது பெரும்பாலானோரால் அணியப்பட்டு வந்தது. துப்பாக்கியை இடுப்பில் செருகி, மேலே அந்தக் கோட்டை அணிந்தால் இடுப்பி லிருக்கும் துப்பாக்கியை எவராலும் கண்டுபிடிக்க முடியாது என்ற முடிவுக்கு அவர்கள் வந்தார்கள். நீங்கள் இருவரும் போய் அந்த ஆடையை வாங்கி வாருங்கள் என்றான் தனிமையில் இருக்க விரும்பிய கோட்சே.

சைவ உணவை விரும்பிய ஆப்தே வேறு ஒரு உணவு விடுதிக்கும் போய் மதிய உணவை முடித்துக் கொண்டு தொளதொளப்பான அந்த ஆடையை வாங்கிக்கொண்டு திரும்பிய போது, அவர்கள் தங்கி இருந்த ரயில்வே ரிடையரிங் அறையைக் காலி செய்வதற்கான நேரம் தாண்டி இருந்தது. எனவே அறையைக் காலி செய்துவிட்டு, முதல் வகுப்பு பயணிகள் ஓய்வறைக்கு தற்காலிகமாக இடம் மாறினார்கள் மூவரும். அறையைக் காலி செய்யும் முன் துப்பாக்கியை எடுத்து அதற்குள் ஏழு தோட்டாக்களைத் திணித்த நாதுராம் அதை இடுப்பில் செருகிக்கொண்டு அதை மறைப்பதற்காக நண்பர்கள் புதிதாக வாங்கி வந்த ஆடையை அணிந்து கொண்டான்.

மதிய உணவிற்குப்பின் சற்று ஓய்வெடுத்த காந்தி, பத்துக்கும் மேற்பட்ட பார்வையாளர்களைச் சந்தித்திருந்தார். இறுதியாக அவரைச் சந்தித்தவர் வல்லபாய் படேல். நேருவுக்கும் அவருக்கும் ஏற்பட்ட கருத்து முரண்பாடுகளால் உள்துறை அமைச்சர் பதவியிலிருந்து விலக விரும்புவதாக அவர் காந்தியிடம் கொடுத்திருந்த கடிதம் இருவருக்கும் இடை யில் இருந்த சிறிய மேசையில் காற்றில் படபடத்துக் கொண்டிருந்தது.

நேரு, படேல் இருவரையுமே இழக்க விரும்பாத காந்தி, சிக்கலான சுதந்திரப் போராட்டக் காலத்தில் ஒருவருக்கொருவர் இணங்கிப் போனதுபோல் இப்போதும் இருக்க வேண்டும் என்று படேலிடம் வற்புறுத்தினார். ஆழமான அவர்களது விவாதம் நேரம் போவது தெரியாமல் தொடர்ந்து கொண்டிருந்தது. மாலைச் சிற்றுண்டிக்கான நேரம் வந்துவிட்டதால், சில ஆரஞ்சுச்சுளைகள், காற்கறி சூப், ஆட்டுப்பால் ஆகியவற்றைக் கொண்டு வந்தார் காந்தியின் உதவியாளர் ஆபா. அவற்றைச் சாப்பிட்டு முடித்ததும், உழைக்காமல் உண்ணும் உணவு திருடுவதற்குச் சமம் என்ற அவரது கொள்கைப்படி ராட்டையில் நூல் நூற்றவாறு படேலிடம் விவாதத்தைத் தொடர்ந்தார் காந்தி.

மாலை 4 மணிக்குப் புறப்பட வேண்டும் என்பது அவர்கள் திட்டம். அதுவரை ரயில் நிலைய ஓய்வு அறையிலேயே பாதுகாப்பாகத் தங்க விரும்பிய அவர்கள் எப்படிச் செயல்பட வேண்டும் என்பதையும் முடிவு செய்திருந்தார்கள். முதலில் கோட்சே மட்டும் பிர்லா மாளிகைக்குச் செல்ல வேண்டும்.

ஆப்தேயும், கார்கரேயும் அவனைப் பின்தொடர்ந்து தனியே செல்ல வேண்டும். வழிபாட்டுக் கூட்டத்தில் காந்தி அமரும் மேடையில் இருந்து 30 அடி தூரத்திற்குள் சுடுவதற்கு வாய்ப்பான ஒரு இடத்தில் கோட்சே இருப்பான். ஆப்தேயும், கார்கரேயும் அவனது இரண்டு பக்கத்திலும் அறிமுகம் இல்லாதவர்கள் போல் நிற்கவேண்டும். எதுவும் பேசக்கூடாது. கோட்சே சுடும் நேரத்தில் அதை யாராவது பார்த்துவிட்டு தடுக்க முயன்றால் தடுக்க முயல்பவர்களை அவர்கள் இரண்டு பேரும் தடுத்து நிறுத்த வேண்டும், என்பது அவர்களது செயல் திட்டம்.

பிர்லா மாளிகைக்குப் போவதற்குமுன், பிர்லா மந்திருக்குப் போகவேண்டும் என்பது அவர்களின் விருப்பம். துப்பாக்கி வைத்திருக்கும் கோட்சே முதலில் புறப்பட்டான். ஆனால் அவன் பிர்லா மந்திருக்குப் போகவில்லை. அதற்கு அருகே உள்ள சிவாஜியின் சிலையருகே உலாத்திக் கொண்டிருந்தான். பின்னால் புறப்பட்ட ஆப்தேயும், கார்கரேயும் பிர்லா மந்திருக்குச் சென்றார் கள். காலணிகளை வெளியே கழற்றி வைத்துவிட்டு, தங்களது வருகையின் அடையாளமாக கோவில் மணியை சிலமுறை ஆட்டி னார்கள்.

மந்திரில் உள்ள லட்சுமி நாராயணன், காளி ஆகிய கடவுள்களிடம் தங்களது முயற்சி வெற்றி பெற வேண்டும் என்று வேண்டிக் கொண்டார்கள்.

மக்கள் போற்றும் 78 வயதான முதிய தலைவரைக் கொலை செய்வதற்கு அவர்கள் கடவுளின் துணை யை வேண்டினார்கள். யார் எதை வேண்டினாலும் தட்டில் விழும் சில காசுகளுக்காக கடவுளின் அருளுக்கு அடையாளமாக சில பூக்களையும், யமுனை நதியின் (டெல்லியில் ஓடுவதால் சுலபமாகக் கிடைக்கும்) புனித நீரில் சில துளிகளையும் கொடுக்கும் பிர்லா மந்திரின் அர்ச்சகர் அவர்களுக்கும் பிரசாதங்களைக் கொடுத் தார்.

வணங்கிய கடவுள்கள் உதவி செய்வார்கள் என்ற நம்பிக்கையுடன் வெளியே வந்து, எதிரே காத்திருந்த கோட்சேயிடம் நேரமாகி விட்டது என்பதற்கு அடையாளமாக தனது கைக்கெடிகாரத்தைப் பார்த்தான். சின்ன முள்ளிலும் பெரிய முள் 6லும் இருந்தது. ஆப்தேயையும் கார்கரேயையும் பார்த்து, இரண்டு கைகளையும் கூப்பி வணங்கிவிட்டு எதிரே வந்த டோங்கா ஒன்றைப் பிடித்து பிர்லா மாளிகைக்குச் சென்றான் கோட்சே. சில நிமிடங்களுக்குப்பின் இன்னொரு டோங்காவைப் பிடித்து அவனைப்பின் தொடர்ந்தார்கள் ஆப்தேயும் கார்கரேயும்.

நேரம் தவறாமை காந்தியின் உடன்பிறந்த குணம். எந்தச் சூழ்நிலையிலும் சரியாக 5 மணிக்கு வழிபாட்டுக் கூட்டத் தைத் தொடங்கி விடுவார். இப்போது நேரம் ஓடிக்கொண்டிருந்தது.

காந்தியிடம் பேசிக் கொண்டிருந்தவர் இந்திய அரசின் உள்துறை அமைச்சர் வல்லபாய் படேல், அவர்களின் பேச்சில் குறுக்கிடுவது மரியாதைக் குறைவாக இருக்கும். நேரத்தை நினைவுபடுத்தா விட்டால் காந்தியின் கோபத்திற்கு ஆளாகநேரிடும் என்ற அச்சத்தோடு காந்தியின் பார்வைபடும் இடத்தில் நின்று அவரது கடிகாரத்தைச் சுட்டிக்காட்டினார் மனு.

குறிப்பறிந்த காந்தி அவரது இங்கர்சால் கடிகாரத்தை இடுப்பிலிருந்து எடுத்துப் பார்த்தபோது அது 5 மணி 10 நிமிடங்கள் எனக்காட்டியது. கடவுளைக் காக்க வைப்பது குற்றமாகும். வழிபாட்டுக் கூட்டத்திற்கு நேரமாகி விட்டது, நான் புறப்படுகிறேன் என்று படேலுக்கு விடை கொடுத்துவிட்டு புறப்பட்டார் காந்தி.

உண்ணாவிரதம் இருந்தே உடல்ப லத்தை இழந்திருந்த அவர் மனு, ஆபா ஆகிய இருவரின் தோள்களைப் பிடித்துக் கொண்டு நடந்து செல்வது வழக்கமாகிவிட்டது. இன்றும் அவர்களது தோள்களைப் பிடித்தவாறு வேகமாக நடக்கத் தொடங்கினார்.

அதற்கு முன்னதாகவே காந்தியின் எச்சில் துப்புவதற்கான குடுவை, உரையாற் றுவதற்கு எழுதி வைத்த விவரங்கள், குறிப்புகள் எடுப்பதற்கான சிறு புத்தகம் பேனா ஆகியவைகளை ஒரு பையில் வைத்து எடுத்துக் கொண்டார் மனு.

காந்தி வழிபாட்டுக் கூட்டத்திற்கு வரும்போது வழக்கமாக அவருடன் வருபவர்களில் இருவர் இன்று வரவில்லை. ஒருவர் டாக்டர் சுகீலா நய்யார், பாகிஸ்தான் சென்றிருந்தார். மற்றொருவர் டெல்லியின் காவல்துறைத் துணைத்தலைவரும், காந்தியின் பாதுகாப்புக்கான பொறுப்பினை ஏற்றிருந்தவருமான டி.டபிள்யூ.மெஹ்ரா.

கடந்த சில நாட்களாக அவரைத் தாக்கி இருந்த புளூ காய்ச்சல் அவரை எழுந்து நடமாட முடியாத அளவிற்குச் செய்துவிட்டது. எனவே ஏ.என்.பாட்டியா என்ற அதிகாரியிடம் பாதுகாப்புப் பொறுப்பினை ஒப்படைத்திருந்தார். அவரும் மறுநாள் டெல்லியில் நடக்கவிருந்த தொழிலாளர் வேலை நிறுத்தம் தொடர்பான உயர் அதிகாரிகளின் ஆலோசனைக் கூட்டம் ஒன்றிற்குச் சென்றுவிட்டார். இரண்டு பக்கமும் போகன்வில்லா மலர்கள் பூத்துக் குலுங்கும் நேர்த்தியாக அமைக்கப்பட்ட நடைபாதையில் வழிபாட்டு மேடைக்குச் செல்வது காந்தியின் வழக்கம்.

இன்று நேரமாகி விட்டது. எனவே வழக்கமான பாதையைத் தவிர்த்து இடையே இருந்த புல்வெளி வழியாக நடக்க ஆரம்பித்தார் அவர்.

கொலையாளிகள் மூவரும் மக்களோடு மக்களாக வழிபாட்டுக் கூட்டத்தில் கலந்திருந் தனர். உள்ளே நுழையும்போது நாதுராம் கோட்சேயிடம் உடல்ரீதியான சோதனை எதுவும் செய்யப்படவில்லை. அதுவே வெற்றிக்கான நல்ல சகுனமாக இருந்தது அவர்களுக்கு. வழிபாட்டு மேடைக்கு அருகே செல்லாமல் கூட்டத்தின் வெளிவட்டத்தில் மேடையின் வலதுபுறமாக நின்றிருந்தான் கோட்சே. மக்களின் பார்வை காந்தியை நோக்கி இருக்கும்போது பின்னால் நின்றால்தான் எந்த இடையூறும் இல்லாமல் குறிபார்த்துச் சுட முடியும் என்பது அவனது கணக்கு. அவனுக்கு இருபக்கமும் ஆப்தேயும், கார்கரேயும் நின்று கொண்டிருந்தார்கள். மேடைக்கும் அவர்களுக்குமான தூரம் 30 அடிக்கும் குறைவாகவே இருக்கும் என்பதைக் கணக்கிட்ட ஆப்தே, சரியான இடத்தைத்தான் கோட்சே தேர்ந்தெடுத்திருக்கிறான் என்று தனக்குள் சொல்லிக் கொண்டான். கூட்டத்தில் அமர்ந்த பிறகு காந்தியைச் சுடவேண்டும் என்று தீர்மானித்திருந்த கோட்சே, கடிகாரத்தைப் பார்த்தான். அதன் முட்கள் 5 மணியைத் தாண்டி இருந்தன.

இதுவரை லப்&டப் என்று துடித்துக்கொண் டிருந்த அவனது இதயம் இப்போது, என்ன ஆயிற்று காந்திக்கு? ஏன் தாமதப்படுத்துகிறார் என்று துடிக்க ஆரம்பித்தது.

நேரம் தவறும் போதெல்லாம் மனு மீதும், ஆபா மீதும் கோபப்படும் காந்தி, ‘நீங்கள் தான் எனது கடிகாரங்கள். நான் தனியே இன்னொரு கடிகாரத்தைப் பார்க்க வேண்டுமா?’ என்று கோபமான குரலில் கூறியவாறு மக்களைப் பார்த்துக் கையசைத்தவாறு வந்து கொண்டிருந்தார். வழக்கமான பாதையில் வராமல் வேறு திசையில் இருந்துவரும் காந்திக்கு வழிவிடும் விதத்தில் ‘பாபுஜீ... பாபுஜீ...’ என்ற ஆரவார வரவேற்புக் குரல்களோடு மக்களே அவருக்கு பாதை அமைத்துக் கொடுத்துக் கொண்டிருந்தார்கள்.

மின்னல் வேகத்தில் நிலைமைகளைப் புரிந்துகொண்டான் கோட்சே, அந்தப் பாதை வழியாகத்தான் காந்தி வருவார், கூட்டத்தின் பின்னால் இருக்கும் தன்னைத் தாண்டித்தான் அவர் முன்னே போக வேண்டும். வழிபாட்டு மேடையில் அமர்ந்த பிறகு 30 அடி தூரத்தில் இருந்து சுடுவதைவிட எதிரே வரும்போது மூன்றடி தூரத்திலிருந்து சுடுவது சுலபம் என்று அவனது மூளை கணக்குப் போட்டது. கடவுளே பார்த்துக் கொடுத்த நல்ல வாய்ப்பு இது. இரண்டு அடிகள் முன்னே வந்தால் போதும். காந்தியை நேருக்கு நேர் சந்திக்கலாம் என்று தீர்மானித்தான்.

அவனது இரண்டு கைகளும் சட்டைப்பைக்குள் இருந்தன. இடது கையை வெளியே எடுத்தான். அதில் ஒன்றுமில்லை. வலதுகை, சட்டைப்பைக் குள் தானியங்கி துப்பாக்கியை லாவக மாகப் பிடித்திருந்தது.

காந்தி மூன்றடி தூரத்தில் வந்துவிட்டார். ‘நமஸ்தே காந்திஜி’ என்று கூறிய கோட்சே, இடுப்புவரை குனிந்து வணங்கினான். அவன் காந்தியின் கால்களில் விழுந்து வணங்க முயற்சிக்கிறான் என்று கருதிய மனு, ‘பாபுவின் வழிபாட்டுக்கு நேரமாகி விட்டது’ என்று கூறி அவனைத் தடுப்பதற்காகக் கையை நீட்டினார்.

கோட்சேயின் இடது கை முரட்டுத் தனமாக அவரைத் தள்ளியது. அவன் தள்ளிட்டதால் தடுமாறிய மனுவின் கையிலிருந்த காந்தியின் எச்சிற் துப்பும் குடுவை அடங்கிய பை கீழே விழுந்து சிதறியது. அதை எடுக்க கீழே குனிந்தார் மனு.

வலது கையிலிருந்த துப்பாக்கியின் விசையை மூன்று முறை அழுத்தினான் கோட்சே.

பாயின்ட் ப்ளாங் ரேஞ்சில் சுடப்பட்ட அந்த மூன்று குண்டுகளில் ஒன்று காந்தியின் வயிறு வழியாக வெளியேறியது. இன்னொரு குண்டு முதுகைத் துளைத்து வெளியே வந்தது. மற்றொரு குண்டு வெளியில் வர மனமில்லாமல் அவரது நுரையீரலில் பதிந்தது.

வேடனின் அம்புபட்டதுபோல் துடித்து வீழ்ந்த அந்த சமாதானப் புறாவின் வாய்¢‘ஹேராம்! ஓ கடவுளே!’ என்று முணுமுணுத்தது.

அவரது இடுப்பிலிருந்து நழுவிக் கீழே விழுந்த, அவருக்கு விருப்பமான இங்கர்சால் கடிகாரம் அப்போது காட்டிய நேரம் 5 மணி 17 நிமிடங்கள்.

- ‘1948 சனவரி 30’ நூலிலிருந்து...

இஸ்லாமிய ஸ்கூல் எப்படி இருக்கவேண்டும்?. இதோ உங்களுக்கு ஒரு வீடியோ!!.

மாஷா அல்லாஹ்!. ஒரு இஸ்லாமிய கல்வி நிறுவனம் எப்படி இருக்க வேண்டும் என்பதற்கான விளக்கமும், அது இந்தியாவிலேயே எப்படி நடைபெறுகின்றது என்ற ஆதாரத்துடன் உங்களுக்காக வழங்குகின்றோம். இதை தமிழக முஸ்லிம்கள் குறிப்பாக அதிரை,முத்துப்பேட்டை, காயல்பட்டினம், கீழக்கரை, கூத்தாநல்லூர், மேலப்பாளையம், பரங்கிப்பேட்டை, லால்பேட்டை போன்ற முஸ்லிம்கள் அதிகமாக வசிக்கும் ஊரிலாவது நடைமுறை படுத்த முன்வரவேண்டும்.

நன்றி :www.muthupet.org

ஆயுத இறக்குமதியில் இந்தியாவுக்கு முதலிடம்

புதுடெல்லி,மார்ச்.14:உலகில் அதிக அளவு ஆயுதங்களை இறக்குமதிச் செய்யும் நாடாக இந்தியா மாறியுள்ளது. சீனாவை முந்திய இந்தியா ஆயுத இறக்குமதியில் முதலிடத்தை பிடித்துள்ளது.

ஸ்டாக்ஹோம் இண்டர்நேசனல் பீஸ் ரிசர்ச் இன்ஸ்ட்யூட்டின் ஆய்வில் இந்தியாவை ஆயுத இறக்குமதியில் முதலிடத்திலிருப்பதாக கண்டறியப்பட்டுள்ளது.

2006-ஆம் ஆண்டு முதல் 2010-ஆம் ஆண்டுவரை ஒன்பது சதவீதம் அனைத்து சர்வதேச ஆயுதங்களையும் இந்தியா இறக்குமதிச் செய்துள்ளதாக ஆய்வறிக்கை கூறுகிறது. அதேவேளையில், சீனா ஆறு சதவீதம் மட்டுமே சர்வதேச அளவில் ஆயுதங்களை இறக்குமதிச் செய்து இரண்டாவது இடத்தை பிடித்துள்ளது. சீனா
உள்நாட்டில் ஆயுதங்களை தயாரிப்பதாக ரிசர்ச் இன்ஸ்ட்யூட்டின் ஃபெலோ ஸீமன் வெஸ்மான் கூறுகிறார்.

அமெரிக்கா ஆயுத ஏற்றுமதியில் முதலிடத்தில் உள்ளது.

32.5 பில்லியன் டாலர் தொகையை இந்தியா பாதுகாப்பிற்காக பட்ஜெட்டில் ஒதுக்கியுள்ளது. இது கடந்த இரண்டு ஆண்டுகளுக்கு முன்பு ஒதுக்கியதை விட 40 சதவீதம் அதிகமாகும். பட்ஜெட்டில் ஒதுக்கப்பட்ட தொகையில் 70 சதவீதத்தையும் இந்தியா ஆயுத இறக்குமதிக்காக பயன்படுத்துகிறது. இவற்றில் 82 சதவீத ஆயுதங்கள் ரஷ்யாவிலிருந்து இறக்குமதிச் செய்யப்படுகின்றன.

ஆயுத இறக்குமதி ஒப்பந்தங்களை மேற்கொள்ள சமீபத்தில் பல்வேறு உலக நாடுகளின் தலைவர்கள் இந்தியாவுக்கு வருகைப் புரிந்ததாகவும் அவ்வறிக்கை கூறுகிறது.

கடந்த ஆண்டு ஜூலையில் இந்தியாவுக்கு வந்த பிரிட்டீஷ் பிரதமர் டேவிட் காமரூன் 57 ஹவுக் நவீன ட்ரைனர் ஜெட் இறக்குமதிச் செய்வதற்கான 1.1 பில்லியன் டாலர் ஒப்பந்தத்தை உறுதிச்செய்தார்.

அமெரிக்க அதிபர் பாரக் ஒபாமா கடந்த ஆண்டு நவம்பரில் இந்தியாவுக்கு வருகை தந்த பொழுது 10 சி-17 ட்ரான்ஸ்போர்ட் ஏர்க்ராஃப்ட் இறக்குமதிச் செய்வதற்கான 4.1 பில்லியன் டாலர் ஒப்பந்தத்தை அறிவித்தார். பிரான்சு அதிபர் நிகோலஸ் சர்கோஸி கடந்த டிசம்பரில் இந்தியாவுக்கு வருகைத் தந்தபொழுது பிரான்சிலிருந்து மிராஜ் 2000 ஃபைட்டர் ஏர்க்ராஃப்ட் வாங்குவதற்கான 2.1 பில்லியன் டாலர் ஒப்பந்தத்தை உறுதிச்செய்தார்.

இதனைத் தொடர்ந்து சில வாரங்களுக்கு பிறகு இந்தியாவுக்கு வருகைத் தந்த ரஷ்ய அதிபர் திமித்ரி மெத்வதேவ் தனது சுற்றுப்பயண வேளையில் ஐந்தாவது தலைமுறை ஃபைட்டர் ஏர்க்ராஃப்டுகள் உருவாக்குவதற்கான ஒருங்கிணந்த திட்டத்தை துவக்கிவைத்தார்.

செய்தி:தேஜஸ் மலையாள நாளிதழ் , பாலைவனத் தூது

மசூத் குடும்பத்தினருக்கு இழப்பீடு: NCHRO-இன் போராட்டத்திற்கு கிடைத்த வெற்றி

நாகர்கோவில்,மார்ச்.8:கடந்த 2005-ஆம் ஆண்டு நெல்லை மாவட்டம் கடையநல்லூரைச் சார்ந்த மசூத் என்ற முஸ்லிம் வாலிபரை விசாரணைக்காக கீரிப்பாறை காவல்நிலையத்திற்கு கொண்டுவந்தனர் போலீஸார்.

விசாரணையின்போது அவரை தலைகீழாக தொங்கவிட்டு பழுக்க காய்ச்சிய கூர்மையான இரும்புக் கம்பியை அவரது ஆசனவாய்க்குள் செலுத்தி கடுமையாக அடித்து சித்திரவதை செய்து அவரை கொலைச் செய்தனர் DSPக்கள் பிரதாப்சிங், சந்திரபால், ஈஸ்வரன் மற்றும் குமரிமாவட்ட காவல்துறை அதிகாரிகள்.

காவல்நிலைய சித்திரவதையில் மசூத் கொல்லப்பட்ட வழக்கை கடந்த நான்கு வருடங்களாக மதுரை உயர்நீதிமன்றத்திலும் தென்காசி நீதிமன்றத்திலும் நடத்தி வருகிறது NCHRO என்ற மனித உரிமை இயக்கங்களுக்கான கூட்டமைப்பு.

மேலும் பாதிக்கப்பட்ட மசூதின் குடும்பத்திற்கு இழப்பீடுக்கோரி NCHROவின் மாநில செயலாளர் வழக்கறிஞர் ஜின்னா அவர்கள் தலைமையிலான குழு பலமுறை சென்னையில் உள்ள காவல்துறை தலைமை இயக்குநரையும், உள்துறை செயலாளரையும் சந்தித்து கோரிக்கை விடுத்துள்ளனர்.

மாநில தலைவர் வழக்கறிஞர் பவானி பா.மோகன், பொதுச்செயலாளர் வழக்கறிஞர் முஹம்மது யூசுஃப் ஆகியோர் தலைமையில் பல்வேறு போராட்டங்களையும் நடத்தி வருகிறது NCHRO.

NCHRO வின் தொடர் போராட்டத்தின் விளைவாக தமிழக அரசு முதல்வர் நிவாரண நிதியிலிருந்து பாதிக்கப்பட்ட மசூதின் மனைவி அசனம்மாள் மற்றும் குழந்தைகளுக்கு ஒரு லட்சம் ரூபாய் இழப்பீட்டுத்தொகை வழங்குமாறு கடந்த பிப்ரவரி மாதம் 11-ஆம் தேதி குமரிமாவட்ட ஆட்சித்தலைவருக்கு உத்தரவிட்டது.

அதன்படி அந்த இழப்பீட்டு தொகையை NCHRO வின் மாநில செயற்குழு உறுப்பினர் செய்யது அலி, நெல்லை மேற்குமாவட்ட ஒருங்கிணைப்பாளர் S.P.சர்தார் அரஃபாத் ஆகியோர் முன்னிலையில் இன்று மாவட்ட ஆட்சித்தலைவர் அந்த தொகையை அசனம்மாளிடம் வழங்கினார்.

இதனைத் தொடர்ந்து நிருபர்களுக்கு பேட்டியளித்த NCHROவின் மாநில செயற்குழு உறுப்பினர் செய்யது அலி அவர்கள், "நீதிக்கான போராட்டம் இத்துடன் முடிந்துவிடவில்லை. காவல்நிலைய சித்திரவதையின் மூலம் மசூத் அவர்களை கொலைச் செய்த DSPக்கள் பிரதாப் சிங், சந்திரபால், ஈஸ்வரன் உள்ளிட்ட காவல்துறை அதிகாரிகளுக்கு எதிரான கிரிமினல் வழக்கை நாங்கள் நடத்தி வருகின்றோம். அவர்களுக்கு தண்டனை வாங்கி தரும் வரை போராட்டம் ஓயாது." என்று கூறினார்.

நன்றி : பாலைவனத் தூது

இந்தியா எதிர் நோக்கி இருக்கும் அச்சுறுத்தல்கள் : ஜி.கே.பிள்ளை!!

புதுடெல்லி, பிப்.15: வளர்ந்துவரும் ஹிந்துத்துவா தீவிரவாதம் இந்தியாவுக்கு மிகப்பெரிய அச்சுறுத்தல் என மத்திய உள்துறைச் செயலாளர் ஜி.கே. பிள்ளை தெரிவித்துள்ளார். நிரபராதிகளான இளைஞர்களை பொய்வழக்கில் சிக்கவைக்கும் போலீஸ் அதிகாரிகள் மீது கடுமையான நடவடிக்கைகள் மேற்கொள்ளப்படும் என அவர் எச்சரிக்கை விடுத்துள்ளார். பி.டி.ஐ செய்தி நிறுவனத்திற்கு அளித்த நேர்முகத்தில் அவர் இதனை தெரிவித்தார். மலேகான், அஜ்மீர், மக்கா மஸ்ஜித், சம்ஜோதா எக்ஸ்பிரஸ் ஆகிய குண்டுவெடிப்புகளில் சங்க்பரிவாரின் பங்கு வெட்ட வெளிச்சமான சூழலில்தான் ஜி.கே.பிள்ளையின் பேட்டி வெளியாகியுள்ளது குறிப்பிடத்தக்கது.

ஹிந்துத்துவா தீவிரவாதம் வலுவடைந்து வருவது பீதியூட்டுகிறது. தற்போது இது மிகப்பெரிய அச்சுறுத்தலாக மாறவில்லை என புலனாய்வு விவரங்கள் சுட்டிக்காட்டுகின்றன. ஆனால், இத்தகைய அமைப்புகளில் மாறி மாறி ரகசிய திட்டங்கள் தீட்டுவதுக்கூட பீதிவயப்படுத்துகிறது என ஜி.கே.பிள்ளை கூறுகிறார். சம்ஜோதா எக்ஸ்பிரஸ் குண்டுவெடிப்பு உள்பட பல வழக்குகளில் பலர் தலைமறைவாக உள்ளனர். இவர்களில் குறைந்தது 20 பேரை கண்டுபிடிக்க என்.ஐ.ஏவும் சி.பி.ஐயும் முயற்சி மேற்கொண்டுள்ளன. தீவிரவாதச் செயல்களில் ஈடுபடும் அனைவரும் தேசத்தின் எதிரிகளாவர். அனைவரையும் ஒரே ரீதியாகத்தான் எதிர்கொள்வோம்.

மலேகான் உள்பட பல்வேறு குண்டுவெடிப்புகளுக்கு பின்னணியில் செயல்பட்டது சங்க்பரிவார் என்பது அஸிமானந்தாவின் வாக்குமூலத்தின் மூலம் உறுதியான சூழலில் இவ்வழக்குகளில் நிரபராதிகளான இளைஞர்களை கைதுச் செய்த போலீஸ் அதிகாரிகள் மீது நடவடிக்கை மேற்கொள்ளப்படும். சிறுபான்மை மக்கள் மீது நடத்தப்படும் மனித உரிமை மீறல்களை பொறுத்துக் கொள்ளவியலாது என்றும் கூறினார்.

சம்ஜோதா எக்ஸ்பிரஸ் குண்டுவெடிப்பில் ஹிந்துத்துவா சக்திகளுக்கு பங்குள்ளது என்ற விபரம் இந்தியாவை சிக்கலில் ஆழ்த்தவில்லை. அதுத் தொடர்பான விபரங்கள் பாகிஸ்தானிடம் ஒப்படைக்கப்படும் என தெரிவித்த ஜி.கே. பிள்ளையிடம்,பொய் வழக்குகளில் கைதுச் செய்யப்பட்ட முஸ்லிம் இளைஞர்கள் விடுதலைச் செய்யப்படுவார்களா? என எழுப்பப்பட்ட கேள்விக்கு பதிலளித்த அவர், "இதற்கான நடவடிக்கைகள் துவங்கியுள்ளன" என பதிலளித்தார்.'போலீஸிலும், ராணுவத்திலும் ஹிந்துத்துவா அமைப்புகளுக்கு அனுதாபிகள் உண்டா' என்ற கேள்விக்கு பதிலளிக்கையில், 'சிலர் இருக்கின்றார்கள்' என ஜி.கே. பதிலளித்தார்.

செய்தி:நன்றி தேஜஸ் மலையாள நாளிதழ்.

கஷ்மீர் குறித்த ஆவணப் படத்திற்கு இந்திய சென்சாரில் போராட்டம்

பிப்.6:அஷ்வின் குமார் இயக்கிய கால்பந்து விளையாட்டு பற்றிய இந்திய ஆவணப் படத்திற்கு சென்சார் போர்டு சான்றிதழ் வழங்குவதில் போராட்டம் நடந்து வருகிறது.

கஷ்மீரில் பிறந்த பாஷ்ராத் என்கிற திறமையான கால்பந்து வீரர், பிரேசிலில் கால்பந்து பயிற்சி எடுக்க முயற்சி செய்யும் போது தான் கஷ்மீரி என்பதால் அவர் பல்வேறு பிரச்சனைகளை சந்திக்கிறார் என்பதை சொல்லும் படம்.

இந்த இயக்குனர் இதற்கு முன் இயக்கிய 'லிட்டில் டெரரிஸ்ட்' என்கிற குறும்படம் 2004 ஆம் ஆண்டு ஆஸ்கர் விருதிற்கு பரிசீலனை செய்யப்பட்டது. இவர் ரோடு டு லடாக்(2003), தெ பாரெஸ்ட்(2008), டேஸ்டு இன் டூன் (2010) போன்ற படங்களை இயக்கியவர். ஆஸ்கருக்கு பரிசீலனை செய்யப்பட்ட இவரது 'லிட்டில் டெரரிஸ்ட்' உலகெங்கும் நூற்றி மூன்று திரைப்பட விழாக்களில் திரையிடப்பட்டது.

இப்போது இவர் இயக்கி இருக்கும் 'இன்ஷா அல்லாஹ் புட்பால்' (Inshaallah football) என்று பெயரிடப்படுள்ள இந்த படம் கடந்த அக்டோபர் மாதம் தென் கொரியாவில் நடைபெற்ற புசான் சர்வதேசிய திரைப்பட விழா' (Pusan International Film Festival) மற்றும் டிசம்பர் மாதம் நடைபெற்ற 'துபாய் சர்வதேச திரைப்பட விழா' (Dubai International Film Festival) ஆகியவற்றில் கலந்து கொண்டு பாராட்டுகளையும் விருதுகளையும் வென்றது.

ஆனால் இந்தியாவில் வெளியிட இந்திய சென்சார் போர்டை அனுகியபோது முதலில் இந்த படத்தை தடை செய்ததாகவும் அதன் பின் 'ஏ' சான்றிதழ் வழங்கியதாக சொல்லப்படுகிறது. அதாவது இந்த படத்தின் இயக்குனர் அஷ்வின் குமார் டிசம்பர் 23, 2010 அன்று தனது 'ட்விட்டர்' பக்கத்தில் இந்த படத்தை இந்திய சென்சார் போர்டு தடை செய்துள்ளதாக அறிவித்துள்ளது, இருந்தும் அதற்கான அதிகாரபூர்வ அறிவிப்பிற்கு காத்திருப்பதாக குறிப்பிட்டு இருந்தார். இதனை மறுத்து ஷர்மிளா தாகூர் மறுநாள் 'தி ஹிந்து' நாளிதழில் பேட்டி அளித்து இருந்தார். இரு முறை நிராகரிக்கப்பட்டு பிறகு இந்த படத்திற்கு இறுதியில் 'ஏ' சான்றிதழ் வழங்கியதாக சொல்லப்படுகிறது.

கால்பந்து ரசிகர்களுக்கு என்று எடுக்கப்பட்ட திரைப்படமான 'இன்ஷா அல்லாஹ் புட்பால்' படத்தில் சித்தரவதை செய்வதை விவரிப்பது போன்ற காட்சிகள் இடம் பெற்றுள்ளதால் சென்சார் சான்றிதழ் கொடுக்க மறுக்கப்படுகிறது என்று 'அவுட்லுக்' செய்தி வெளியிட்டு இருக்கிறது.

'ஏ' சான்றிதழ் கொடுக்கப்பத்தை மறுத்து இந்திய சென்சார் போர்டிற்கு பெரிய நெடிய கடிதம் ஒன்றை இயக்குனர் அஷ்வின் எழுதி 'ஃபேஸ்புக்' மூலம் வெளியிட்டு இருந்தார். அதில் 'ஏ' சான்றிதழ் வழங்கியதால் பெரும்பாலான திரையரங்குகள், தொலைக்காட்சி சானல்கள், டி.டி.ஹெட்ச் போன்றவற்றால் நிராகரிக்கப்படுவதை குறிப்பிட்டு மறுபரிசீலனை செய்து 'U/A' சான்றிதழ் வழங்க முயற்சித்து இருந்தார்.

டெஹல்கா இதழ் பேட்டியின் போது இதை ஷர்மிளா தாகூரிடம் கேட்ட போது அந்த காட்சி நீக்கப்பட்டால் அந்த படத்திற்கு 'U/A' சான்றிதழ் வழங்கலாம் என்று பதில் அளித்து இருக்கிறார். இதற்கு அஷ்வின் குமார் "இது கற்பனை கதை அல்ல, கஷ்மீரிகளின் வாழ்கையில் தினமும் நடக்கும் உண்மை கதையை உலகம் அறிவதற்காகவே எடுக்கப்பட்டது" என்று குறிப்பிட்டு இருக்கிறார்.

source:ஊடகம்,பாலைவனத் தூது

சர்ச்சைக்குரிய சச்சார் அறிக்கை! – வழக்கறிஞர் ஜோ.தமிழ்செல்வன்

• 
  
• 
  

• 
  
• 
  
• Email

இப்பதிவு ஒரு Long Read ஆகும். பொறுமையாக நேரம் ஒதுக்கிப் படிக்கவும், இல்லையாயின் புக்மார்க் செய்துவிட்டு நேரம் கிடைக்கும் போதுப் படிக்கவும்.

1947 இல் இந்தியா சுதந்திரம் அடைந்தபோது திருக்கூரானைக் கற்றிராத, ஒரு முஸ்லிமாக வாழாத ஜின்னா, இஸ்லாமியர்கள் பெருவாரியாக வாழ்ந்த இந்தியாவின் ஒருபகுதியை (பாகிஸ்தான்) தனிநாடாக பிரித்துச்சென்றார். இதனால் இந்தியாவில் வாழ்ந்த முஸ்லிம் மக்கள் இரண்டாம்தர குடிமக்களாக கருதப்பட்டனர். பிரிட்டிஷ் ஆட்சி காலத்தில் ஆங்கிலேயர்களால் பள்ளிக்கூடங்கள் துவங்கப்பட்டன. அவர்களுடைய பள்ளிகளில் படித்தால் தங்கள் பிள்ளைகள் கிறிஸ்தவர்களாக மதமாற்றம் செய்யப்படுவார்களெனப் பயந்த முஸ்லிம்கள் தங்கள் பிள்ளைகளை பள்ளிகளில் கல்வி கற்க அனுப்பவில்லை. இதற்குபதிலாக தங்கள் பிள்ளைகளுக்கு மதராஸாக்களை நிறுவினர். இங்கு அரபியும் திருக்கூர்ஆனும் கற்றுக்கொடுக்கப்பட்டது. இதனால் இந்தியா சுதந்திரம் அடைந்தபோது முஸ்லிம்கள் அரசு வேலைகளில் அமர முடியவில்லை. ஏனெனில் அவர்கள் அவர்களுடைய வேதத்தைப்பற்றிய கல்வியை மட்டுமே அறிந்திருந்தனர். தற்பொழுது 4% மாணவ மாணவியரே மதராஸாவில் கல்விபயில செல்கின்றனர்.

இந்நிலையில் சங்கபரிவார் அமைப்பானது பெரும்பான்மையினரான ஹிந்துக்களின் மதஅடையாளங்களை முன்னிறுத்தி சிறுபான்மை சமூகங்களை கேள்விக்குறியாக்கி அரசியல் இலாபம் காண மதவாத அரசியலை களம் இறக்கியது. இதனடிப்படையில் பாரதிய ஜனதா கட்சியை வளர்ப்பதற்காக சங்கபரிவார் சிறுபான்மையினரின்மீது வெறியூட்டக்கூடிய இரண்டு குற்றச்சாட்டுகளை முன்வைத்தது. அவை: (1) காங்கிரஸ் முஸ்லிம்களுக்கு ஏராளமான சலுகைகள் அளித்து அவர்களை வாக்கு வங்கியாக பயன்படுத்துகிறது. (2) முஸ்லிம்கள் குடும்ப கட்டுப்பாடு செய்வதில்லை. இதனால் முஸ்லிம் மக்கள்தொகை நாளுக்குநாள் வளர்ந்து கொண்டேபோய் இந்துக்களை மிகைத்துவிடும். இது பிரிவினைக்கு வழிகோலும். இதனால் பெரும்பான்மை மக்கள் பாதிக்கப்படுவார்கள். இது உண்மையாக இருக்குமோ என்று பலர் ஐயப்பட்டனர்.

சில மாநிலங்கள் முஸ்லிம்களுக்கு தனி இடஒதுக்கீடு வழங்குவதற்கு முன்வந்தன. இதற்கு எதிராக பல தனியார் வழக்குகள் நீதிமன்றத்தில் தாக்கல் செய்யப்பட்ட நிலையில் அரசிடம் சரியான புள்ளிவிவரங்கள் இல்லாததால் மதரீதியான இடஒதுக்கீடு கூடாதென நீதிமன்றம் தீர்ப்பளித்தது. இந்த குளறுபடிகளை முடிவுக்கு கொண்டு வரவும் உண்மையை வெளிக்கொணரவும் மார்ச் 2005 பிரதமர் அலுவலகம் இந்திய அரசியல் சட்ட உயர்மட்ட குழுவுக்கு ஒரு அறிவிப்பாணையை அனுப்பியது. அதில் முஸ்லிம்களின் கல்வி, சமூக, பொருளாதார நிலைமையை கண்டறிந்து அதற்குரிய பரிந்துரைகளோடு ஒரு அறிக்கையை தாக்கல் செய்ய கேட்டுக்கொண்டது. இதனடிப்படையில் ஓய்வுபெற்ற நீதிபதி ராஜேந்திர சச்சார் தலைமையில் ஏழுபேர்களைக் கொண்ட ஒரு உயர்மட்டக்குழு ஏற்பாடானது. இக்குழு நாடு முழுவதும் பயணம்செய்து அனைத்து அரசு துறைகள், அரசு சார்பு நிறுவனங்கள், தனியார் அமைப்புகளோடு தொடர்புகொண்டு தகவல்களை திரட்டியது. தரைப்படை, கப்பல்படை, விமானபடை ஆகியவை தகவல்கள் தர மறுத்துவிட்டன.

இருப்பினும் சச்சார் கமிட்டியானது 12 அத்தியாயங்கள் கொண்ட 417 பக்கமுள்ள விரிவானதொரு அறிக்கையை 2006 நவம்பர் 18ஆம் தேதி பிரதமரிடம் சமர்பித்தது. இவ்வறிக்கையை நவம்பர் 30ஆம் தேதி சிறுபான்மையினர் நலத்துறை அமைச்சர் ஏ.ஆர்.அந்துலே நாடளுமன்றத்தில் சமர்பித்தார். அத்தோடு இவ்வறிக்கையின் அடிப்படையிலான செயல்பாடுகள் பிப்ருவரி 2007 முதல் தொடங்கும் என்றார்.

இவ்வறிக்கையில் முக்கியமாக கண்டெடுக்கப்பட்ட தகவல் என்னவென்றால் இனப்பெருக்கத்தை கட்டுபடுத்தும் நவீன கருத்தடை முறைகளை பின்பற்றும் வழக்கம் முஸ்லிம்களிடம் அதிகரித்து வருகிறதென்றும் தற்பொழுது இரண்டுகோடி முஸ்லிம்கள் கருத்தடைமுறையை பயன்படுத்தியுள்ளனர் என்றும் இதனால் முஸ்லிம்களின் மக்கள்தொகை குறைந்து வருகிறதாக ஆய்வில் தெரிவித்துள்ளது. தற்போதைய முஸ்லிம் மக்கள்தொகை 13 கோடியே 80 இலட்சம். 21ஆம் நூற்றாண்டின் இறுதியில் இந்திய மக்கள்தொகை 170 கோடியாக இருக்கும்போது முஸ்லிம்கள் வெறும் 34 கோடியாக இருப்பர். இதன்மூலம் சங்கபரிவாரின் குற்றச்சாட்டிற்கு மூடுவிழா காணப்பட்டது.

முஸ்லிம்களும் கிறிஸ்தவர்களும் எண்ணிக்கையின் அடிப்படையில் சிறுபான்மையினர் என அழைக்கப்படுவது தவறானதாகும். இந்திய தேசத்தைச் சார்ந்த ஒருவர் இங்கிலாந்து தேசத்தில் சென்றால் அவர் அங்கு சிறுபான்மையினர் என அழைக்கப்படுகிறார். இது சரியானதே. ஆனால் இந்திய தேசத்தில் பிறந்த முஸ்லிம்களும் கிறிஸ்தவர்களும் எப்படி சிறுபான்மையினரென கருதமுடியும். தனது சொந்த நாட்டில் பிறந்த ஒருவரை சிறுபான்மையினர் பட்டியலில் சேர்ப்பதும் சிறுபான்மையினர் என அழைப்பதும் தவறான காரியமாகும். சிறுபான்மையினர் பெரும்பான்மையினர் எந்த வார்த்தை சமத்துவ உரிமையைத் தகர்த்து விடுகிறது. இதனால் சமத்துவ விதிமுறைகள் காலங்காலமாக ஏற்றத்தாழ்வுடன் பார்க்கப்படுவதாலும் செயல்படுத்தப்படுவதாலும் அதன் ஒழுங்கமைவு தோற்றுப் போய்விட்டது. சமத்துவ உரிமையை எங்கும் காணமுடியல்லை. முஸ்லிம்களும் கிறிஸ்தவர்களும் இன்றைக்கு வருந்துவதற்கு காரணம் அவர்கள் ஒன்றிணைந்து போராடுவதற்கு முன்வருவதில்லை. சிறுபான்மையினர் என்கிற போர்வையில் இடஒதுக்கீடு வழங்குவதைவிட மதத்தின் பெயரில் வழங்குவதே சாலசிறந்தது. ஏனெனில் இந்திய முஸ்லிம்கள் வெளிநாடுகளிலிருந்து வந்தவர்களல்ல; ஹிந்து தலித்துகளாக வாழ்ந்த மக்கள் சாதிக்கொடுமைகளில் வெறுப்படைந்து முஸ்லிம்களாக மதம் மாறினார்கள்.

நாம் எல்லோரும் கடவுளின் பிள்ளைகள் என கிறிஸ்தவம் போதிக்கிறது. ஆனால் கிறிஸ்தவ கோயில்களில் இன்றும் தலித்துகளுக்கென தனிக்கோவில்களும் தனிக்கல்லறைகளும் தனிஇருக்கைகளும் ஒதுக்கப்பட்டுள்ளன. தலித் கிறிஸ்தவர்களை ஆதிதிராவிடர், பழங்குடியினர் பட்டியலில் சேர்ப்பதற்கு கன்னியாகுமரி மாவட்டத்திலும் சென்னையிலும் தொடர்ந்து போராட்டம் நடத்திக்கொண்டிருக்கிறார்கள். இது சமத்துவத்தை கொண்டுவர வழிவகுக்காது. சிறுபான்மையினருக்கு வழங்கப்படுகின்ற சலுகைகள் யாரைச் சென்றடைகின்றன? சிறுபான்மையினரின் கல்விநிறுவனங்களில் பணியாற்றுவதற்கும் சேருவதற்கும் அவர்களுடைய நிறுவனங்களே தலித்துகளுக்கு இடஒதுக்கீடு வழங்குவதில்லை. ஏனெனில் அவற்றை நடத்துகின்ற சிறுபான்மையினர் பணம் சேர்ப்பதிலும் கொள்ளை இலாபம் அடிப்பதிலுமே குறியாக உள்ளனர். இதனைவிட மிகக்கேவலமாக கல்விநிறுவனங்களை நடத்துகின்ற மதவாதிகள் நடந்து கொள்கிறார்கள். இவர்கள் போலி முகமூடியை அணிந்து கொண்டு வெட்கம் இல்லாமல் தலித்துக்காக போராடுவதாகவும் குரல் கொடுப்பதாகவும் வீதிகளிலும் பொது இடங்களிலும் முழக்கமிடுகிறார்கள்.

மும்பை, பெங்களூரு போன்ற நகரங்களில் முஸ்லிம்கள் நிலம் வாங்குவதற்கும் வீடு வாங்குவதற்கும் அனுமதிக்கப்படுவதில்லை. தலித்துகள், பழங்குடியினர், பிற்படுத்தப்பட்டோர் ஆகியோரைவிடவும் முஸ்லிம்கள் பின் தங்கியுள்ளனர். நீதித்துறையில் மிகபிற்படுத்தப்பட்டோர் 23% தாழ்த்தப்பட்டோர் 20% முஸ்லிம்கள் வெறும் 7.8%. 14 இலட்சம் பப்ளிக் சர்வீஸ் பணிகளில் முஸ்லிம்கள் வெறும் 7.2%. அதுவும் மிகவும் கீழ்மட்ட பணிகளில் வேலைசெய்கின்றனர். நாட்டின் உயர் அரசு பணிகளில் 3% முஸ்லிம்களே உள்ளனர். மாவட்ட நீதிபதிகளில் 2.7% பேரே முஸ்லிம்களாக உள்ளனர். மதக்கலவரங்களை விசாரிக்க இதுவரை ஒரு முஸ்லிம் நீதிபதிகூட நியமிக்கபடவில்லை. இதற்கு காரணம் ஹிந்துக்களை நீதிமான்களாகவும் முஸ்லிம்களை மதவெறியர்களாகவும் சித்தரிப்பதுதான்.

மாநிலவாரியாக பார்க்கும்போது கம்யூனிஸ்டுகள் ஆளும் மேற்கு வங்கத்தில் முஸ்லிம்களின் நிலைமை மிகவும் பரிதாபமாக உள்ளது.. முப்பது ஆண்டுகளாக இடதுசாரிகள் கோட்டை கட்டி ஆளுகிறார்கள். ஆனால் 25.2% முஸ்லிம்களில் வெறும் 4.2% பேருக்குத்தான் அரசு வேலை வழங்கப்பட்டுள்ளது. ஆந்திரா: முஸ்லிம்கள் 9.2%; பணியில் 8.8%; கேரளா: முஸ்லிம்கள் 24.7%; பணியில் 10.4%; அஸ்ஸாம்: முஸ்லிம்கள் 30.9%; பணியில் 11.2% தமிழ்நாடு: முஸ்லிம்கள் 5.6%; பணியில் 3.2%; பீஹார்: முஸ்லிம்கள் 16.5%; பணியில் 7.6%; உத்திரபிரதேசம்: முஸ்லிம்கள் 18.5%; பணியில் 5.1%.

நாடு முழுவதும் மிக குறைந்த வருமானத்தில் முஸ்லிம்களே வாழுகின்றனர். முஸ்லிம்களில் 94.8%பேர் வறுமை கோட்டின்கீழ் இருக்கிறார்கள். தலித்துகளில் 32%பேர் ரேஷன் கார்டு வைத்திருக்கையில் முஸ்லிம்களில் 22%பேரே ரேஷன்கார்டு வைத்துள்ளனர். முஸ்லிம் விவசாயிகளில் 2.1%பேரே சொந்தமாக டிராக்டர் வைத்துள்ளனர். 1%தான் நிலத்திற்கு நீர்பாய்ச்ச பம்ப்செட் வைத்துள்ளனர். மக்களவையில் 543 உறுப்பினர்களில் 75 முஸ்லிம் எம்.பி.கள் இருக்கவேண்டும். ஆனால் 33பேர் மட்டுமே முஸ்லிம்களாக உள்ளனர். நாம் சமத்துவ உரிமைப்பெற்ற குடிமகன்கள் என இந்திய அரசியல் சட்ட சாசனம் கூறுகிறது. ஆனால் முஸ்லிம் மாணவர்களுக்கு உயர்கல்வி பயில்வதற்கு வங்கிகள் கல்விக்கடன் வழங்குவதில்லை. இதுவரை 3.2% பேர்தான் வங்கிக்கடன் பெற்றிருக்கிறார்கள்.

முஸ்லிம் தலைவர்களால் எந்தவொரு பிரச்சனைகளுக்கும் முடிவுகள் காணமுடியாது. சுதந்திரத்திற்கு முன்பு முஸ்லிம் தலைவர்களால் முஸ்லிம்களை காப்பாற்ற முடியவில்லை. ஏனெனில் அவர்கள் பலபிரிவுகளாக பிரிந்து கிடக்கின்றனர். அவர்கள் ஒன்றிணைந்து போராடுவதில்லை. நாம் அனைவரும் ஒன்றிணைய வேண்டுமென்ற முயற்சியும் அவர்களிடமில்லை.

உருதுமொழியை முஸ்லிம்களின் தங்களின் தனிப்பட்ட மொழியாக எடுத்துக்கொள்வதால் அவர்கள் பாதிக்கப்படுகிறார்கள். உருது மொழி மட்டும் தெரிந்த முஸ்லிம்களுக்கு கர்நடாகாவில் அரசு வேலை வாய்ப்புகள் மறுக்கப்படுகிறது. ஏனெனில் அவர்கள் கன்னடமொழியை கற்றுக்கொள்வதில்லை. உருதுமொழியை தேசிய மொழியாக அங்கிகரிப்பதற்கு நாம் போராட வேண்டும். போராட்டத்தின் விளைவாக அம்மொழி அங்கீகரிக்கப்பட்டாலும் அதனை மாநிலமொழியாக அங்கீகரிக்க மொழிவெறி மாநிலங்கள் மறுக்கும். எனவே உருதுமொழியை தாய்மொழியாகவும் மாநில மொழியை தொடர்புமொழியாகவும் கற்று அரசு பதவிகளில் ஏறுவதற்கு முயல வேண்டும். அதேவேளையில் உருதுமொழியை மாநில மொழிகளாக அங்கீகரிக்க தொடர்ந்து போராட முன்வர வேண்டும். முஸ்லிம்களில் 4%த்தினர்தான் பள்ளிப்படிப்பைத் தாண்டி கல்லூரிக்கு செல்கின்றனர். 7.2%பேர்தான் உயர்நிலைப்பள்ளியை முடித்திருக்கிறார்கள். 1.2%பேர்தான் பட்டப்படிப்பை முடித்திருக்கிறார்கள். இவ்வாறு தலித்துகளைவிட முஸ்லிம்கள் பின் தங்கியிருக்கிறார்கள் என்பது அதிர்ச்சியளிக்கிற செய்தி.

குற்றவாளிகளும், பணமுதலாளிகளும் தேர்தல் களத்தில் போட்டியிட்டு மக்கள் பிரிதிநிதிகளாக பாராளுமன்றத்திலும் சட்டமன்றத்திலும் உள்ளனர். அப்படிப்பட்டவர்கள் முஸ்லிம்களின் நலனை கருத்தில்கொண்டு பேசுவதற்கு வாய்ப்பில்லை. சுயலாபத்திற்காகவும் கொள்ளை இலாபம் அடிப்பதிலுமே அவர்கள் குறியாக இருக்கிறார்கள். நாங்கள் நல்லவர்கள் என மக்களே எங்களை தேர்வு செய்துவிட்டார்களென தங்களைப்பற்றி பெருமையாக பேசுகின்றனர். பலர் அவர்களிடமிருந்து பணம் வாங்கிக்கொண்டு அவர்கள் சொல்வதனை வேதவாக்காக நம்பி ஏமாந்து போகின்றனர். நமக்குள் மாற்றம் வராததுவரை ஜனநாயகத்தை இம்மண்ணில் விதைக்க முடியாது.

நிர்வாணமாக நடனம் ஆடுவதால் இந்தியா சுதந்திரம் அடைந்து விட்டதாக பலர் நினைக்கின்றனர். இது முற்றிலும் தவறானதாகும். சமத்துவம் நிலவாததுவரை, அனைவருக்கும் கல்வி வழங்கப்படாததுவரை இந்தியா சுதந்திரம் அடைந்ததாகக் கருத முடியாது. சுதந்திரத்திற்கு முன்பு 75% மக்கள் ஏழைகளாக இருந்தனர். இன்று அது மூன்று மடங்காக உயர்ந்துள்ளது.

இந்த பிரச்சனைகளுக்கெல்லாம் மதரீதியானதல்ல; அரசியல்ரீதியானது. மெய்யான ஜனநாயகமும் நேர்மையான அரசாங்கமும் நமக்கு இல்லை. இதனால்தான் சாதிப்பிரச்சனையும் மதப்பிரச்சனையும் இதுவரையும் தீர்க்கப்படாமலேயுள்ளது. சாதியை மனிதனால் அழிக்க முடியும். மதத்தை அழிக்க முடியாது. மனிதர்கள் இருக்கின்ற காலம்வரை மதம் இருக்கும். பொதுவுடைமைக்கு எதிராக மதம் பிரச்சனையை உருவாக்கினால் மதம் தவறாக பயன்படுத்தப்பட்டுள்ளதாகவே எடுத்துக்கொள்ள வேண்டும். அரசியல்வாதிகள் மதத்தை தங்கள் சுயநலத்திற்காக பயன்படுத்தி வருகின்றனர். உண்மையான நபர்கள் மதத்தில் வாழ்ந்தாலும் மதத்தை தவறாக பயன்படுத்தவில்லை. உதாரணமாக மகாத்மா காந்தியையும் மௌலானா ஆசாத்தையும் குறிப்பிடலாம். இவர்கள் மதத்தில் வாழ்ந்தாலும் வேதவசனங்களை நமது நலனுக்காகவே கோடிட்டுக்காட்டினர்.

நமது நாடு தேர்தல் சம்பந்தமான ஜனநாயகத்தைக் கொண்டுள்ளதால் ஓட்டிற்காக மதமும் சாதியும் பயன்படுத்தப்படுகிறது. உள்ளார்ந்த சிந்தனையை தூண்டாத மதம் மதமல்ல. மதம் பிரச்சனையை கொண்டுவருவதில்லை. மதத்தை மரபுவழி பாரம்பரியத்தோடு நம்பிக்கைகொண்டு எடுத்துச் செல்வதால்தான் பிரச்சனை வருகிறது. நாம் வேதத்தை புரிந்து கொள்வதோ ஆய்வு செய்வதோ இல்லை. மரபுவழியாக வருவதை ஏற்றுக்கொண்டு அதுதான் உண்மையென நினைத்து அப்பாவித்தனமாக வாழ்ந்து கொண்டிருக்கிறோம். இதன்மூலம் சுதந்திரமான அறிவார்ந்த உள்ளுணர்வை இரக்கமற்ற முறையில் கொலை செய்துவிடுகிறோம்.

இந்தியா இரண்டாக பிரிந்து போவதற்கு காரணமான ஜின்னா மதத்தின்மீது நம்பிக்கையற்றவர். இதைப்போன்று ஹிந்து ராஷ்டிரம் பேசுபவர்களுக்கும் ஹிந்து மதத்திற்கும் எந்தவித சம்பந்தமும் இல்லை. உயர்சாதி ஹிந்துக்கள் அரசியல் அதிகாரத்தைப் பெறுவதற்கும் தலித்துகளை ஒடுக்குவதற்கும் இவ்வாறு பேசிக்கொண்டு திரிகிறார்கள். ஹிந்து ராஷ்டிர மந்திரம் உயர்சாதி ஹிந்துக்களுக்காகவே உருவாக்கப்பட்டது. ஜின்னா தனது வாழ்நாளில் திருக்கூரானை வாசித்தேயில்லை. சுன்னி முஸ்லிம்கள் அரசியல் ஆதாயத்தையும் அதிகாரத்தையும் பெறுவதற்காகவே பாகிஸ்தானை தனியாக பிரித்துச்சென்றார். இன்றைக்கு பாகிஸ்தானில் ஷியா முஸ்லிம்களும் வகாபி பிரிவைச்சாராத முஸ்லிம்களும் கொலை செய்யப்படுகிறார்கள். பிறரின் ஜனநாயகத்தைப்பற்றி நாம் பேசுவதேயில்லை. இதனால்தான் இப்பிரச்சனைத் தொடர்ந்து நடைபெறுகிறது. நீங்கள் பிறரின் ஜனநாயகத்தை ஏற்றுக்கொள்வதாக இருந்தால் எல்லா மதமும் மொழியும் வெவ்வேறு கலாச்சாரமும் மனிதர்களுக்காகவே உருவானதாக அறிவீர்கள்.

விவேகானந்தரின் குரு ஸ்ரீ இராம கிருஷ்ணர் மதத்தை அறிந்து கொள்வதற்காக ஒருவருட காலம் முஸ்லிமாகவும் ஒருவருட காலம் கிறிஸ்தவராகவும் வாழ்ந்தார். அதனால்தான் விவேகானந்தரால் மனித நேயத்தைக்குறித்து போதிக்க முடிந்தது. கபீர், குருநானக், முஹைதீன், நிஜாமுதீன் ஆகியோர் மத ஒற்றுமைக்காக பாடுபட்டனர். யஹோவா, அல்லாஹ், பிரம்மன் என பெயர் வேறுபட்டாலும் நாம் அனைவரும் ஒருவனைத்தான் தொழுதுகொள்கிறோம்.

அரசியல்வாதிகள் நம்மைப் பிரிப்பதற்காகவே கங்கணம் கட்டிக்கொண்டு அலைகிறார்கள். மக்கள் சூபிகள் மீதும், புனிதர்கள் மீதும் கவரப்பட்டிருக்கிறார்கள். இவர்கள் மதங்களை முன்னிறுத்தி அதிகாரத்தை நிலைப்படுத்துவதுபற்றி கற்றுக்கொடுப்பதில்லை. நம்முடையவைகளை ஆக்கிரமித்துக்கொண்டு அவர்கள் தங்களை சந்தோசப்படுத்திக் கொள்கிறார்கள். ஆர்.எஸ்.எஸ். இயக்கம் இவ்வாறுதான் மக்கள் எண்ணங்களில் விஷத்தை விதைத்தது. எத்தனை இந்துக்கள் இராமர் அயோத்தியிலுள்ள மசூதிக்குள் பிறந்ததாக நினைக்கிறார்கள். நம்பிக்கையின் அடிப்படையில் நீதிபதிகள் அளித்த தீர்ப்பு மக்களிடையே மீண்டும் பிளவுகளை ஏற்படுத்தியுள்ளது. அயோத்தி வழக்கானது பகிர்ந்தளிக்கும் பாகபிரிவினை வழக்கல்ல; உரிமைகோரும் வழக்கு. நீதிபதி, மதவாதிகளை கருத்தில்கொண்டு தீர்ப்பளித்திருக்கக்கூடாது. அத்வானி, பால்தக்கரே போன்ற மனிதர்களால் நாடு ஒருபோதும் ஒன்றுபடாது. கம்யூனிச சித்தாந்தம் கொண்ட மேற்கு வங்கத்தில் எப்பொழுதும் மதக்கலவரம் இருந்துகொண்டேயிருக்கும். அதனால் நாம் மதத்தை சரியாக புரிந்து கொள்வதற்கு விழிப்புணர்வு கொடுக்க வேண்டும்.

ஆயிரம் நக்சலைட்டுகள் 25 வருட காலமாக ஆந்திர பிரதேசத்தில் பெரும் தலைவலியை உருவாக்கிக் கொண்டிருக்கிறார்கள். இரண்டாயிரம் தீவிரவாதிகளால் உருவாக்கப்பட்ட ஜம்மூ காஷ்மீர் பிரச்சனையை இன்னும் முடிவுக்கு கொண்டுவர முடியவில்லை. மாவோயிஸ்டுகளால் பல மாநிலங்களில் பிரச்சனை தொடர்ந்து நடைபெற்று வருகிறது. இவையெல்லாம் உருவானதற்கு காரணம் அரசினுடைய தவறான அணுகு முறைகளாகும். இன்றைக்கு பாபர்மசூதி பிரச்சனையில் நீதிமன்றம் வழங்கிய தீர்ப்பால் முஸ்லிம்கள் எவரும் மகிழ்ச்சியாக இல்லை. இத்தீர்ப்பினால் இந்தியாவின் எங்காவது ஒரு மூலையில் குறிப்பிட்ட முஸ்லிம்கள் இணைந்து அரசுக்கு எதிரான ஓர் அமைப்பினை உருவாக்குவதற்குரிய வாய்ப்பு அதிகமாகவேயுள்ளது. இந்துக்களுக்கு மூன்றில் இரண்டு பங்கு கொடுத்தபின்பும் முழுபங்கும் வேண்டுமென அறிக்கை இடுகின்றனர். இது ஒன்றுபட்ட இந்தியாவை பலவினப்படுத்தியுள்ளது. இந்த தீர்ப்பால் சைனா மகிழ்ச்சி அடைந்துள்ளது. இன்னொரு தீர்ப்பில் ஹிந்துத்துவம் என்பது வாழ்க்கை நடைமுறையென நீதிமன்றம் தீர்ப்பளித்துள்ளது. மதவாதிகள் மதத்தை ஒன்றிணைப்பதற்காக போராட முன்வரமாட்டார்கள். இவர்களுக்கு சாதகமாக நீதிபதிகள் தீர்ப்பளிப்பதுத்தான் வெட்கத்திற்குரிய விசயம்.
இந்துக்களை ஒன்று சேர்ப்பதற்கும் அவர்களின் ஓட்டுக்களை கவருவதற்கும் முஸ்லிம்கள் மும்பையை விட்டு சென்றுவிட வேண்டுமென்றும் முஸ்லிம் பெண்கள் பர்தா அணியக்கூடாதென்றும் பால்தக்கரே கூறுகிறார். அதைபோன்று, ”எல்லா முஸ்லிம்களும் பயங்கரவாதிகளல்ல; ஆனால் எல்லா பயங்கரவாதிகளும் முஸ்லிம்களே” என மோடி கூறுகிறார். நாட்டின் செலவு திட்டத்தை வரையறுக்கும்போது முஸ்லிம்களின் ஓட்டுக்களை கவருவதற்காக, ”இது சிறுபான்மையினரின் நலனுக்குரிய செயல்திட்டம்” என்கிறார் மன்மோகன்சிங். ஒரு கூட்டம் மதவெறியைத் தூண்டி ஓட்டுவங்கியை பெருக்குவதற்கு திட்டமிடுகிறது. இன்னொரு கூட்டம் அதனை சாதகமாகப் பயன்படுத்தி தங்களை சிறுபான்மையினரின் காவலனென பறைசாற்றுகிறது.

1995இல் ஐந்து பிராமணர்களால் துவங்கப்பட்ட ஆர்.எஸ்.எஸ். இயக்கம் இன்று ஆலமரமாக வளர்ந்துள்ளதென்றால் நாட்டின் ஆபத்து வெகுதொலைவில் இல்லை. இவ்வியக்கத்தைத் துவங்கிய சௌவ்ராங்கர், முஸ்லிம் பெண்களைக் காப்பாற்றுவோம் என்ற போர்வையில் முன்வைத்த மூன்று முக்கிய கோரிக்கைகள் என்னவென்றால்: (1) ஷரியத் சட்டத்தை அழித்து பொது சிவில் சட்டம் கொண்டு வரவேண்டும் (2) செக்ஸ் ரீதியாக திடீர் தாக்குதல் நடத்த வேண்டும் (3) இந்துக்களின் விதைகளை முஸ்லிம் பெண்களின் கர்ப்பப்பையில் வளரவைத்து மக்கள் தொகையை பெருக்க வேண்டும். இவ்வாறு முஸ்லிம்களுக்கு எதிராக பலவகைகளில் கலவரங்களை உருவாக்குவதற்கான திட்டம் வகுக்கப்பட்டது. இவைகள் தொடர்ந்து அரங்கேற்றப்பட்டு வருகிறது.
முஸ்லிம்களுக்கு உதவி செய்வதாகக்கூறி அரசு பாவனை செய்கிறது. (1) முஸ்லிம்கள் மெக்காவிற்கு ஹஜ் பயணம் செய்வதற்கு ருபாய் 12,000/- மானியம் வழங்குகிறது. வசதிபடைத்தவர்கள் ஹஜ் பயணம் மேற்கொண்டால் போதுமென்று திருக்கூர்ஆன் கூறும்போது அதற்கு விரோதமாக முஸ்லிம்கள் முன்னேறுவதற்கு ஹஜ் செல்ல மானியம் வழங்குகிறோம் என்பது இறைவேதத்திற்கு விரோதமான காரியம். மானியத்தில் ஹஜ் செல்லுவதை எப்படி புனிதப்பயணமென கூறமுடியும். இதில் அரசின் இன்னொரு தந்திர திட்டமும் அடங்கியுள்ளது. அது வியபார யுக்தியும் விளம்பர யுக்தியுமாகும். மானியத்தொகை ருபாய் 12,000/-த்தை அரசானது அரசுக்குச் சொந்தமான ஏர் இந்தியா கம்பெனிக்கு நேரடியாக வழங்குகிறது. அரசு வழங்கும் பணம் மீண்டும் அரசின் கஜானாவுக்கு சென்றுவிடுகிறது. (2) மிலாடிநபி விடுமுறை: முஸ்லிம் பண்டிகைகளுக்கு விடுமுறை விடுவதாக அரசு காட்டிக்கொள்கிறது. இதுவும் முஸ்லிம்களை முன்னேற்றப்பாதைக்கு அழைத்துச் செல்வதில்லை. இதுகுறித்து முஸ்லிகள் விழிப்படைய வேண்டும்.

1970இல் பாபர்மசூதி இடிக்கப்பட்டது. 1970-1980களில் கிரிக்கெட் விளையாட்டில் பாகிஸ்தான் வெற்றி பெற்றபோது ஹைதராபாத் முஸ்லிம் இளைஞர்கள் வீதிகளில் பட்டாசை வெடித்து கொண்டாடி தங்களுடைய எதிர்ப்புகளைத் தெரிவித்துக் கொண்டனர். ஏனெனில் அவர்களின் வலிகளையும் இரண்டாந்தார குடிமக்களாக நடத்துவதையும் அரசு கண்டு கொள்ளவில்லை. மேலும் நாங்கள் மோசமானவர்கள் இல்லையென்பதனை நிருபிக்கும் பொருட்டு முஸ்லிம்கள் தங்கள் அடையாளங்களை வெளிப்படையாக்கினர். தங்கள் பிள்ளைகளுக்கு அரபி மொழியிலான பெயர்களை மட்டுமே சூட்டிக்கொண்டனர். தலையில் தொப்பியணிந்தும் முகத்தில் தாடி வளர்த்தும் தாங்கள் முஸ்லிம்கள் என்பதனை பறைச்சாற்றிக் கொள்ள முன்வந்தனர். பெண்கள் அனைவரும் பர்தா அணிவது கட்டாய கடமையானது. அதுவரையும் இவைகளை அதிகமானோர் பின்பற்றாமலே வாழ்ந்து வந்தனர்.

1990க்கு பின்பு முஸ்லிம்கள் வாக்குசாவடிக்கு வந்து வாக்களிப்பது அதிகமானது. இதனால் அவர்கள் குறிப்பிட்ட இடங்களில் வெற்றி தோல்வியை நிர்ணயிக்கின்ற அளவிற்கு வலிமை பெற்றிருந்தனர். தங்களுடைய உரிமைக்காக வீதியில் வந்து போராடவும் தயங்கவில்லை. முஸ்லிம்களில் பலர் பல்வேறு கட்சிகளில் இணைந்து கொண்டனர். இதனால் முஸ்லிம் மதத்தலைவர்கள் காணாமல் போனார்கள். பாபர் மசூதி இடிப்புக்குப்பின்பு முஸ்லிம்கள் காங்கிரஸ் கட்சிக்கு வாக்களிக்காததால் உத்திரபிரதேசம் பீகார் ஆகிய மாநிலங்களில் காங்கிரஸ் கட்சி காணாமல் போனது. அதன் அடிப்படையில் முஸ்லிம்களின் அவலநிலையை எடுத்துக்காட்ட வந்ததுதான் சச்சார் கமிட்டி அறிக்கை. முஸ்லிம்கள் பிற சமுதாயத்தினரைவிட பின்தங்கியுள்ள உண்மை நிலையை பட்டியலிட்டு காட்டியது. சச்சார் கமிட்டியின் பரிந்துரையின் அடிப்படையில் காங்கிரஸ் செயல்படுவதுபோல் பாவனை காட்டுகிறது. இது காங்கிரஸ் கட்சிக்கு வளர்ச்சியைக் கொண்டு வந்தது.

வறுமையில் வாழுகின்ற முஸ்லிம்கள் தங்கள் பிள்ளைகளை தொழிற்சாலைகளில் பட்டறைகளில் கடைகளில் வேலைசெய்யவே அனுப்புகிறார்கள். ஏன் அவ்வாறு செய்கிறீர்கள் என்று கேட்டால், ”தொழிற்சாலைக்கு சென்றால் பிள்ளை கற்றுக்கொள்ளும் ஆனால் படிக்காது; பள்ளிக்கு சென்றால் குழந்தை படிக்கும் ஆனால் கற்றுக்கொள்ளாது” என்கின்றனர். இதுதான் நமது கல்வியின் தரம் என்பதனை சாதாரண மக்கள் நன்கு புரிந்து வைத்துள்ளனர். நமது நாட்டில் பத்தாம் வகுப்புவரை படித்தவன் மேசை துடைக்கும் பியூன் வேலை செய்கிறான். டிகிரிவரை படித்தவன் டாஸ்மார்க் கடையில் மதுபானம் விற்கிறான். இதுதான் நாம் கற்கும் கல்வியின் லட்சணம். ஒரு பியூன் வேலையை ஒருவன் கற்றுக்கொள்வதற்கு அவன் பத்தாம் வகுப்புவரை படிக்க வேண்டியுள்ளது. பிராண்டி விற்பதற்கு ஒருவன் டிகிரிவரை படிக்க வேண்டியுள்ளது. அவ்வாறு படித்தவர்கள் லஞ்சம் கொடுக்காமல் வேலைக்கு அமர முடியவில்லை. இக்கேள்வியை கல்வி கற்காதவர்கள் கேட்கும்போது நம்மால் பதில்சொல்ல முடிவதில்லை. வெளிநாடுகளில் கற்றலும் படித்தலும் இணைந்தே பயணிக்கிறது. நமது கல்வி வெறும் ஏட்டு சுரைக்காயாகத்தான் இன்னும் உள்ளது. எனவே நமது கல்வி தரத்தை உடனடியாக மாற்ற வேண்டும்.
மகாராஸ்டிராவில் முஸ்லிம்களின் மக்கள்தொகை 10.6%. சிறையிலுள்ள மொத்த தொகையில் 40% இவர்கள்தான். ராஜஸ்தானில் முஸ்லிம்களின் மக்கள்தொகை 9.6%. சிறையிலுள்ள மொத்த தொகையில் இவர்களின் பங்கு 25% ஆகும். மேற்கு வங்காளம், உத்திரபிரதேசம், பீகார் ஆகிய மாநிலங்கள் சிறைச்சாலைகளில் இருப்பவர்களின் பட்டியலைத்தர மறுத்துவிட்டது. நமது நாட்டில் தடா சட்டத்தில் கைது செய்யப்பட்டவர்கல்ளில் 80% இஸ்லாமிய சகோதரர்களே.

தாடி வைப்பவர்களெல்லாம் வன்முறையாளர்கள் அல்லது பாகிஸ்தான் பயங்கரவாதிகள் என்ற எண்ணமும், பிரச்சனை நடந்தால் முஸ்லிம் இளைஞர்களை காவல்துறையினர் கேள்வி கேட்காமலேயே கைது செய்வதும், காவல்துறை அதிகாரிகள் தங்களுடைய பதவி உயர்வுக்காக வெடிமருந்து நிரப்பப்பட்ட ஆயுத குச்சுகளையும் துப்பாக்கிகளையும் தாங்களே தயார் செய்துவிட்டு முஸ்லிம்களை ஆயுதங்களுடன் கைதுசெய்ததாக பத்திரிகையிலும் தொலைக்காட்சியிலும் விளம்பரம் செய்து பதவி உயர்வினை பெறுவதும் வாடிக்கையாக நடந்து கொண்டிருக்கிறது. இவ்வாறு முஸ்லிம்களை பயங்கரவாதிகளாக சித்தரிப்பதில் பெரும்பங்கு ஆற்றுபவர்கள் காவல்துறையினரே.

இதற்கு இன்னுமொரு முக்கிய காரணம் ஊடகத்துறை பார்ப்பனர்களின் கைகளில் இருப்பதுதான். ஊடகத்துறையில் 3% முஸ்லிம்களே பணியாற்றுகின்றனர். ஆனால் மக்கள் தொகையில் 3% இருக்கும் பார்ப்பனர்களில் 49%பேர் ஊடகத்துறையில் இருக்கிறார்கள். இந்து மதவாதிகளும் ஆதிக்கவாதிகளும் நிரம்பி வழியும் ஊடகங்கள் தொடர்ந்து முஸ்லிம்களை பயங்கரவாதிகளாகவே சித்தரிக்கின்றன.

அரசு பணிகளில் புறக்கணிக்கப்பட்ட முஸ்லிம்களுக்கு புலனாய்வுதுறை, உளவுதுறை, ராணுவதுறை போன்றவை வெறும் கனவுதான். உளவுதுறை பணியில் முஸ்லிம்களை சேர்க்கக்கூடாதென்பது மதசார்பற்ற ஜனநாயகத்தில் எழுதப்படாத சட்டமாகவேயுள்ளது. ராஜேந்தர சச்சார் சொல்கிறார், ”இஸ்லாமிய சமூகம் இரண்டு வகையாக பார்க்கப்படுகிறது. ஒன்று பயங்கரவாதி; மற்றொன்று தேசப்பற்று அற்றவன். ஆனால் நான் பார்த்த வகையில் இஸ்லாமியர்களுக்கு இந்தியன் என்ற உணர்வு அதிகம்”. மீனா மயில் சொல்கிறார், ”உலகின் எந்த மூலையில் தீவிரவாத வன்முறை தாக்குதல்கள் நடந்தாலும் முஸ்லிம் அமைப்புகளை நோக்கியே கைநீட்ட நாம் பழக்கப்பட்டிருக்கிறோம். இடிக்கப்பட்டது பாபர்மசூதிதான் என்றாலும் இடித்தது இந்து வெறியர்களே. எனினும் அவப்பெயர் என்னவோ முஸ்லிம்களுக்குத்தான்”.

1953இல் வெளியான காகா கலேல்கர் கமிஷன், 1983இல் வெளியான கோபால்சிங் கமிஷன், 1989இல் வெளியான மண்டல் கமிஷன், 2006இல் வெளியான சச்சார் கமிஷன், 2009இல் வெளியான ரங்கநாத் மிஸ்ரா கமிஷன் ஆகிய அனைத்தும் முஸ்லிம்களின் கல்வி, பொருளாதார, அரசு வேலைவாய்ப்பு குறித்து தொடர்ந்து ஆய்வறிக்கையினை வெளியிட்டுள்ளது. இருப்பினும் அவ்வறிக்கையின் முடிவுகளில் முஸ்லிம்கள் மிகவும் பின்தங்கியிருப்பதாகவும், அவர்களுக்கு ராணுவத்திலும் நீதித்துறையிலும் போதியளவு வாய்ப்பு வழங்கப்படவில்லை என்றும் எச்சரிக்கிறது. இருப்பினும் இவ்வறிக்கைகளின் அடிப்படையில் அரசு செயல்படுவதாக இல்லை.

நமது நாடு வேகமாக முன்னேறிக்கொண்டிருக்கிறது. இந்நாட்டின் இரண்டாவது பெரும் சமுதாயமான முஸ்லிம் சமுதாயம் வளர்ச்சியின் சுவையை அனுபவித்திராத ஒரு சமூதாயமாக உள்ளது. நலிவடைந்தவர்களில் ஒருவருக்கு உணவும் உடையும் வேலைவாய்ப்பும் அளிப்பதும் இன்னொருவருக்கு அதனை வழங்காமல் மறுப்பதும் பாரத பண்பாடுமில்லை; சமதர்ம கோட்பாடுமில்லை. எனவே நலிவடைந்தவர்கள் நலமடைய ஆவன செய்வதும் உயரச்செய்வதும் ஏறெடுத்து பார்க்க வேண்டிய முக்கிய பணிகளாகும். 2020க்குள் இந்தியா வல்லரசாக வேண்டுமென்று துடித்துக்கொண்டிருக்கிற நாம் அடித்தட்டு சமுதாய மக்கள் ஆட்டம் காண்கிற நிலையிலோ அல்லது கோபப்படுகிற நிலையிலோ விட்டுவைப்பது அறிவுடைமையாகாது. அவ்வாறு விட்டுவைத்தால் நாம் நமது அரசியல் சட்ட சாசனத்தை குழிதோண்டி புதைப்பதற்கு சமமாகும். முஸ்லிம்கள் முன்னேறுவது முஸ்லிம்களின் தேவை என்பதனைவிட தேசத்தின் தேவையென்பதனை உணரவேண்டும்.

சச்சார் கமிட்டியின் பரிந்துரைகளின் அடிப்படையில் (1) அரசு உடனடியாக இங்கிலாந்தில் உள்ளது போன்று சிறுபான்மையினர் மற்றும் ஒடுக்கப்பட்டோருக்கான சமவாய்ப்பு ஆ¬ணையத்தை உருவாக்க வேண்டும். (2) மத்திய அரசு பல்வேறு திட்டங்களுக்கு ஒதுக்கும் நிதியில் 15% முஸ்லிம்களுக்கு ஒதுக்க வேண்டும். (3) மத்திய அரசு மற்றும் அதன் சார்பு நிறுவனங்களில் வேலைக்கான நேர்காணல் நடக்கும்போது அதிகாரிகள் குழுவில் முஸ்லிம்கள் கட்டாயமாக இடம்பெற வேண்டும். சச்சார் கமிட்டி அறிக்கையை கேட்டபின்பும் நாம் மீண்டும் அப்படியே இருந்தால் வருங்கால சந்ததியினர் நம்மை மன்னிக்கமாட்டார்கள். தலித்துகளின் வளர்ச்சிக்காக பிறசமுதாய மக்கள் எப்படி முன்னுக்கு வந்து ஒருங்கிணைந்து போராடினார்களோ அப்படி நாம் போராட முன்வர வேண்டும். இல்லையென்றால் சச்சார் கமிஷன் அறிக்கை வெறும் கானல் நீராகவே இருக்கும்.

சச்சார் அறிக்கை குறித்து வேடிக்கையான ஒரு முல்லா கதையுள்ளது. ஒரு விடுமுறை நாளில், முல்லா இறச்சி கடைக்குச் சென்று அரைக்கிலோ ஆட்டுக்கறி வாங்கினார். பக்கத்திலிருந்த ஒரு புத்தகக் கடைக்குள் நுழைந்து ஆட்டிறைச்சி சமைப்பது எப்படி என்றொரு செய்முறை புத்தகத்தையும் வாங்கினார். பெருமிதத்தோடு அவர் வீதியில் நடந்து கொண்டிருந்தபோது ஒரு தெருநாய் அவரது கையிலிருந்த இறச்சிபையை பறித்துக்கொண்டு ஓடியது. தெருவில் இந்த காட்சியை பார்த்துக்கொண்டிருந்த அனைவரும் பதறினர். சிலர் நாயைத் துரத்திக்கொண்டு ஓடினார்கள். முல்லா மட்டும் பதறவுமில்லை; ஓடவுமில்லை. இதனைப்பார்த்த ஒருவர் முல்லாவிடம் உம்முடைய இறச்சிப்பையை நாய் தூக்கிக்கொண்டு ஓடுகிறது; நீங்கள் பதறாமல் நிற்கிறீரே என்றார். அதற்கு முல்லா, நாய் இறச்சியைக் கொண்டு ஓடினாலும் செய்முறை புத்தகம் என்னிடமல்லவா இருக்கிறது என்றாராம். இப்பொழுது இறச்சி மத்திய அரசிடமுள்ளது. சச்சார் அறிக்கை என்கிற செய்முறை புத்தகம் நம்மிடமுள்ளது. சிந்திப்போம்! செயல்படுவோம்!!

வழக்கறிஞர் ஜோ. தமிழ்ச்செல்வன் அவர்கள் க‌ன்னியாகும‌ரி மாவட்டம், மண்டைக்காடு புதூர் கிராம‌த்தைச் சார்ந்தவர். எளிமையான மீன‌வர் குடும்பத்தில் பிறந்த அவர், சுய முன்னேற்றமாய் படித்து வழக்குரைஞர் ஆனவர். கல்வித் தகுதி எம்.ஏ., எம்.எல் படிப்பை முடித்து, வழக்குரைஞராக‌வும் ச‌மூக‌ப் போராளியாக‌வும் இருந்து வருகிறார். சமூக அவலங்களுக்கு எதிராக தைரியமாய் முழ‌க்க‌மிடுப‌வ‌ர். இவரின் எழுத்துக்கள் சீரிய எண்ணமும், முற்போக்குச் சிந்தனையைக் கொண்டது என்றால் அது மிகையாகாது.

source : http://tamilcharam.net/controversial-sachar-committee/

போர்க் பெப்பெரோனி (Pork Pepperoni) ஹலாலா? ஹராமா?

ஜன.30:வளர்ந்து வரும் இந்தியாவில் குவியும் வெளிநாட்டுப் பொருட்கள் மற்றும் கலாச்சராத்துடன் இப்பொழுது அதிகமாக வெளிநாட்டு உணவுப் பொருட்கள் அதிகமாகக் கிடைக்கிறது. அதில் முன்னிலையில் இருப்பது ஃபாஸ்ட் ஃபுட் (Fast Food) கலாச்சாரம்.

கம்பெனிகளில் வேலை பார்ப்பவர்கள் தாங்கள் வீட்டிற்குச் செல்ல நேரமாகிவிட்டாலும் அல்லது பார்ட்டி (Party) என்றாலும் ஆர்டர் பண்ணுவது ஃபாஸ்ட் ஃபுட் (Fast Food) ஆகத்தான் இருக்கும். அதிலும் முக்கியமாக பிஸ்ஸா (Pizza). பிஸ்ஸாவை நகரத்தில் இருப்பவர்கள் மட்டுமல்லாது கிராமங்களில் உள்ளவர்கள் கூட இப்பொழுது டிவி விளம்பரங்கள் மூலம் தெரிந்து வைத்துள்ளார்கள். அவர்களுடைய ஓரே எண்ணம் ஒரு முறையாது இந்த பிஸ்ஸாவை ருசித்து விடவேண்டும் என்பதுதான்.

பிஸ்ஸாவை (Pizza) இந்தியாவில் PIZZA HUT DOMINO’S PIZZA என்ற இரண்டு கம்பெனிகள் விற்பனை செய்கின்றன. குறிப்பாக, பிஸ்ஸா பெரிய ஷாப்பிங் காம்ப்ளெக்ஸ் (Shopping Complex) ளில்தான் கிடைக்கும். பிஸ்ஸா (Pizza) வெவ்வேறு ருசிகளில் கிடைக்கி்ன்றது. எடுத்துக்காட்டாக சைவம், அசைவம் (ஆட்டுக்கறி, மாட்டுக்கறி மற்றும் பன்றிக் கறி).

கடந்த டிசம்பர் விடுமுறையில் குடும்பத்துடன் சென்னைக்குச் சென்றிருந்தேன். புதிதாக ஒரு ஷாப்பிங் காம்ப்ளெக்ஸ் திறந்திருப்பதாகவும் எல்லாப் பொருட்களும் அங்கே கிடைப்பதாகவும் சொன்னார்கள். நாங்களும் அங்கே சென்றோம். ஒரு தளத்தில் PIZZA HUT கடையைப் பார்த்த என்னுடைய மகன்கள் "பிஸ்ஸா (Pizza) சாப்பிடலாம்" என்று அடம் பிடித்தனர். நான், "இந்தியாவில் உள்ள PIZZA HUT ஹலாலா என்று தெரியாது. ஆகையால் போக வேண்டாம்" என்று சொன்னேன்.

நிறைய முஸ்லிம் நபர்களை PIZZA HUT ல் பார்த்த என்னுடைய மகன்கள், "அங்கே பாருஙகள். முஸ்லிம் ஆட்கள் இருக்கிறார்கள்" என்று சொன்னார்கள். "ஹலாலாக இருப்பதனால்தானே அவர்கள் சாப்பிடுகிறார்கள்" என்று சொன்னார்கள். நானும் அரை மனதுடன் வெளிநாட்டில் உள்ள பிஸ்ஸாவிற்கும் இந்தியாவில் உள்ள பிஸ்ஸாவிற்கும் எப்படி சுவை வித்தியாசம் இருக்கிறது என்று பார்க்கலாம் என்று அங்கே சென்றேன்.

உணவுப் பட்டியலை (Menu Card) வாங்கி என்ன ஆர்டர் செய்யலாம் என்று பார்த்தேன். வெஜிடேரியன், ஃபியரி சிக்கன்... என்று பார்த்துக் கொண்டு வந்த எனக்கு PEPPERONI (100% Pork Pepperoni) என்று பார்த்தவுடன் தலை சுற்றியது.

உடனே வெளியே வந்து விட்டேன். சாப்பிட்டுக் கொண்டிருந்த முஸ்லிம் குடும்பங்களைப் பார்த்து மனதிற்குக் கஷ்டமாக இருந்தது. Pork Pepperoni தவிர வேறு பிஸ்ஸாவை அவர்கள் சாப்பிடலாம் என்று எண்ணிக்கொண்டேன். இருந்தாலும் மனது கேட்கவில்லை. ஆகையால் அங்கே நின்றிருந்த சில முஸ்லிம் நபர்களிடம் "PIZZA HUT ஹலாலா?" என்று கேட்டேன். சிறிது யோசித்து விட்டு "ஹலால்தான்" என்றார்கள். ஆனால் Pork Pepperoni என்று உணவுப் பட்டியலில் போட்டிருக்கிறதே.. என்று இழுத்தேன். அதைப் பார்த்து விட்டு, "அதனால் ஒன்றுமில்லை" என்று சொன்னார்கள்.

மற்ற சிலர், "நாங்கள் வெஜிடேரியனைத்தான் வாங்குகிறோம்" என்று சொன்னார்கள். எனக்கு ஒன்று நன்றாகப் புரிந்தது. நிறைய போ்களுக்கு PORK என்றால் பன்றியின் இறைச்சி என்றே தெரியவில்லை. நான் அவர்களிடம் "PORK என்றால் பன்றியின் இறைச்சி" என்று சொல்லிவிட்டு வந்தேன். அவர்கள் நான் சொல்வதை நம்புவதா வேண்டாமா என்று அரை மனதுடன் வெளியே வந்தார்கள்.

இதற்கு முஸ்லிம்களின் அறியாமைதான் காரணம். "இந்தியாவில் கிடைக்கும் இறைச்சி எல்லாம் நம்மாளுகதானே (முஸ்லிம்கள்) அறுக்கிறார்கள்" என்று நினைப்பது. தற்பொழுது கிடைக்கும் வெளிநாட்டு உணவுப் பொருட்கள் வெளிநாட்டிலிருந்து வருகின்றன. ஆகையால் ஹலாலாக இல்லாமல் இருக்கலாம். இந்தியாவில் பன்றி இறைச்சி அதிகம் சாப்பிடுதில்லை. ஆகையால் எல்லா உணவுக் கடைகளிலும், சூப்பர் மார்கெட்டுகளிலும் பன்றிக் கறி விற்க மாட்டார்கள் என்று நினைப்பது தவறு. PIZZA HUT மற்றும் DOMINO’S PIZZA போன்றவை வளைகுடா நாடுகளில் ஹலாலாக இருக்கலாம். ஆனால் அவை இந்தியாவிலும் ஹலாலாக இருக்கும் என்று எண்ணுவது தவறு.

LARD எனப்படும் பன்றியின் கொழுப்பை பிஸ்ஸா சுவையாக இருக்க CHEESE ல் பயன்படுத்துகின்றனர். LARDஐ எல்லா பிஸ்ஸாவுக்கும் பயன்படுத்தமாட்டார்கள் என்று எந்த உத்திரவாதமும் இல்லை. நாம் வெஜிடேரியன் பிஸ்ஸாவைத்தானே சாப்பிடுகிறோம் என்று நினைப்பது மிகத் தவறு. பிஸ்ஸாவைச் சுட வைக்க வெஜிடேரியனுக்கும் மற்ற பிஸ்ஸாவிற்க்கும் வெவ்வேறான தட்டுக்களை உபயோகப்படுத்துவதில்லை. PORK மற்றும் LARD மற்ற பிஸ்ஸாவில் கலப்பதற்கு நிறைய வாய்ப்புகள் இருக்கின்றன.

உங்களுக்கு பிள்ளைகள், தெரிந்தவர்கள் மற்றும் சொந்தங்களுக்கு PIZZA HUT மற்றும் DOMINO’S PIZZA ஹலால் இல்லை என்று எடுத்துச் சொல்லி மிகப் பெரிய தவறிலிருந்து தடுக்க அல்லாஹ் அருள் புரிவானாக. முஸ்லிம் சமூக அமைப்புகள் கூட மக்களிடம் இதனை எடுத்துச் சொல்லலாம்.

உங்களுக்குத் தெரிந்தவர்கள் மற்றும் சொந்தங்களுக்கு SMS மூலம் "In India, Pizza Hut and Domino’s Pizza are NOT HALAL. Their PIZZA contains PORK (Flesh of PIG) and LARD (Fat of PIG)" என்று தெரியப்படுத்துங்கள்.

இன்னும் சந்தேகமா? PIZZA HUT மற்றும் DOMINO’S PIZZA பற்றி அவர்களின் இணையதளத்தில் தெரிந்து கொள்ளுங்கள்.
1. http://www.pizzahut.co.in/cheesybites_menu.php OR http://www.pizzahut.co.in/
2. http://www.dominos.co.in/nonvegpizzas.jsp
and Click CHEESE AND PEPPERONI menu.

source : http://paalaivanathoothu.blogspot.com/2011/01/pork-pepperoni.html

பாலைவனத் தூது

பாலைவனத் தூது

சுதந்திர இந்தியாவில் முஸ்லீம்கள் - பகுதி - 1

நன்றி : சகோஅபு நிஹான்

நடுநிலைமை(?)

இந்தியாவில் சுதந்தரம் அடைந்ததிலிருந்தே முஸ்லீம்கள் பல இன்னல்களுக்கு ஆளாக்கப்பட்டனர். அதிகமான காலங்களில் முஸ்லீம்கள் தங்களுடைய நாட்டின் மீதுள்ள பற்றை அடுத்தவர்களுக்கு அடிக்கடி சொல்லிக் கொண்டும் நிரூபித்துக் கொண்டும் இருக்க வேண்டிய கட்டாயத்தில் இருந்தனர்.

யாரோ ஒருவர், எங்கோ ஒருவர் திருடினால், கொலை செய்தால், வண்புணர்ச்சி செய்தால், மனைவியை துன்புறுத்தினால், விபச்சாரம் செய்தால், லஞ்சம் வாங்கினால், அடுத்த மதத்தவரிடத்தில் பகைமை கொண்டால், அவர்களின் உயிர் மற்றும் உடமைகளுக்கு சேதம் ஏற்படுத்தினால், குண்டு வைத்தால், திருட்டு டி.வி.டி விற்றால் அவர்களுடைய மதத்தை மறந்து அவர்களை மட்டும் வசைபாடும் இந்த சமுதாயம் மற்றும் மாஸ் மீடியா என்று சொல்லக்கூடிய அனைத்து ஊடகங்களும் அதே செயலை ஒரு முஸ்லீம் செய்தால் அவன் முஸ்லீம் என்ற காரணத்தினாலே அவனை மதத்தோடு தொடர்புபடுத்தி ஊடகங்களாலும், சமுதாயத்தாலும் வசைபாடப்படுவது நம் அனைவரும் அறிந்ததே.

ஒருவன் ஒரு தவறு செய்தால் அதற்கு அந்த குடும்பத்தை, குடும்ப பாரம்பரியத்தை குறை கூறுவோமா? அல்லது இது அவனுடைய தனிப்பட்ட செயல் என்று அவனை மட்டும் குறை கூறுவோமா? சற்று சிந்தியுங்கள் நடுநிலையாளர்களே. சாதரணமாக குடும்பத்தையே குறை கூற முற்படாதவர்கள் அவன் சார்ந்திருக்கும் மதத்தை எவ்வாறு குறை கூற முடியும். இங்கு எந்த ஒரு தவறையும் எந்த ஒரு மதத்திற்காவும் நாம் ஆதரிக்க முடியாது. ஆனால் தவறு செய்தவர்களை தண்டிக்க வேண்டும் என்ற கோரிக்கை எப்படி நியாயமானதோ அதைப் போலவே தவறு செய்தவர்களுக்கும் அவர்களுடைய மதத்திற்கும் எந்த சம்பந்தமும் இல்லை என்பதும் நியாயமானதே. இந்தியாவில் மட்டுமல்ல அமெரிக்கா, ஐரோப்பா போன்ற பல உலக நாடுகளிலும் அரசும், ஊடகங்களும் முஸ்லீம் விரோத போக்கை கடைப்பிடிக்கின்றனர். இதனால் உலகம் முழுவதும் உள்ள முஸ்லீம்கள் தங்களின் உடமைக்கும், உயிருக்கும் பாதுகாப்பு இல்லா நிலையை அடைந்து கொண்டு இருக்கின்றனர்.

எத்தனையோ இந்துக்கள்/கிருத்தவர்கள் கொலை செய்திருப்பர், குண்டு வைத்திருப்பர், அப்போதெல்லாம் மதத்தை சம்பந்தப்படுத்தி பேசாத ஊடகங்கள் தவறு செய்தவர்கள் முஸ்லீம் என்ற காரணத்தினாலே தீவிரவாத அமைப்பில் தொடர்பு என்று அந்த தீவிரவாத அமைப்பிற்கும் தாங்களே புது பெயர் வைத்திடுவார்கள் (கடந்த காலத்தில் பெயர் சூட்டப்பட்ட இந்தியன் முஜாஹிதீன் என்ற பெயர் போல).

சமீபத்தில் பெரியார் கொள்கையில் தீவிரமாக இருந்த திரு அப்துல்லா (முன்னாள் பெரியார்தாசன்) அவர்கள் இஸ்லாத்தில் இணைந்த பிறகு கூறியது:

"முருகன் கொலை செய்தால், முருகன் கொலை செய்தான் என்றும், நெல்சன் கொள்ளை அடித்தால், நெல்சன் கொள்ளை அடித்தான் என்றும் சொல்கிறார்கள். ஆனால், முகமது தவறு செய்தால், இஸ்லாமிய தீவிரவாதி என்கிறார்கள் என்றார்.

ஒரு முஸ்லீம் தவறு செய்ததாக காவல்துறை விசாரனைக்காக கைது செயப்பட்டால் அதை முதல் பக்கத்தில் வெளியிடும் பத்திரிக்கை அன்பர்களும், தலைப்புச் செய்தியில் சொல்லும் தொலைக்காட்சி சகோதரர்களும், அவன் குற்றமற்றவன் என்று நிரூபிக்கப்பட்டால் அந்த செய்தியை பத்திரிக்கையின் கடைசி பக்கத்திற்கு முதல் பக்கத்திலோ அல்லது ஏதாவது மூலையிலோ கட்டம் கட்டி வெளியிடுவர். இதனால் என்ன பிரச்சனை வரப்போகிறது என்று எல்லோரும் ஆச்சரியப்படலாம். இதைப்போல் செய்திகளில் பாரபட்சம் காட்டுவதால் பொதுமக்களுக்கு ஒரு குறிப்பிட சமுதாயத்தின் மீது அதிகம் வெறுப்பு கொள்வதற்கும் அவர்கள் மேல் பயம் கொள்வதற்கும் வழிவகுக்கிறது. இதனால் ஒரு குறிப்பிட்ட சமுதாயம் தனிமைப்பட்டு கொண்டிருக்கிறது.

ஒருபக்கம் ஒரு குறிப்பிட்ட சமுதாயத்தை தனிப்படுத்த முயற்சி நடந்திருக்கையில், மறுபக்கம் பெருபான்மை சமூகமான இந்துக்கள் சமூகத்தில் நடக்கும் குற்றங்கள் ஊடகங்களால் பெரிதுபடுத்தப்படவில்லை. டிசம்பர் 23 ஆம் தேதியன்று மலையாளத்தில் தேஜஸ் பத்திரிக்கையில் வந்த செய்திகள் மனதை ரணப்படுத்தின.

கொல்கத்தாவிற்கு அடுத்துள்ள பீவிஹகோலா ஜூனியர் உயர்நிலைப் பள்ளியில் பயிலும் 12 மாணவிகள் ஆர்.எஸ்.எஸ் வெறிக் கும்பலின் பாலியல் பலாத்காரத்திற்கு பலியாகியுள்ளனர். கடந்த நவம்பர் 9 ஆம் தேதி இச்சம்பவம் நடந்தபொழுதிலும் ஊடகங்கள் இச்செய்தியை மூடி மறைத்துள்ளன.

அடுத்து உபியில் சட்டவிரோத ஆயுத தொழிற்சாலை கண்டுபிடிப்பு மற்றும் ஆயுதங்கள் பறிமுதல் செய்யப்பட்டதும் ஊடகங்களால் அதிகம் கண்டுக்கொள்ளப்படாத செய்தியாகும்.

--- தொடரும்

தோழமையுடன்
அபு நிஹான்

ஹிந்துத்துவா பயங்கரவாதிகள் - உளவுத்துறை, பாதுகாப்புத்துறை ஏஜன்சிகள் - தொடர்புகள் குறித்து விசாரணை தேவை - கருத்தரங்கில் கோரிக்கை

புதுடெல்லி,ஜன.29:பல்வேறு மனித உரிமைகள் அமைப்புகள் ஒருங்கிணைந்து டெல்லியில் கருத்தரங்கம் ஒன்றை நடத்தின. இக்கருத்தரங்கில் குண்டுவெடிப்பு வழக்குகளில் ஹிந்துத்துவா பயங்கரவாதிகளின் தொடர்புகள் வெளியான சூழலில் இந்தியாவில் பாதுகாப்பு ஏஜன்சிகள், உளவுத்துறை ஏஜன்சிகள் ஆகியவற்றில் ஹிந்துத்துவா பயங்கரவாதிகளின் ஆதிக்கத்திற்கான காரணம் என்ன என்பதுக் குறித்து விசாரணை நடத்த வேண்டுமென கோரிக்கை விடுக்கப்பட்டது.

குண்டுவெடிப்புகளில் இதுவரை பாதுகாப்பு ஏஜன்சிகள் விசாரணையை திசைதிருப்பிக் கொண்டிருந்தன என்பது தற்போது நிரூபணமாகியுள்ளது. இச்சூழலில் அகில இந்திய காங்கிரஸ் கமிட்டியின் பொதுச்செயலாளர் திக்விஜய்சிங், சி.பி.எம்.பொலிட் பீரோ உறுப்பினர் சீதாராம் யெச்சூரி, லோக் ஜனசக்தி தலைவர் ராம்விலாஸ் பஸ்வான் ஆகிய அரசியல் பிரமுகர்களும், பிரபல மனித உரிமை ஆர்வலர்களும் பங்கேற்ற இக்கருத்தரங்கில் இத்தகையதொரு கோரிக்கை விடுக்கப்பட்டது.

இக்கருத்தரங்கில் நிறைவேற்றப்பட்ட தீர்மானங்கள் பின்வருமாறு:

நாட்டின் பல்வேறு பகுதிகளில் நடைபெற்ற குண்டுவெடிப்புகளில் கைதுச் செய்யப்பட்ட முஸ்லிம்களைக் குறித்த வெள்ளை அறிக்கையை அரசு வெளியிட வேண்டும்.

சிறையிலடைக்கப்பட்ட நிரபராதிகளான முஸ்லிம் இளைஞர்களை உடனடியாக விடுதலைச்செய்ய வேண்டும்.

கடந்த 20 ஆண்டுகளில் நடைபெற்ற அனைத்து குண்டுவெடிப்புகளைக் குறித்தும் மீண்டும் விசாரணை நடத்தவேண்டும்.

ஆர்.எஸ்.எஸ், அபினவ்பாரத், வி.ஹெச்.பி, பா.ஜ.க, பஜ்ரங்தள் ஆகிய அமைப்புகளுடன் உளவுத்துறை, பாதுகாப்பு ஏஜன்சிகள், போலீஸ் அதிகாரிகள், அதிகாரவர்க்கத்தினர், ராணுவத்தினர் ஆகியோருக்கான தொடர்புகளைக் குறித்து விசாரணை நடத்தவேண்டும்.

குண்டுவெடிப்பு வழக்குகளில் கைதுச் செய்யப்பட்டு சித்திரவதைக்கு ஆளாக்கப்பட்ட அப்பாவிகள் அனைவருக்கும் நஷ்ட ஈடு வழங்கப்பட வேண்டும்.

மேலும் அவர்களின் புனர்வாழ்வுக்கான நடவடிக்கைகள் மேற்கொள்ளப்பட வேண்டும்.

ஹிந்துத்துவா அமைப்புகளுக்கு நிதியுதவி அளிப்பவர்களைக் குறித்து விசாரணை மேற்கொள்ள வேண்டும். மேலும் இவர்களுக்கு அரசியல் ரீதியாக, தார்மீக ரீதியாக ஆதரவளிப்பவர்கள் குறித்தும் விசாரணை நடத்தப்பட வேண்டும்.

ஹிந்துத்துவா அமைப்புகளுக்கு வெளிநாட்டிலிருந்து வரும் பணம் குறித்து விசாரணை நடத்தப்படவேண்டும்.

பயங்கரவாத வழக்குகளில் நிரபராதிகளை சிக்கவைத்து சித்திரவதைச் செய்து அவர்களை நிர்பந்தப்படுத்தி பொய் வாக்குமூலங்களை வாங்கிய அனைத்து போலீஸ் அதிகாரிகள் மீதும் நடவடிக்கை மேற்கொள்ள வேண்டும்.

மேலும் இவர்களுக்கு வழங்கிய பதவிகளையும், பதக்கங்களையும் பறிக்கவேண்டும்.

மக்கா மஸ்ஜித் குண்டுவெடிப்பு வழக்கில் சித்திரவதைக்கு ஆளாக்கப்பட்டு பின்னர் விடுதலைச் செய்யப்பட்ட அப்பாவி முஸ்லிம் இளைஞர்களுக்கு நஷ்ட ஈடு வழங்க வேண்டுமென்ற நீதிமன்ற தீர்ப்பைக் குறித்து கேள்வி எழுப்பும் ஆந்திர அரசின் நடவடிக்கைகளை முடிவுக்குக் கொண்டுவர வேண்டும்.

பொய்வழக்குகள் சுமத்தப்பட்டதால் மனோரீதியாக பாதிக்கப்பட்ட இளைஞர்களிடம் மாநில அரசுகள் மன்னிப்புக் கோரவேண்டும்.

பயங்கரவாத வழக்குகளில் ஆஜராகமாட்டோம் என தீர்மானம் நிறைவேற்றிய பார் கவுன்சில் நடவடிக்கையை இக்கருத்தரங்கு கண்டிக்கிறது.

முஸ்லிம்களுக்கெதிராக பொய்ச் செய்திகளை பரப்பும் ஊடகங்களின் பங்கினையும் இக்கருத்தரங்கம் கண்டிக்கிறது.

புலனாய்வு ஏஜன்சிகள் ஆதாரங்கள் என போலியாக முன்வைக்கும் காரியங்களை கண்ணை மூடிக்கொண்டு நம்பிவிடக் கூடாது என ஊடகங்களை இக்கருத்தரங்கம் வேண்டிக் கொள்கிறது.

இக்கருத்தரங்கில் அமீத் சென் குப்தா, ஆஷிஷ் கேதான், சித்தரஞ்சன் சிங், ஃபராஹ் நக்வி, இஃப்திகார் கிலானி, பிரசாந்த் பூஷன், சத்ய சிவராம், சீமா முஸ்தஃபா, சுபாஷ் கட்டாடே, சுரேஷ் கைர்னார், தருண் தேஜ்பால், பிருந்தா க்ரோவர் ஆகியோர் கலந்துக் கொண்டனர்.

செய்தி:தேஜஸ் மலையாள நாளிதழ்

கடைத்தேங்காயை எடுத்து வழிப்பிள்ளையாருக்கு உடைத்த கதை தெரியுமா??

சுதந்திரமடைந்தப் பன்முக இந்தியா இனவெறி, மதவெறியாளர்களின் கைகளில் சிக்கி குரங்கு கை மாலையாகியது. அறிவையும், நாகரீகத்தையும் விதைத்து பொருளாதாரத்தை மேம்படுத்தி சுரண்டல் இல்லாத சட்டத்தை இயற்றி வளம்மிக்க இந்தியாவை உருவாக்கிய முஸ்லீம்களை மதவெறிப் பிடித்த ஆட்சியாளர்கள் அதிகாரத்தைப் பயன்படுத்தி அரசு சலுகைளிலிருந்து கட்டம் கட்டுவதில் கண்ணும் கருத்துமாக செயல்பட்டு வளம்மிக்க இந்தியாவை உலக வங்கியில் அடகு வைத்து விட்டனர்.

அரசு கேந்திரங்களில் ஒதுக்கப்பட்ட இடஓதுக்கீடு முதல் தேர்தல் காலத்தில் இருந்த ரிசர்வேஷன் முறையிலிருந்து பாபர் மஸ்ஜித் வரை சிறிது சிறிதாக உருவி எடுத்து பிளாட்பாரத்துப் பிச்சைக்காரர்களாகவும், அந்நிய தேசத்து அகதிகளாகவும் ஆக்கினர்.
தேர்தல் நெருங்கியதும் ஆட்சி அதிகாரத்தில் இருந்த மதச்சார்பின்மை வேடமிடுபவர்கள் நடந்தது எதுவும் தெரியாததுப் போல் அவர்களை மீறி நடந்ததுப் போல் நீலிக்கண்ணீர் வடித்துக்கொண்டு மீண்டும் அப்பாவி முஸ்லீம்களின் ஓட்டை அறுவடை செய்வதற்காக நாடகமாடுவர். பாபர் மஸ்ஜிதை இழுத்துப் பூட்டிய நேரு காலத்திலிருந்து நேற்று ஆப்பத்தைப் பிரித்துப் பங்கிட்டக் குரங்குகளின் கதையாய் தீர்ப்பு வழங்கிய சோனியா - மன்மோகன் சிங் வரை இந்த நாடகத்தில் சிறப்பாக நடித்துள்ளனர்.

வேவுப் பார்த்து வேட்டு வைத்தனர்: ராமர் சிலையை பள்ளிவாசலுக்குள் வைத்துவிட்டு ராமபிரான் அவதரித்து விட்டார் என்றுக்கூறி வேவுப் பார்த்தனர் மதச்சாதர்பின்மை அரசு இதைப் பார்த்துக் கொள்ளும் இதன் மீது தகுந்த நடிவடிக்கை எடுக்கும் என்ற நம்பிக்கையில் அன்றைய முஸ்லீம்கள் அமைதிக்காத்தனர். முஸ்லீம்களிடம் எதிர்ப்பு இல்லாததைக் கண்டு உடனடியாக பள்ளியைப் பூட்டி சீல் வைத்தனர்.

நாளைய முஸ்லீம்களிடம் விழிப்புணர்வு ஏற்பட்டு பூட்டுடைக்கும் போராட்டம் வலுப்பெற்றால் நினைத்ததை சாதிக்க முடியாது என்றுக் கருதியவர்கள் இன்றைய முஸ்லீம்களின் எதிர்ப்பு இல்லாததை சாதகமாகப் பயன்படுத்திக் கொண்டு ராமபிரானை முஸ்லீம்களின் பள்ளிவாசலுக்குள் சிறை வைப்பதா ? என்று ராம பக்தர்கள் சீறிப் பாய்வதாக பொய்கூறி பூட்டைத்திறந்து பூஜைக்கு அனுமதித்தனர் அப்பொழுதும் மதச்சாதர்பின்மை அரசு இதைப் பார்த்துக்கொள்ளும் என்ற நம்பிக்கையில் அப்பாவி முஸ்லீம்கள் அமைதிக் காத்தனர்.

பாபர் மஸ்ஜித் விஷயத்தில் நாங்கள் எதுவும் செய்யவில்லை பிஜேபி காரர்களே சதி செய்வதாக பிரச்சாரம் செய்து வந்த மதசார்பின்மை வேடமிட்டு ஓட்டு அரசியல் நடத்திய காங்கிரஸாருக்கு எதிராக ஆம் நாங்கள் தான் செய்கிறோம் என்று மதம் சார்ந்த வேடமிட்டுப் களமிறங்கினர் பிஜேபி காரர்கள். இவர்களும் மதப் பற்றாளர்களோ, தேசப்பற்றாளர்களோ, தெய்வ பக்தியாளர்களோக் கிடையாது அரசியல் ஆதாயத்திற்காக அவர்களுக்கெதிரான வேடம் பூண்டனர்.

அன்றைய நரசிம்மராவின் உள்ளத்தில் உண்மையிலேயே காவிசிந்தனை குடிகொண்டிருந்ததால் கடப்பாறை சேவை செய்வதற்கு ர(த்)த யாத்திரையை தொடங்கிய அத்வானியை கைது செய்யவில்லை, அல்லது தடுத்து நிருத்தவில்லை. இதனால் பிஜேபி வளர்ந்தாலும், காங்கிரஸ் வீழ்ந்தாலும் பரவா இல்லை ஹிந்துக்களிடம் ராமஜென்மபூமிக்கான எழுச்சி ஏற்படட்டும் என்று விட்டு விட்டார்.

கடப்பாறை சேவைக்கான தேதி வரை அத்வானி வகையறாக்கள் அறிவித்தப் பின்னரும் சட்டம், ஒழுங்கை பாதுகாப்பதாகக் கூறி கைது செய்யாமல் இதனால் இந்தியாவேப் பற்றி எரிந்தாலும் பரவா இல்லை பாபர் மஸ்ஜித் உடைந்தால் போதும் என்று மௌனம் காத்ததுடன் கடப்பாறை சேவை முடியும்வரை மாநிலப்போலீஸார் முழுவதையும் காவிகளுக்கு பாதுகாப்பு வழங்கவும் ரகசிய அனுமதி வழங்கினார். நரசிம்ம காவி ராவின் மௌனத்தை அறிந்த சங்பரிவாரங்கள் தடையின்றி பள்ளி நொறுங்கும் என்பதை முன்னமே அறிந்து வைத்திருந்ததால் சந்தர்ப்பத்தை பயன்படுத்தி பள்ளி நொறுங்கியதும் அதன் சூடு மாறுவதற்குள் முஸ்லீம் இனச் சுத்திகரிப்புக்கும், பொருளாதார சூறையாடலுக்கும் முன்கூட்டியே திட்டமிட்டிருந்தனர்.

பள்ளி முழுவதும் நொறுங்கிய செய்தி அறிந்ததும் முஸ்லீம்கள் எதிர்த்து கலவரம் செய்வதாக பொய் காரணம் கூறி பம்பாய் ரவுடி பால்தாக்கரேயின் தலைமையில் பல்லாயிரக்கணக்கான முஸ்லீம்கள் கொல்லப்பட்டனர், சொத்துகள் சூறையாடப்பட்டன. வடிகட்டிய நரசிம்ம காவி ராவ் அதற்கும் வாய் திறக்க வில்லை. பெட்ரோலையும், ஃபாரின் கரன்ஸியையும் குவித்து உலக அரங்கில் இந்தியாவை இந்திராகாந்தி காலத்திலேயே உயர்த்திப் பிடித்த வளைகுடா நாடுகளின் மன்னர்கள் கடும் கண்டனத்தை எழுப்பியப் பின்னர் அதுவரை எதற்கும் வாய் திறக்காத ஊமைச் சாமி ராவ் சூடு பட்டப் பூனையாய் துடித்தெழுந்து ஐயகோ ! பெட்ரோலை நிருத்தி விடாதீர்கள் ஒரே வருடத்தில் இடித்த இடத்திலேயே பள்ளிவாசலை கட்டித் தந்து விடுகிறோம் என்று கள்ள சத்தியம் செய்து கொடுக்க வெளிஉறவு அமைச்சரை அனைத்து அரபு நாடுகளுக்கும் அனுப்பி வைத்தார்.

சொன்னது என்னாச்சி சிதையுடன் சேர்த்து எரிச்சாச்சி: அரபு மன்னர்களிடம் கள்ள சத்தியம் செய்த வாய் கோமாவில் வீழ்ந்ததும் எரிக்கப்பட்ட நரசிம்மக் காவி ராவின் சிதையுடன் மீண்டும் பள்ளியைக் கட்டித்தருவோம் என்ற வாக்குறுதியையும் சேர்த்தே எரித்து சாம்பலாக்கினர் காங்கிரஸார். இறுதி வேவு: ஒருப் பங்கு போதும் என்ற மனநிலையில் முஸ்லீம்கள் இருக்கின்றனரா ? என்று வேவு பார்க்கும் படலம் தான் சமீபத்திய அலஹாபாத் நீதிமன்ற குரங்கு ஸ்டைல் பங்கீடு. மேற்காணும் கடைத்தேங்காயை எடுத்து வழிப்பிள்ளையாருக்கு உடைத்த கதை.

மின்னஞ்சல் செய்தி: அதிரை பாரூக்

ஆர்.எஸ்.எஸ். இயக்கம் & தினமலர் ஒரு சமூக பார்வை.

குஜராத் மாநிலம் சூரத்தில், "மகர சங்கராந்தி திருவிழா' தொடர்பாக நடைபெற்ற கூட்டத்தில் ஆர்.எ ஸ்.எ ஸ்., தலைவர் மோகன் பாகவத் பேசுகிறார். இது ஜனவரி 10 தேதி தினமலரில் படத்துடன் வந்த செய்தி. இதுதான் தினமலரின் மத துவேச சிந்தனை.
இந்தியா முழுவதும் நடந்த தொடர் குண்டு வெடிப்புகளின் பின்னணியில் ஆர்.எஸ்.எஸ். தீவிரவாத இயக்கம் இருப்பதும், இவர்கள் தீட்டிய திட்டத்தின் அடிப்படையில் 'தான்' இந்த குண்டு வெடிப்புகள் நடந்தது என்றும் நிருபிக்கபட்டு உள்ள இந்த சூழ்நிலையில் ஆர்.எஸ்.எஸ் பயங்கரவாத இயக்கத்தை பற்றியோ, அல்லது அவர்களின் ஆணைபடி நடத்தபட்ட குண்டு வெடிப்புகள் பற்றியோ, எந்த செய்தியும் வெளியிடாமல் தினமலர் அமைதி காத்துவருகிறது. இது மட்டும் இல்லாமல் இந்த பூனையும் பால் குடிக்குமா? என்ற எண்ணத்தை ஏற்படுத்த ஆர்.எஸ்.எஸ். பயங்கரவாத இயக்கத்தின் செயல்பாட்டை ஹிந்து மதத்தோடு தொடர்பு படுத்துவது போல் அவர்கள் 'தான்' ஹிந்து மதத்தின் ஒட்டு மொத்த பாதுகாவலர்கள் என்பது போல் ஒரு மாயையை ஏற்படுத்த இந்த பயங்கரவாத இயக்கத்தின் தலைவரை ஏதோ ஹிந்து மத சாது போல சித்தரிக்கும் வேலையை செய்து வருகிறது தினமலர் நாளேடு. ஆர்.எஸ்.எஸ். இயக்கம் தடை செய்யப்பட வேண்டும் என்ற குரல் இந்தியா முழுவது ஒழிக்க துடங்கி இருக்கும் இந்த நிலையில் தினமலர் அமைதிகாப்பது பத்திரிகை தர்மம் இல்லை.

அதுபோல் இந்த செய்திகளை வெளியிடாத, இதுபற்றி பேசாத யாரும், எந்த அமைப்பும், எந்த கட்சியும் நடுநிலை தவறியவர்களே. அது மட்டும் அல்லாமல் இவர்கள் இப்படி செயல் படுவதன் மூலம் இந்த பாசிச பயங்கரவாதிகளுக்கு மறைமுகமாக உதவி செய்பவர்களாகவே கருதபடுவர். அது மட்டும் அல்லாமல் இவர்களது தேசபக்தியை சந்தேக கண்கொண்டு பார்க்க வேண்டிய சூழ்நிலைக்கு இவர்கள் உள்ளாக்க படுகிறார்கள். ஏன்? என்றால் இப்படி பட்ட ஒரு பயங்கரவாத இயக்கத்திற்கு நேரடியாகவோ, மறைமுகமாகவோ ஆதரவு தெரிவிப்பது இந்தியாவின் இறையாண்மைக்கு விடப்படும் பெரும் சவால் ஆகும். இதை சம்மந்த பட்டவர்கள் உணர்ந்து இது போன்ற செய்திகளை வெளிக்கொண்டு வருவது,அதை எதிர்ப்பது ஒவ்வொரு இந்தியன் மீதும் கடமையாகும். இவர்கள் இந்தியாவின் எதிர்காலத்திற்கு ஆபத்தானவர்கள். இவர்கள் செய்யும் மத தீவிரவாதம் இந்தியாவின் ஒற்றுமைக்கு ஊரு விளைவிக்கும் என்பதனை உணர்ந்து எல்லோரும் ஒன்று பட்டு குரல் கொடுப்போம். ஆர்.எஸ்.எஸ். என்ற நச்சு செடியை பிடுங்கி இந்தியா சிறப்பாக ஒளிர பாடுபடுவோம். மதசார்பின்மை காப்போம். வேற்றுமையில் ஒற்றுமை அதுவே இந்தியா!! என்று பெருமையோடு சொல்லுவோம். இதை செய்யவேண்டியது பொறுப்புள்ள ஒவ்வொரு குடிமகனின் கடமை.

அன்புடன் : ஆசிரியர் சிந்திக்கவும்.

இந்தியாவில் தொலைந்த நீதி தேவதை ஆஸ்திரேலியாவில்...!

இந்தியாவில் எல்லாமே ஒழுங்காகத்தான் போய்க்கொண்டு இருந்தது. 1992 டிசம்பர்-6 வரை..! அன்றுதான்... எங்கிருந்துதான் வந்தார்களோ தெரியவில்லை... ஆயிரக்கணக்கில் 'கரசேவகர்கள்' என்றபெயரில் ஷைத்தான்கள்..! ஒரே நாளில் இடித்துத்தள்ளினார்கள். தரையோடு தரையாக... மண்ணோடு மண்ணாக... எதை...? ஒட்டுமொத்த இந்தியாவின் அமைதியை..!

அதன்பிறகு நாடெங்கும் எதிர்ப்பு கோஷம், கண்டன ஆர்ப்பாட்டம், அமைதி ஊர்வலம் என அடுத்தடுத்த மாதங்களில் ஜனநாயக ரீதியில் மக்கள் கொந்தளிக்க... பம்பாயிலும் அதேபோல் நடந்து கொண்டிருந்தது. பொறுக்கவில்லை சங்பரிவார சிவசேனை ஷைத்தான்களுக்கு..! அடுத்த மாதம், ஜனவரியில்... சுமார் 500 பேர் பம்பாயில் கொல்லப்பட்டார்கள். ஜனவரி... பிப்ரவரி.. மார்ச்... என கொலைகாரர்கள்-பால் தாக்கரேக்கள்- கட்சிக்கொடிகளுடன் பந்தாவாக வீதிகளில் பவனிவர... கண்டும் காணாமல் சட்டம் தூங்க (இன்றுகூட ஜஸ்டிஸ் ஸ்ரீ கிருஷ்ணா கமிஷன் அறிக்கை 1998-ல் வந்த பிறகும் கூட விழிக்கவில்லை என்றால் அப்போது எப்படி அசந்து தூங்கி இருந்திருக்கும்...?) பலிகொடுத்தவர்களுக்கு பழிவாங்கும் எண்ணம் தலைதூக்க, அந்த சமயம் பார்த்து இதற்காகவே பல ஆண்டுகள் காத்திருந்த பாகிஸ்தானியருக்கும், பம்பாய் நிழலுலக கள்ளக்கடத்தல் தாதாக்களுக்கும் தங்கள் நீண்ட நாள் எண்ணங்களை ஈடேற்ற கிடைத்த அரிய பொக்கிஷமான சந்தர்ப்பமாயிற்று. (பின்னே...! கலவரத்தில் மக்களை கொன்ற ஷைத்தான்கள் எல்லாரும் பங்குச்சந்தை வர்த்தக கட்டிடத்திலா பணிபுரிந்தார்கள்?)

இவர்களுக்கு... கலவரத்தில் பாதிக்கப்பட்டவர்களும், தாதாக்களின் எலும்புத்துண்டுகளுக்கு வாலாட்டும் சில நடிகர்கள், சில சுங்க அதிகாரிகள், சில காவல்துறையினர்களும் உதவி செய்ய, 1993ம் ஆண்டு மார்ச் 12-ல், பம்பாயில் அடுத்தடுத்து பதினைந்து குண்டுகள் வெடித்தன. பின்னர் நூற்றுக்கணக்கானோர் (...இப்படித்தான் அனைத்து தேடுபோறிகளும் சொல்கின்றன... கணக்கெல்லாம் கிடையாதாம்...) தடாவில் கைது செய்யப்பட்டனர். (தடா: - விசாரனைக்கைதியாக எத்தனை வருஷமானாலும் வைத்துக்கொள்ளலாம். ஜாமீனும் கிடையாது.)

14 வருஷங்கள் நிதா........னமாய் விசாரித்துவிட்டு, மே 27, 2007-ல், மொத்தம் 100 பேர் குற்றவாளிகள் என அறிவிக்கப்பட்டனர். இவர்களில் பெரும்பான்மையானோர் முஸ்லிம்கள். மற்றவர்களில் நடிகர் சஞ்சய் தத்தும் ஒருவர். (இவர் தான் பொடா சட்டம் வர காரணமானவர். ஏனெனில், தடாவில் உள்ள அத்தனை ஓட்டைகளிலும் நன்றாக படம் காட்டினார்... பொடா வந்தது. ஆனால், பொடா சட்டம் தூக்கப்பட காரணம் ஜெயலலிதா என்று தெரியுமா? - பாராளுமன்ற உறுப்பினர் வைகோவை உள்ளே வைத்து பொடா என்றால் என்ன என்று கொண்டுவந்தவர்களுக்கே புரியவைத்து பின்னர் அதை தூக்கவும் வைத்தார்..!)

பம்பாய் குண்டுவெடிப்பு வழக்கில் இரண்டு மாதம் பிட்டு பிட்டாய் வந்த தீர்ப்பில் கடைசியில் ஜூலை 31, 2007 அன்று சஞ்சய் தத்துக்கு 6 ஆண்டுகள் உட்பட (இதிலும் கூட இன்று வரை படம் தான் காட்டுகிறார்), மும்பை தொடர் குண்டுவெடிப்பில் 12 பேருக்கு மரண தண்டனையும், 20 பேருக்கு ஆயுள் தண்டனையும் அளிக்கப்பட்டது. சுங்க அதிகாரிகள், காவல் துறையினர் என மற்றவர்களுக்கு குறைந்தது 3 ஆண்டுகள் முதல் அதிகபட்சம் 14 ஆண்டுகள் வரை சிறைத்தண்டனை விதிக்கப்பட்டது குறிப்பிடத்தக்கது. இதில், 24 பேர்கள் ஜூலை 31, 2007 அன்று -அதாவது, 14-வருடங்கள் கழித்து, குற்ற மற்றவர்கள் என்று விடுவிக்கப்பட்டனர். சரி... மீதம் உள்ள "நூற்றுக்கணக்கானோர்"(!?) அதற்கு கொஞ்சம் ஆண்டுகள் முன் சிறுக சிறுக விடுவிக்கப்பட்டு இருப்பார்கள் என்று(!?) நம்புகிறேன்... இதெல்லாம் செய்தி அல்ல. கைதாவது மட்டும்தான் செய்தி.

கோவையில் ஒரு காவலர் படுகொலையை தொடர்ந்து மூன்று பேர்(முஸ்லிம்கள்) சரணடைந்து விட்ட பின்னும், 1997 - நவம்பர் 30, டிசம்பர் 1-ல், அதனை ஒரு மதக்கலவரமாக்கி ஷைத்தான்களும் காவல்துறையினரும் கைகோர்த்து திட்டமிட்டு துப்பாக்கிச்சூடு நடத்தியதில் 18 முஸ்லிம்கள் கொல்லப்பட்டு பலர் காயமுற்று, முஸ்லிம்களின் வணிக நிலையங்கள் மட்டும் சூறையாடப்பட்டு பின்னர் அவை தீயிட்டு கொளுத்தப்பட்டு... என எல்லாம் சாட்சிகளுடன் நடந்து முடிந்த பின்னரும் நடவடிக்கை எடுக்காமல் சட்டம் தூங்க...(இன்றுவரை கூட ஜஸ்டிஸ் கோகுலகிருஷ்ணா கமிஷன் அறிக்கை 2000-ல் வந்த பிறகும்கூட விழிக்கவில்லை என்றால் அப்போது எப்படி அசந்து தூங்கி இருந்திருக்கும்...?)

அதனை தொடர்ந்த, 1998 பிப்ரவரி 14-ம் தேதி கோவையில் 17 இடங்களில் தொடர் குண்டுவெடிப்பு நிகழ்த்தப்பட்டது.​ இதில்,​​ 58 பேர் இறந்தனர்.​ 200க்கும் மேற்பட்டோர் காயமடைந்தனர். இதுதொடர்பாக,​​ பாஷா,​​ மதானி உள்ளிட்ட 167 பேர் தடாவில் கைது செய்யப்பட்டு சாவகாசமாய் கடந்த 2001ம் ஆண்டுதான் குற்றப்பத்திரிக்கை நகல்கள் அனைவரிடமும் வழங்கப்பட்டது. அதன்பிறகு இவ்வழக்கை விசா............ரித்த கோவை சிறப்பு நீதிமன்றம் 2007-ல்.. அதாவது 10-ஆண்டுகள் கழித்து பாஷா உள்ளிட்ட 44 பேருக்கு ஆயுள்தண்டனை விதித்தது.​ 64 பேருக்கு 3 ஆண்டுகள் முதல் 13 ஆண்டுகள் வரை சிறை தண்டனை விதிக்கப்பட்டது.​ மதானி உள்பட மீதி 59 பேர் நிரபராதி என விடுதலை செய்யப்பட்டனர்--10 வருடங்கள் கழித்து..! இதெல்லாம் செய்தி அல்ல. கைதாவது மட்டும்தான் செய்தி.

இதுவரை இந்தியாவில் நிகழ்த்தப்பட்ட அனைத்து குண்டு வெடிப்பு வழக்குகளிலும், இரண்டே இரண்டுக்கு மட்டும் குற்றவாளிகளுக்கு தண்டனை அறிவித்து தீர்ப்பு வந்திருக்கின்றன. மற்ற குண்டுவெடிப்புகளில் எல்லாம் முஸ்லிம்கள் நிரபராதிகள் என தொடர்ந்து விடுதலை செய்ய்பட்டுக்கொண்டே வருகின்றனர். அவ்விரண்டு மட்டுமல்லாது பின்னர் நடந்த அனைத்துமே //பாபர் மசூதி இடிப்பின் எதிரொலியாக..//--என்று மீண்டும் மீண்டும் ஊடகங்கள் உண்மைகளை திரித்துகொண்டே உள்ளன. எப்படி? இடித்தவர்களே... சரியாக இடிக்கவில்லை என்று அவர்கள் பங்குக்கு ஒருதடவை குண்டு வைக்கிறார்களாமா?

பாபர் மசூதி இடிப்புக்கும் மேற்படி இரண்டு குண்டு வெடிப்புகளுக்கும் துளியும் சம்பந்தமில்லை. அவரவர் சொந்தக்காரர்களை இழந்தவர்களே மேற்படி பயங்கரவாதத்தில் ஈடுபட்டிருக்கின்றனர். அதேநேரம், பழிவாங்குதல் என்ற பெயரில், ஏதுமறியா அப்பாவி மக்களை கொல்லுதல் இஸ்லாத்திற்கு எதிரானது. மொத்த மனித சமுதாயத்தையே கொலை புரிதலுக்கு சமமான மகா பெரிய பாவம். இச்செயலை நான் வன்மையாக கண்டிக்கிறேன். அதற்கு தக்க தண்டனை அளித்த நீதிமன்ற தீர்ப்பையும் மதிக்கிறேன். இத்தீர்ப்பு குற்றம் செய்ய நினைக்கும் தடம்புரண்ட மனங்களுக்கு தக்க படிப்பினை. பயங்கரவாதத்துக்கு என்றென்றும் நான் எதிரி என்பதையும் இங்கே பதிவு செய்கிறேன்.

அதேநேரம்... ஒரு சமுதாயத்திடம் மட்டும் நீதி நிலைநிறுத்தப்படுவதையும் வேறோர் சமுதாயத்தின் குற்றங்களை கண்டு கொள்ளாமல் இருப்பதையும் நான் வன்மையாக கண்டிக்கிறேன். (எத்தனையோ விசாரணை கமிஷன் அறிக்கைகள் கிடப்பில் கிடப்பதும், ஆதாரத்துடன் மாட்டிய காவி ஹிந்துத்துவா தீவிரவாதிகள் இன்னும் தண்டிக்கபடாதிருப்பதும் என்னை இப்படி கண்டனம் தெரிவிக்க வைக்கின்றன)

1993-ம் ஆண்டு சென்னை ஆர்.எஸ்.எஸ். அலுவலக குண்டுவெடிப்பு வழக்கில் (இத்தாக்குதலில் 11 பேர் பலியாயினர்) அப்போதே கைது செய்யப்பட்டு, பின்னர் ஆயுள் தண்டனை விதிக்கப்பட்ட 3 பேரை, அவர்களுக்கு தவறான முறையில் ஆயுள் தண்டனை விதிக்கப்பட்டுள்ளதாக நீதிபதிகள் தங்கள் தீர்ப்பில் கூறி, கடந்தமாதம் (2010-டிசம்பரில்... அதாவது பதினேழு வருடங்கள் கழித்து...!) உச்ச நீதிமன்றம் இவர்களை நிரபராதிகள் என விடுதலை செய்து தீர்ப்பளித்துள்ளது. இதெல்லாம் செய்தி அல்ல. கைதாவது மட்டும்தான் செய்தி.

1997-ம் ஆண்டு டிசம்பர் 6-ந்தேதி பாபர் மசூதி இடிக்கப்பட்ட தினத்தன்று திருச்சியில் பாண்டியன் எக்ஸ்பிரஸ், ஈரோட்டில் சேரன் எக்ஸ்பிரஸ், கேரள மாநிலம் திருச்சூரில் ஆலப்புழா எக்ஸ்பிரஸ் ரெயில்களில் தொடர் குண்டு வெடிப்பு நடந்தது. இதில் 10 பேர் உயிரிழந்தனர். 72பேர் படுகாயம் அடைந்தனர். இது தொடர்பாக குணங்குடி ஹனீஃபா உட்பட 8 பேர் கைது செய்யப்பட்டனர். கைது செய்யப்பட்ட 8 பேரும் 13 வருடமாக சென்னை மத்திய சிறையில் அடைக்கப்பட்டிருந்தனர். இவர்கள் மீது பூந்தமல்லி வெடிகுண்டு வழக்குகளை விசாரிக்கும் சிறப்பு கோர்ட்டில் வழக்கு தொடரப்பட்டது. இந்த வழக்கில் குணங்குடி ஹனீஃபா உள்ளிட்ட 8 பேரையும் நிரபராதி என விடுதலை செய்வதாக ....அதாவது 13 வருடங்கள் கழித்து.... நீதிபதி தீர்ப்பளித்தார்.

இதெல்லாம் செய்தி அல்ல. கைதாவது மட்டும்தான் செய்தி.

இதன் பின்னர், அதாவது 1998 முதல் பல குண்டு வெடிப்புகள் இந்தியாவெங்கும் நடந்தன. முக்கியமான விஷயம் இவ்வாண்டில் இருந்துதான் பாஜக நாட்டை ஆளத்துவங்கி இருந்தது. அதன் தொடர்ச்சியாக பல மாநிலங்களிலும் ஆட்சியைப்பிடித்தது. பொதுவாக பாஜக ஆளும் மாநிலங்களில்தான் பெரும்பாலும் குண்டுகள் வெடிக்கும். ஒவ்வொரு குண்டுவெடிப்புக்கும் பிறகு, உடனே..... ஒரு மொக்கை பதிவுக்குக்கூட 'ஹைய்யா... முதல் வடை(!?) எனக்கு' என்று பதிவு பொட்ட அடுத்த நிமிஷமே வரும் படுமொக்கை பின்னூட்டம் போல..... ஒரு ஈ-மெயில் எப்போதும் பறந்து வந்துவிடும். ஏதாவது ஒரு முஸ்லிம் அமைப்பு... 'ஏதோ அனாதைகளுக்கு ஆதரவு அளிப்பது போல பெருமையுடன்' பொறுப்பேற்கும்.(!?)

பொறுப்பேற்றவர்களின் பெயர்களை வைத்தே... தாடி, தொப்பி எல்லாம் போட்டு அடுத்த நாள் கணிணி உதவியால் சில உருவகங்கள், "குற்றவாளிகள் புகைப்படம்" என்று கொட்டை எழுத்தில் தலைப்பு செய்தியாய் அனைத்து ஊடகங்களிலும் பரபரப்பாக பலநாள் காட்டப்படும். சாலைகளில் நடக்கும் அனைத்து முஸ்லிம்களையும் 'இவர்கள் குற்றவாளிகளா' என்று உற்று உற்று பார்ப்பவர்களை கண்டு கோபம் கொள்வதா... இப்படிப்பட்ட நாட்டில் வசிப்பதை நினைத்து உள்ளுக்குள் புழுங்கி அழுவதா... வேதனை..! ( இதை விட பெரிய கொடுமை... என்னவெனில்... " 100 கிலோ வெடிகுண்டுடன் நடமாடும் தீவிரவாதி ஆயிஷா "...! முஸ்லிம் பெண்களின் நிலைமையை நினைத்தால் இன்றும் மனம் கொதிக்கும். போகிற வருகிற முஸ்லிம் பெண்களை எல்லாம் "எங்கே.. உங்கள் முகத்தை காட்டுங்கள்" என்பார்கள் காவலர்கள். அவர்கள் கையில் வைத்திருக்கும் ஆயிஷாவின் புகைப்படத்திலோ கண்கள் மட்டுமே இருக்கும்..!?! என்ன புத்தியோ... என்ன மூளையோ...! இது ஒரு பக்கா டார்ச்சர்தானே? பல வருஷம் கழித்து கடைசியில் கமிஷ்னரே ஒரு பேட்டியில், 'ஆயிஷா மேட்டர் சும்மா ஜோடிச்சது' என்ற போதுதான்... தமிழக காவல்துறை மீது எனக்கிருந்த துளி நம்பிக்கையும் மரியாதையும் காணாமல் போனது..!)

சரி.. நாம் தொடர்வோம்... அடுத்த வாரம் பரபரப்பாக சிலர் முஸ்லிம்கள் தொப்பி தாடி சகிதம் பொடாவில் கைது செய்யப்படுவார்கள். இவர்களை தொடர்ந்து... 'தீவிரவாதிக்கு உதவினார்கள்' என்று மேலும் பலர் கைது செய்யப்பட்டு சிறையில் அடைக்கப்படுவார்கள். எல்லாமே அடுத்த குண்டுவெடிப்பு நிகழும் வரைதான். பிறகு முன்னதை மறந்து இதை பற்றி பேச ஆரம்பிப்பார்கள். அந்த குண்டு வெடித்த பின் உடனே ஒரு ஈ-மெயில்.... அதே... அதே...ரிபீட்.

இப்படித்தான்... தென்காசி, சென்னை, கான்பூர், அஜ்மீர், மோடாசா, மாலேகான்-1, மாலேகான்-2, ஹைதராபாத், அஹ்மதாபாத், ஜெய்ப்பூர், நான்டேட், பானிபட்-சம்ஜோதா ரயில், தானே, கோவா, பெங்களூர், வாரனாசி என்று வரிசையாய் ... அதே... ரிபீட்... ரிபீட்... ரிபீட்...

தகுந்த ஆதாரங்கள் இன்றி, சாட்சிகள் இன்றி சந்தேகத்தின் பேரில் கைதுசெய்வதையேகூட இஸ்லாம் எதிர்க்கிறது. இப்படி கைது செய்து பல்லாண்டுகள் சிறையில் அடைப்பது மனித உரிமைக்கு எதிரானது. மற்ற நாடுகளில் இது ஒரு பெரிய குற்றமாகக்கூட பார்க்கப்படுவது உண்டு. ஆனால், நம் நாட்டில் அதெல்லாம் ஒரு பொருட்டே அல்ல...!

மேற்கண்ட அனைத்து குண்டு வெடிப்புகளிலும் -- சென்ற வருட செப்டம்பர் மாத வாரனாசி குண்டுவெடிப்பு தவிர -- மேற்சொன்ன அதே ரிப்பீட் தான். வாரணாசியில் மட்டும் அப்படி என்ன மாற்றம்? சந்தேகம் 'ஹிந்துத்துவா தீவிரவாதிகள்' மீதாம்..! இந்திய வரலாற்றில் காவல்துறை இப்படி அறிவித்தது இதுதான் முதன்முறை. காரணம்:- கர்மவீரர் - அஞ்சாநெஞ்சர் - துப்பறியும் சிங்கம் - நேர்மைமிகு மறைந்த ATS தலைவர் ஹேமந்த் கார்கரே - அவர்களை இந்தியாவிற்கு அளித்த இறைவனுக்கே எல்லா புகழும்..!

கார்கரேவின் மாலேகான் குண்டு வெடிப்பு விசாரணையின் முடிவில் ஆதாரங்களுடனான அவரின் அதிரடி கைது நடவடிக்கைகள் மொத்த இந்தியாவிலும் பூகம்பத்தை கிளப்பியது. அதுவரை 'இஸ்லாமிய தீவிரவாதிகள்' என்று திரும்ப திரும்ப வாய் வலிக்கும் அளவுக்கு சொன்னவர்கள்... இப்போது 'தீவிரவாதத்துடன் மதம் இணைக்கப்படக்கூடாது' என்று திரும்ப திரும்ப வாய் வலிக்கும் அளவுக்கு சொல்ல ஆரம்பித்தனர்.

குண்டுகள் பாகிஸ்தானிலிருந்து வரவில்லை என்பது அதிர்ச்சி. 'வெடிகுண்டு சப்ளையர்கள்' மிகப்பெரிய பொறுப்பில் இருக்கும் இந்திய ராணுவ உயரதிகாரிகள் என்பது பெரிய அதிர்ச்சி. அவற்றை பொது இடங்களில் வெடிக்க வைத்து அப்பாவி மக்களை கொன்றவர்கள் தீவிர சங்பரிவார ஹிந்துத்துவா துறவிகள் என்பது அதிர்ச்சியோ அதிர்ச்சி. மொத்த இந்தியாவையும் அது உலுக்கி எடுத்து புரட்டிப்போட்டது. இது, அதுவரை நடந்த அனைத்து குண்டுவெடிப்புகளையும் மீள் விசாரணை நடத்த வைத்தது. மீள் விசாரணை நடந்த அனைத்தும் காவி ஷைத்தான்களிடம் தான் போய் நிற்கிறது. வகை தொகையாக மாட்டி, இவர்கள் கைது செய்யப்படும் படலம் அடிக்கடி நடந்தேறி வருகிறது.

இப்போது அனைவருக்கும் ஒரு முக்கிய கேள்வி உதித்திருக்க வேண்டும். கேள்வி வர வேண்டும் என்பதால்தான் இப்பதிவில் ஆங்காங்கே அவ்வரிகளை மட்டும் இப்படி சிகப்பு வண்ணமிட்டு தனியாக அடையாளப்படுத்தி உள்ளேன்.

"பற்பல குண்டுவெடிப்புகளில் ஹிந்துத்துவா தீவிரவாதிகளின் கைது நடவடிக்கைக்கு பின்னர், இதுவரை... அதே குண்டுவெடிப்பு வழக்குகளில் கைது செய்யப்பட்டு பிணையில் கூட வர முடியாமல் தடாவிலும் பொடாவிலும் பல வருடங்களாய் உள்ளே கிடக்கும் முஸ்லிம்கள் நிரபராதிகள்தானே..? புதிய ஹிந்துத்துவா கைதிகள் வந்தபின் பழைய முஸ்லிம் கைதிகள் வெளியே வந்துதான் இருக்க வேண்டும். முக்கியமற்ற செய்திகள் என்பதால்... அச்செய்திகளை தினசரிகளில் தேடினால் கிடைக்குமா என்று தெரியவில்லை. தமிழகம் சம்பந்தப்பட்ட செய்திகள் மட்டும் எனக்குத்தெரிந்ததை நான் முன்னரே சொல்லிவிட்டேன். அதனால்தான் மேலே சொன்னேன்... 'இதெல்லாம் செய்தி அல்ல. கைதாவது மட்டும்தான் செய்தி' என்று..!

இப்படி.... மேற்படி குண்டுவெடிப்பு வழக்குகளில் தலைப்புச்செய்தியாய் கைது செய்யப்பட்டு பலவருஷம்... விசாரனைக்கதிகளாய் சிறையில் வைக்கப்பட்டு... பின்னாளில் ரகசியமாய்... 'குற்றமற்றவர்' என நீதி தேவதையால் விடுவிக்கப்பட்ட எந்த ஒரு முஸ்லிமும் இழப்பீடு கோரியதாகவோ, எந்த நஷ்டஈடும் இதுவரை தரப்பட்டதாகவோ செய்தி இல்லையே... ஏன்?

நாம் இப்போது ஆஸ்திரேலியாவில் நடந்த இதே போன்ற பிரச்சினை ஒன்றை பார்ப்போம்.

2007, ஜூன் 30: இங்கிலாந்தின், கிளாஸ்கோ விமான நிலையத்தின் முன் கஃபில் என்பவர் எரிவாயு சிலிண்டர் நிரப்பிய வாகனத்துடன் தன்மீதும் பெட்ரோல் ஊற்றிக்கொண்டு மோதியதால் வாகனம் தீப்பிடித்தது. 92% உடல் பாகங்கள் எரிந்த நிலையில் கஃபில் உயிருக்கு போராடியதாக செய்திகள் வெளிவந்தன. ஆனால், இவர் ஆஸ்திரேலியாவில் வேலை பார்க்கும் மருத்துவர் முஹம்மது ஹனீபின் உறவினர். அதுமட்டுமா? ஹனீப் முன்பொருமுறை 2006-ல் லண்டன் சென்றிருந்த போது, தான் லண்டனில் வாங்கி உபயோகித்த புது சிம் கார்டை அதன் அடுத்த இரண்டாண்டு வேலிடிட்டி மற்றும் மிச்சம் இருந்த சில பவுண்டுகளினால் தூக்கி வீச மனசில்லாமல், உறவினர் கஃபிலிடம் கொடுத்துவிட்டு ஆஸ்திரேலியா போய்விட்டார். அந்த சிம்மைத்தான் விபத்தின் போது கபில் உபயோகித்திருந்தார். (ஊருக்கு விடுமுறைக்கு சென்றால்... அது முடிந்தவுடன் ஏர்டெல், ஏர்செல், ஐடியா, டோகொமோ, பிஎஸ்என்எல் போன்ற எந்த சிம்முகளையும் யாருக்கும் தராமல் உங்களுடனேயே எடுத்து வந்து விடுங்கள்... ஜாக்கிரதை..!)

இது போதாதா? அவ்வளவுதான், இங்கிலாந்தில் நடந்த குண்டுவெடிப்பில், சந்தேகத்தின் பேரில், ஆஸ்திரேலியாவில் இருந்து பெங்களூருக்கு தன் பிறந்து ஆறு நாள் ஆன குழந்தையை காண ஏழு நாள் லீவில் புறப்படுவதற்காக விமான நிலையம் வந்தடைந்த டாக்டர் முஹம்மது ஹனீபை ஜூலை-2, அன்று கைது செய்து, ஆஸ்திரேலிய அரசு தன் விசாரணை வளையத்தில் வைத்தது. உடனே நம் ஊடகங்களுக்கு சொல்லவா வேண்டும்..? "இந்திய முஸ்லிம்களுக்கு உலகளாவிய அளவில் பயங்கரவாத நெட்வொர்க் உள்ளது(?!)" என்று கூசாமல் பொய் புளுகின.

அச்சமயம், ஹனீப் பதினான்கு நாட்கள் (ஜூலை-2 முதல் ஜூலை-16வரை) ஆஸ்திரேலியாவில் சிறை வாசம் அனுபவிக்க வேண்டியதாயிற்று. பின்னர் அவர் 10,000 டாலர் ஜாமீனில் விடுவிக்கப்பட்டார். பின்னர், 27 ஜூலை அன்று அவர் மீது போட்ட அத்தனை வழக்குகளையும் நீதிமன்றத்தில் திரும்பப்பெற்றுக்கொண்டு விட்டது ஆஸ்திரேலியா. உடனே இதற்காக இழப்பீடு கேட்டு வழக்கு தொடர்ந்தார் ஹனீப். பின்னர் இந்தியா வந்து தங்கி துபாயில் பின்னர் வேலைக்கு சேர்ந்தார்.

சென்ற ஆண்டு டிசம்பரில் இழப்பீட்டு வழக்கு தீர்ப்பும் வந்தது. படித்திருப்பீர்கள்... /// ஆஸ்திரலிய அரசால் குற்றம் சாட்டப்பட்டு அலைக்கழிக்கப்பட்டு துயரம் அனுபவித்த இந்திய முஸ்லிம் இளைஞர் முஹம்மது ஹனீப் என்ற மருத்துவரிடம் கடைசியாக ஆஸ்திரேலியா மன்னிப்பு கேட்டுக்கொண்டது. அத்துடன் இந்திய நாணய மதிப்பில் நான்கரை கோடி ரூபாய் வரை இழப்பீட்டு தொகையாக வழங்க முன்வந்துள்ளது. சரியான தொகை ரகசியமாக உள்ளது. அத்துடன் மருத்துவரான ஹனீபுக்கு ஆஸ்திரேலிய அரசின் சார்பில் பணி வழங்கவும் முன்வந்துள்ளது ///...என்று..!

இது அங்கே சாத்தியம் என்றால் இதே கதைதானே இங்கும்...? சொல்லப்போனால், இங்கே அனுபவித்தவர்களின் துயரத்தில் ஆயிரத்தில் ஒரு பங்கேனும் அனுபவித்திருப்பாரா ஹனீப்...? இதற்கே இவ்வளவு இழப்பீடு தருகிறார்கள் என்றால்... இதுவரை விசாரணை கைதிகளாகவே சிறையில் இருந்து ஆயுள்தண்டனையையே அனுபவித்து விட்டு குற்றமற்றவர் என விடுதலையான பலர் பற்றி இந்திய அரசும், நீதித்துறையும், ஊடகமும் ஏன் கண்டுங்காணாதது போல மவுனமாய் உள்ளன?

கடந்த பதினேழு ஆண்டுகளாக முஸ்லிம்கள்- எத்தனையோ இளைய தலைமுறையினர், யாரோ வைத்த குண்டுகளுக்காக இன்றும் சிறை வாசம் அனுபவித்த வேதனையே இன்னும் அவர்களை விட்டு விலகாத நிலையில்... அவர்களுக்காக இந்திய அரசின் இழப்பீட்டினையும், மன்னிப்பையும் கேட்பது யார்? எப்போது ? எப்படி?

மேற்படி அனைத்து குண்டுவெடிப்பு வழக்குகளிலும் எப்படியும் குறைந்தது ஆயிரம் பேராவது இதுபோல பாதிக்கப்படிருப்பார்கள் அல்லவா? பலவருஷம் கழித்து வெளிவந்த எந்த ஒரு நிரபராதியும் தனக்கு நஷ்ட ஈடு கோரி ஏன் வழக்கு தொடுக்க வில்லை? தமக்கு அது நிச்சயமாக கிடைக்காது என்று 100% உணர்ந்ததால்தானா..?

ஆஸ்திரேலியா இழப்பீடு தருவதை... 'நீதி வென்றது.'.. 'தர்மம் ஜெயித்தது'... ஆஸ்திரேலியாவின் பெருந்தன்மை... நேர்மை... என்றெல்லாம் பெருமையாக எழுதிய-சொன்ன எல்லா ஊடகங்களும், அதே நீதியை இந்தியாவில் பாதிக்கப்பட்டவர்களுக்காக ஏன் கேட்கவில்லை? இதுபற்றி எல்லாம் இந்திய அளவில்-தமிழக அளவில் எந்த ஒரு முஸ்லிம் அமைப்புகளும் கூட இதுவரை எந்த ஒரு போராட்டமும் செய்ய வில்லையே...! விரக்தியா? இரண்டாந்தர குடிமகனுக்கு என்ன கிடைக்கப்போகிறது என்ற அவநம்பிக்கையா? குடிமகனே இல்லாத ஹனிபே வேறொரு நாட்டில் நான்கரை கோடி ரூபாய் இழப்பீடு வாங்கும் நிலை இருக்கும்போது... சிறையில் நொந்து நூடுல்சானவர்கள் கேட்காவிட்டாலும் மற்றவர்கள் இவர்களுக்காக--இந்தியக்குடிமகன்களுக்காக கேட்கலாமே..!

நல்லவேளை... ஹனீப் ஆஸ்திரேலியாவிலேயே கைது செய்யப்பட்டார்..! அவர் மட்டும்... ஒரு பேச்சுக்கு... ஆஸ்திரேலிய போலீசின் சோம்பேறித்தனத்தால்... பெங்களூர் கிளம்பி வந்திருந்தாரேயானால்...? ஆஸ்திரேலியாவின் வேண்டுகோளுக்கிணங்க... அன்றே பெங்களூர் விமான நிலையத்தில் ஹனீப் பொடா-வில் கைதாகி... பல ஆண்டுகள் சிறையில் இருந்துவிட்டு... ஒருநாள் நிரபராதி என ரிலீஸ் ஆனால்... பேசாமல் வீட்டைப்பார்த்து நடையைக்கட்டி இருப்பார்..!! இழப்பீடாவது... மண்ணாங்கட்டியாவது...!!!

நஷ்ட ஈடு விஷயத்தில் நமது 'நீதி தேவதை' தொலைந்து போய் விட்டது போலும்...! அதனை ஆஸ்திரேலியாவில் தேடி கண்டெடுத்திருக்கிறார் டாக்டர் ஹனீப்..! வேற்று நாட்டு மனிதனுக்கே அங்கே நீதி கிடைக்கிறது. இங்கே நம் இந்திய குடிமகன்களுக்கு உரிய நீதி என்னவாயிற்று?

இந்திய உச்சநீதி மன்ற கணம் கோர்ட்டார் அவர்களே..!

ஆஸ்திரேலியாவில் முஹம்மது ஹனீப் கண்ட அந்த நீதி தேவதையை இந்தியாவிற்கு மீட்டு வர முயற்சி எடுப்பீர்களா? உங்களால் முடிகிற விஷயம்தானே..!

இன்னொரு அன்பு வேண்டுகோள்:-

ஒரு வழக்கில், குற்றம் சாட்டப்பட்டவர் நிரபராதி எனத்தெரிந்தால் அவரை விடுவிப்பதுடன் அதே தீர்ப்பிலேயே... அது பொய்க்குற்றச்சாட்டு என்றாகிவிடுவதால், இவருக்கு... இக்காலத்துக்குள்.. இவ்வளவு.. நஷ்ட ஈட்டுத்தொகை அரசு அல்லது குற்றம் சாட்டியவர் அளிக்க வேண்டும் என்று கூறி ஒரேயடியாய் கணக்கை பைசல் பண்ணிவிட வேண்டியதுதானே? அதற்கென எதற்கு ஒரு தனி வழக்கு? தீர்ப்புக்காக எத்தனையோ வழக்குகள் உங்கள் முன் மலைபோல தேங்கியுள்ளனவே? ஒத்தைக்கு ரெட்டையாய் இதுவேறு எதற்கு ஒவ்வோர் வழக்கிலும் தனிச்சுமை உங்களுக்கு? சிந்திப்பீர்களாக..!


Thanks : Mohamed Ashik

http://pinnoottavaathi.blogspot.com/2011/01/blog-post.html#more